ZEPHANIAH 1:18 - DAÜLANGPÜ LAIHING (BSI)

¹⁸ Shembüpa mongshih anpü nyih jomei hon hi ngini jom neyangaokhen; Büpa mongshihpü awlah-i kahdoknyü peü shamtükhen; mehenangkü büpai kahdoknyü kü nyupüthü peü ngangahük kü dohtükkemhen.

ZEPHANIAH 1:18 Referans Kwoze

ZEPHANIAH 3:8

Shembüpai enyüke, ngei om dantuh; mehenangkü ha nyih ngei denpü hük vaishi yaongkahen. Mehenangkü jom kü ngelei mongshih, hatü ngelei monglep khüpshuohnüng jatlithü hatü ongchingthü thaihühen ngei temtüktih. Kahdoknyü kemei ngei mongshihpü awi shamtükhen.

EZEKIEL 7:19

Jomi jomei ngin chingyangshongei yaktükhen hatü jomei honü nyüphinya kei tuhphonghen. Shembüpa mongshihpü nyih jomei hon hi ngini jom neyangaokhen. Hapai shei jom aeipülepü shümoh nemeihen; mehenangkü mang kü huluh shuohhen mü hapai leihüpeih.

KANDOK 11:4

Mongshihpü nyih kü mopü nanglei neshiü, shejao daülangpüthüyü dipü kübü yangdainyeih.

MATHI 16:26

Shennyaki kahdoknyü kemei shakeishenaoktü laophülei yangnyu mahtükjema mehe nanglei nyüpa? Nevaijü laophülei yangnyu nangjei mehe shuohhen?”

KAHBHAO 6:7

Hanangkü Shembüpa i, “Kahdok shak kü ngei lingpü hangku, kahdokei kamteipü yemhimakthü hatü shangouthü thitei yaktükhen hih– ngei hathü lingpü nangkü ngei mongshangnyüke” shei e.

ZEPHANIAH 1:15

Hapa nyih-ü mongshih anpü nyih hük, mongshangpü hatü mongmangpü nyih, shangpongpü hatü mahpü nyih hük, vangnyak hatü dhe makpü nyih hük, phumnyaki jümpü hatü shangmang nyih hük nyukahen.

ZEPHANIAH 1:11

Bheileih vongjeihpü jila kü nyupü ami mahng theptuh; Ammei mophimo peü thittükhen, hon hi ngin bhei leihpüthü peü mahdaikemhen.

EZEKIEL 16:38

Ammi mükbongjuyungpü hatü jüpü nangkü ngei am nyonghühen, hatü ngei am kü mongshihpai dipü homei am shahphenhen.

JEREMIAH 9:11

Ngei Jerusalemü benei shüngpü dou leitükhen, mahuthü nyuishing leitükhen, hatü Judah jilathü shennyak neshiüi lavüngtoiyei leitükhen.

JEREMIAH 7:20

Hanangkü Shembüpai hapakei enyüke: Ngei mongshih hatü lohpü hapa shing, hangkuthü, yemhimakthü, pühivungthü hatü betjükvungjük kü khüpeilanghen; hapa kü aw bahhen hatü ha nemethen.

ISAIAH 1:24

Hanangkü Shembüpa, Jeiyong Kahvang, Israel amei Wong kohpü Hüki hapakei enyüke: ‘Oh, ngei ngelei vepathü kü ngelei mongshih khüpei langshuohhen hih, hatü ngelei vepathü kü ngei bhüh yemhen hih.

MENVIH KESHO 78:58

Jomei phuhpü vaümpü shing homei jomi büpa mongshihhü; jomei lajeithüi büpa mongmanghü.

1 ONGPATHÜ 14:22

Judah ami Shembüpa touei mehe mang, ha dük; jomei chebü chepai dükpü mao nyeishi dükpü jomei mang homei Shembüpa mongshih vamhü.

SHAHKÜP 31:17

Ha nyih ngei jom kü mongshihhen hatü jom yaktükhen; ngelei dhe jom toueipü jodaihen hatü jom mahtükhen. Shanghah longi jom kü peihen hatü hapa nyih ngei, jomei Kahvang, jom mü nenyupü nangkü hapa shanghah peipü khih shei nyinghen.

KANDOK 18:11

Shemmeithüi jomei mophimo-ü penyü showtükpü chingnyü; mechemao nelaamdainüng kei deihnyeih.

MENVIH KESHO 79:5

Meshük lushi, Oh Shembüpa, nüngi den kü mongshihhen? Nüngei mongshih aw kei bahhen je?

JOB SHAHSHA APPÜ 21:30

Nemeipüthü ang vongshüh nyih kü, hatü Kahvang mongshihpü kübü yangdainyüke.

1 KORINT 10:22

Shembüpai mük nyemhühpha shei jeni deihnyu je? Jenü büpa mü wong kohpüba je?

JEREMIAH 7:34

Ngei jomei mongongmonglepü ngeü, Judah chingnyü hatü Jerusalem chingyangshongei yiükyah lashompü ngeühinga kemei dohtükhen; mehenangkü hapa kahdokü lavüngtoiyei leitükhen.

EZEKIEL 7:5

Jeiyong Shembüpai hapakei enyüke; Vongshüh hük pheikü hük am touei peikünyüke:

EZEKIEL 7:11

Üpteilenteipai ten nyeinya bühnyüke. Shennyak, jomei mophimo, jomei dhemeilaüma nevaijü jomei müknyinshekhang meheyao aoei netuhphonghen.

EZEKIEL 23:25

Ngei mongshihpü nüng khüei shomhen, hatü jomi mongshih-ei nüng kü nohen. Jomi ammei shong hatü dhaong vettükhen, hatü am yangei nyupüthü yani mahhen. Jomi ammei hapeüthü yah-ei lüdaihen, hatü ha kübü yangei nyupüthü awi hahtükhen.

ZEPHANIAH 2:2

Vanglüki hahbhang maoei daipükei mangdeilang shekü, Shembüpai nemei-i lohpü am touei mangpeikei shekü, Shembüpa mongshihpü am mangngoikei shekü deih-ei dangtuh.

JOB SHAHSHA APPÜ 3:15

nevaijü hon angpü ongpathü, shem maei ngin angpüthü mü nyuhen vaipeih.

ISAIAH 10:3

Hanghi pongpü nyih ammi mehe linghen? Tailu leipü shanghah peipü nyih ammi mehe dükhen? Üpa touei sheühshih shei peijahen? ammei mop melei tuhphonghen?

ISAIAH 10:17

Israel amei Vangngaiyü aw leidaihen, jomei Daülangpü Hükü awlom leidaihen; nyihcha kü hapa bah-ei büpalei hüh peü hahtükhen.