ZEPHANIAH 1:10 - DAÜLANGPÜ LAIHING (BSI)

¹⁰ “Hapa nyih kü” Shembüpai enyüke, Ammi Jerusalem Nyah Shaden kübü vaüpü ngeü hük, hatü jila ja kü vaüpü eepü, hatü shangtaothü bhaokpü ngeü danhen.

ZEPHANIAH 1:10 Referans Kwoze

2 SHÜPPÜKENGPÜ 33:14

Hapheikü büpai kahji leipü Gihon yunglok heshüphi leipü David chingnyü dokpa bham lingei anei Nyah Shaden thahshi hatü Ophel shangjing kü shonei ling; büpai hayü longi shaoshi ling. Penyü showtükpü Judah jilathü peü kü büpai veshan mübüthü tuh.

AMOS 8:3

Hapa nyih phopshemei lokpü haipeyü mahng theppü leihen. Shing peüei mahmahng longi nyuhen. Jomü lavüngtoipü shing kü yakphonghen.”

2 ONGPATHÜ 22:14

Hanangkü Hilkiah ngongpa, Ahikam, Akhbor, Shaphan hatü Asaiah hathüi phopshem leipü ashakviha kü veiteipü Harkaslei cheha Tikvah, Tikvahlei cheha Shallumei chenyüha Huldah thibüla touei pei. Pinnyü-ü Jerusalem shingja philei nyu.

NEHEMIAH 3:3

Hassenaahlei hapeüthüi Nyah Shaden ling; jomi pü bhangei hapalei shing kü shaden ling, hatü shaküp shihhen pü mounghibhang shihteke. Jomi pülu lütü ha shangkü pütang shih-ei shadenthü ling.

ZEPHANIAH 1:15

Hapa nyih-ü mongshih anpü nyih hük, mongshangpü hatü mongmangpü nyih, shangpongpü hatü mahpü nyih hük, vangnyak hatü dhe makpü nyih hük, phumnyaki jümpü hatü shangmang nyih hük nyukahen.

ZEPHANIAH 1:7

Shembüpa tou kü nenmü nyutuh; mehenangkü Shembüpai shahphenhen nyih ngoikünyüke. Shembüpai jakpü moila shuohhen temnyüke; büpai laophülei nanglakthü ha kü jakhen.

JEREMIAH 39:2

Zedekiah ong vaipü bong anpühük mü len ali mü nyih shüpabü kü hapa chingnyü benei shü.

JEREMIAH 4:31

Nyüha hük aokvomi tüngjü vaüpükei, hatü hashongpa angshingkü theppükei, “Ngeiyü onyükei! vepa touei ngei mahdainyu khih!” shei lak haongshi, ngü duwshi Zion nela theppü dannyüke.

ISAIAH 59:11

Sheptao keiha ham peü shomteinyüke, athuba keiha mahng thepnyüke, Hamü shahhing om dannyüke, shejao nedangnyu, yemleipü yemnyüke, shejao hapayao ham toueipü taishi nyüke.

2 SHÜPPÜKENGPÜ 32:22

Hapa keiha Shembüpai Hezekiah hatü Jerusalem nanglakthü Assyria ongpa Sennakeribei lak hatü lebüthülei lak kübü yangteke. Büpai jom kü lem peü phikü jung.

2 SHÜPPÜKENGPÜ 3:1

Solomoni Jerusalemei Moriah Kahshangei Shembüpalei shem vehen chongpang. Hatouei chepa David kü Shembüpa vamei hushuohteke. Hapayü Jebus am Araunahlei hah tenshing Davidi jepü shing nyuteke.

2 SAMUEL 5:9

Davidi penyüsha omei yahtü halei nyu, hatü hapa kü, “David Chingnyü” shei nyük, hatü Davidi Millo kübü pangei chingmongei shüei chingnyü lingteke.

2 SAMUEL 5:7

Davidi Zion penyüsha omei yah, hatü hapa kü shaang David Chingnyü shei nyüknyüke.

2 SHÜPPÜKENGPÜ 34:22

Hilkiah hatü büpa mü ongpai shompüthü Huldah thibüla kü phehen heih. Pinnyü-ü phopshem leipü ashakviha yomteipü Hasrahlei cheha Tokhath, Tokhathlei cheha Shallumei chenyüha nyuteke. Pinnyü-ü Jerusalemei Nyipabü Districtlei nyu, hatü pinnyü kü ha jung ejateke.

NEHEMIAH 12:39

Ephraim Shaden, Jeshanah Shaden, Nyah Shaden, Hananel Shangdü, Khohük Shangdü kübü Mi Shaden thahshi heih-ei Yombü Shaden touei tuhteke.

EZEKIEL 6:13

Mechem laophülei nanglakthü lajeithü touei moidü shinei, shaopü shangtaothü hatü shangchingthü peüei, hatü jomi lajeithü kü ayingshü jakei moila shuohteipü püdhüm vungdhüm phangkü yaüshi eehenshang, jomphongi ngeiyü, Shembüpa shei nyinghen.