ZEPHANIAH 1:11 - DAÜLANGPÜ LAIHING (BSI)

¹¹ Bheileih vongjeihpü jila kü nyupü ami mahng theptuh; Ammei mophimo peü thittükhen, hon hi ngin bhei leihpüthü peü mahdaikemhen.

ZEPHANIAH 1:11 Referans Kwoze

JAKOB 5:1

Shaang bangtuh, am shemmeithü, am touei peiküpü mongmang nangkü theptuh hatü lentuh.

EZEKIEL 21:12

Mong kü tüngei theptuh, Oh shennyak ha; mehenangkü hapayü ngelei nanglak khüei nyüke; Hapayü Israel ongthü khüei nyüke; Jomphongü ngelei nanglakthü mü chemi jühen yepei shüktüknyüke. Hanangkü jaaba kü daüpei theptuh.”

JEREMIAH 25:34

Theptuh hatü youngtuh am mi yombüthü; bhihla kü duteituh, am mi khong müpüthü. Mehenangkü am jühen hepak ngoiteke; am dohen hatü dükbhaok haipükei haidaihen.

JOHAN 2:16

Büpai athuba yupüthü kü, “Hatoueipü hathü dou yahlangtuh! Opalei shem amphongi bhei leihshing teleitük!” shei e.

JOEL 1:13

Dhoila ashak ümtuh hatü theptuh, Oh ngongpathü; youngtuh, am moidülei chongphopüthü. Peikei, vangnyak dhoila ashak ümtü phoptuh, amphong ngelei Kahvang chongphopüthü; Mehenangkü Shembüpalei phopshem kübü hahying, hatü yiü moila shümlangteke.

JOEL 1:5

Paotuh, amphong yiüi chokpüthü, hatü theptuh, hatü youngtuh, am yiü yingpüthü; Yiü ja linghen nyalingngupai peü mangtükteke.

HOSEA 9:6

Mahhen kübü jom yangjao, Ijip ami jom thaihühen; Jom Memphislei mahng vühen. Jomei douvang ngin hühhihangi lümlanghen, hatü hühyingi jomei shemthü jümlanghen.

JEREMIAH 4:8

Hanangkü dhoila ashak ümtü, “Shembüpa mangshi mongshihpü jen toueipü nelüdaiang” shei theptuh hatü youngtuh.

JOB SHAHSHA APPÜ 27:16

Jomi honhingin molo bhihhiphang kei yowei tuhlangmao, owhiai yaonglaap keiha thaiyei tuhlangmao,

JOB SHAHSHA APPÜ 27:17

jomi mehe yowei tuh, hayü daülangpüthüi owhen, hatü daülangpüthüi jomei honhingin hanlanghen.

ZEPHANIAH 2:5

Yungkung kü nyupü Oh Philistia am, am onyükei! Am khüei Shembüpalei shah nyüke, Oh Kanan, Philistia kahdok. “Ngei am peü mahtükhen, hatü hükao aoei netuhphongpih.”

ZEKHARIAH 14:21

Jerusalem hatü Judah kübü dükhi-ümthü peü Shembüpa kü daülangshemshepü nyuhen, hatü üami moila shuohnüng peihenshang jomi hathü kü cheühen, hatü hapa nyih kü Jeiyong Shembüpalei shem kü bhei leihpüthü hajük kü nechongkahen.