ZEPHANIAH 1:15 - DAÜLANGPÜ LAIHING (BSI)

¹⁵ Hapa nyih-ü mongshih anpü nyih hük, mongshangpü hatü mongmangpü nyih, shangpongpü hatü mahpü nyih hük, vangnyak hatü dhe makpü nyih hük, phumnyaki jümpü hatü shangmang nyih hük nyukahen.

ZEPHANIAH 1:15 Referans Kwoze

JOEL 2:2

Hapayü vangnyak hatü vang yimpü nyih hük, phumnyaki jümpü shangmang nyih hük vaikahen! Vang mangei kahshangthü banglangpü keiha, longpü, hatü wong kohpü veshanthü kei shouk peikünyüke; Aivang den kao jom mechemao hapakei nenyu, nevaijü ngoikahen denhivan kao hapakei nechongkahen.

ISAIAH 22:5

Manghkhang Kahjilei shangponghen, vepai neühahhen hatü nyemhen nyih hük Shembüpa, Jeiyong Kahvangei lakei nyüke. Chingnyü bhamthü laamtükhen, hatü kahshangthülei sheühpü yiüei lenhen.

SHAKEI VAMPÜ 6:17

Mehenangkü jomei mongshihpü longpü nyih peiteke, hatü üpai hapa khüei yaongaokhen?” shei eteke.

2 PETER 3:7

Shejao hapa aihük shah-i shaangpü vangsho hatü kahdoknyü mahtükhen shahphenpü nyih mangngoi thahshi Kahvang nenyingpüthü aw kü jakhen tuh-ei nyüke.

ROM SHAHSHA APPÜ 2:5

Shejao mechem Kahvangei shahhing shahphenpü shakei vamhen, vaanpü hatü mong neleppü mongdangi mongshihpü nyih shingvaishi ammi laophü shing mongshih jaoei tuhhahnyüke.

ZEPHANIAH 2:2

Vanglüki hahbhang maoei daipükei mangdeilang shekü, Shembüpai nemei-i lohpü am touei mangpeikei shekü, Shembüpa mongshihpü am mangngoikei shekü deih-ei dangtuh.

ZEPHANIAH 1:18

Shembüpa mongshih anpü nyih jomei hon hi ngini jom neyangaokhen; Büpa mongshihpü awlah-i kahdoknyü peü shamtükhen; mehenangkü büpai kahdoknyü kü nyupüthü peü ngangahük kü dohtükkemhen.

JOEL 2:11

Shembüpai vangmuk kei büpalei veshanthü kü enyüke; büpai epü bangpü veshanthü iejü ieyei nekemi hatü wong kohshi nyüke. Shembüpalei nyih longshi; hayü nyemshi nyüke; Üpai ha munenaokhen?

JEREMIAH 30:7

Hapa nyih meshük nyembenüng nyuhenang! Mepa nyih-ao hapa mü shetteihen neaokpih. Hapayü Jakob shing shanghah hepak nyuhen, shejao ha kübü büpa yangdaihen.”

MATHI 24:29

Hathü shangpongpü nyih peihhinüng vanghenyü manghdaihen, hatü lennyüi vangngai neshuohhen; hatü vangsho leipü lithathü vüdaihen, hatü vangsho nganthü jenhen.

SHAHKÜP 28:52

Shembüpa, ammei Kahvangi am kü shuohpü kahdok kübü chingnyüthü peü mahhen, hatü ammi mongnyangpü shaopü chingnyü pethü laamdaihen.

ISAIAH 8:22

nevaijü jomi kahdokei veihen, shejao jomi shanghah, vangnyak hatü nyempühanpü mon eehen, hatü jomü shangmang vangnyakei shüktükhen.

JOEL 2:31

Shembüpalei nyih longpü, hatü nyempü peishekü, vanghenyü manghdaihen, hatü lennyü iy leidaihen.

ISAIAH 13:9

Veituh, Shembüpalei nyih peikünyüke; mongshihpü hatü longi mongmangpü, mangpü nyih peikünyüke; Hapai kahdok lavüngtoiyei leitükhen, hatü haleipü mang shennyakthü mahtükhen.