ZEPHANIAH 1:13 - DAÜLANGPÜ LAIHING (BSI)

¹³ Jomei mophimo aetlangkemhen, jomei shemthü bentükhen. Jomi shem vehen, shejao hapa kü jom nenyuaokhen. Jomi nyalingngupai sheihen, shejao ha kübü yiü neyingaokhen.

ZEPHANIAH 1:13 Referans Kwoze

AMOS 5:11

Ammi taopathü kü la-i shoupnyüke, hatü jomei hah yahlangnyüke. Hanangkü ammi yaongshem velangmao, ha kü nenyuhen; ammi nyalingngupai longi sheiteke, shejao haleipü yiü ammi neyinghen.

MIKA 6:15

Ammi sheili sheihen shejao ha ammi nevetpih; ammi olive kübü mainga bhithen, shejao ha ammi nenoteiaokpih; ammi nyalingngupai ngümhen, shejao ha kübü yiü neyinghen.

SHAHKÜP 28:30

Ammi doi khamei tuhhen shejao lebü shennyaki aetei lüdaihen. Ammi shem vehen shejao halei nenyuaokhen. Ammi nyalingngupai sheihen shejao haleipü betjük nehahhen.

EZEKIEL 7:21

Ngei hathü kemei kung am kü hatü nebahnevaipüthü kü shuohtükhen, hatü jomi ha sheihtükhen.

JEREMIAH 15:13

Ammei mop hatü dounyünangba peü ammi kahdok kü mang thahpü nangkü vepathü kü angkü shetei deitükkemhen.

JEREMIAH 9:19

Mehenangkü Zion leipü ngeü hük, “Ham mekei lomohpa! Ham mekei veü pongpa! Mehenangkü hami kahdok tuhphong, hatü hamei nyushingü bentükteke” shei epü dannyüke.

SHAHKÜP 28:39

Ammi nyalingngupai kah linghen shejao ammi ha kübü yiü nenyinghen nevaijü betjük nevaümhen; mehenangkü hathü peü laonghiyaki hahtükkemhen.

ZEPHANIAH 1:9

Ha nyih üami shakung benei tüteinya, hatü laophülei shembülei shemei lak shihteipai hatü gühdoui mahünya ngei hanghihühen.

MIKA 3:12

Mehenangkü am tata kü Zionü kah kü han hokpükei hokei yaktükhen, Jerusalemü nyüp yakshing leitükhen, phopshemü pheni luplanghen.

EZEKIEL 22:31

Hanangkü ngelei mongshih ngei jom kü khüpshuohhen hatü awi kei ngelei mongshih-i jom hahtükhen; jomi dükpü dou ngei jomei shangjing kü koei leitüktih shei Shembüpa Kahvangi enyüke.”

EZEKIEL 7:19

Jomi jomei ngin chingyangshongei yaktükhen hatü jomei honü nyüphinya kei tuhphonghen. Shembüpa mongshihpü nyih jomei hon hi ngini jom neyangaokhen. Hapai shei jom aeipülepü shümoh nemeihen; mehenangkü mang kü huluh shuohhen mü hapai leihüpeih.

JEREMIAH 9:11

Ngei Jerusalemü benei shüngpü dou leitükhen, mahuthü nyuishing leitükhen, hatü Judah jilathü shennyak neshiüi lavüngtoiyei leitükhen.

JEREMIAH 5:17

Jomi ammei hah hatü hahying hahtükhen, jomi ammei hahimoithü jütükhen; jomi ammei yemhimakthü hahtükhen; jomi ammei nyalingngupai, hatü adhajük hahtükhen. Ammi mongnyangpü penyü showtükpü chingnyü jomei yani mangtükhen.

JEREMIAH 4:20

Shanghah kü shanghah dheanei, kahmük kemei lavüngtoiyei leidaiteke. Ngangahük kü ngelei ashakshem; kanja mong aa kü ngei loishing bendaiteke.

JEREMIAH 4:7

Yingnyü leipü mailang hük vamei daitih, jatthü mangteipü hük laoei daitih; büpa laophülei shing leipü, kahdok lavüngtoiyei tuhhen; shennyak nyuhen neshiüi chingnyüthü mahtükhen vamei lüdaitih.

ISAIAH 6:11

Hahepak kü ngei, “Oh Shembüpa, nyih meshük lushi hapakei tuhhen?” shei phe. Büpai ngei kü, “Chingnyüthü kü, hatü shemthü kü nyuhen shennyak neshiüi, hatü kahdok chemjalak kü lavüngtoiyei manglei thahshi;

SHAHKÜP 28:51

Amphong aeipai mangdikem thahshi jomi ammei yemhimakthü, hatü kahdok kü vampü hahying kemei hahtükkemhen. Jomi am kü hahying, yiü, olive mainga, yemhimak mohoh nevaijü mi aoei netuhphahen.

JEREMIAH 17:3

Ammei kahmük kempülei ammei mang nangkü ngelei kahshang, ammei mophimo, hatü dounyünangba mü ammei vaümchongthü peü vepathü kü shuohtükhen.

YOUNG LAI 5:2

Hamei mükjüp mihthüng angpai yahlang, hamei bükhishem kü yenpa uodai.

EZEKIEL 7:24

Ngei jomei shemei angpü mophimothü yah-ei deitükhen shingvaishi peü mü nemeipü jatthü müei peihen. Ngei wong kohpü am changmeipü dohtükhen, hatü jomei daülangpü shingthü sheihtükhen.