ZEKHARIAH 7:9 - DAÜLANGPÜ LAIHING (BSI)

⁹ Jeiyong Shembüpai hapakei enyüke: Shahhing shahphenpü shuohtuh; hüki hük mü phahji yahyang huteituh.

ZEKHARIAH 7:9 Referans Kwoze

MIKA 6:8

Oh shennyak, mehe mei büpai ha am kü eteke. Shembüpai jen leipü yüpeyü ha khih: Mehe shahhing ha dükhen, düngei bampü huhen, hatü jenei Kahvang mü munenei kamhen.

KANDOK 21:3

Jakpü moila meyü mehe jiüpü, hatü shahhing nyüpa, ha dükhen-üng Shembüpa touei yahhübenüng nyüke.

JEREMIAH 7:5

Ammi hingmei, ammei lemthü hatü ammei dükhiling jeilejema, hatü hüki hük mü shahhing kü noteijema,

JEREMIAH 21:12

Oh David am shem, Shembüpai hapakei enyüke: “Nepnüng dhom ieyei shahhing dou düktuh; Shüveipüthülei lak leipü gühlangshuohpü shennyakthü yangtuh. Hei nevaijema ammi dükpü mang nangkü ngei mongshih vamhen, hatü üpaiyao nemetaokhen mü aw kei bahhen.

JOHAN 7:51

“Shennyak hük büpai mehe dükpa hapa shong mangdani jenei shahkungi hanei am nenyonghünyih” shei e.

LUK SHAHSHA APPÜ 11:42

Shejao am Pharisee am onyükei! Mehenangkü ammi chühüng hatü chünem hatü lebü phenlakthü peü yah-ei ankhong shuohnyüke, shejao ammi shahhing hatü Kahvang bampü yakphongnyüke. Ammi shongpü netuhphongi shompü dükhen vaipeih.

MATHI 23:23

Akhümmong-üm shahkung nyuhbü hatü Phariseethü, onyükei! Mehenangkü amphongi haohilai eheni napa, nemha, nemnyü kübü ankhong shuohnyüke, shejao hapa mü vihpü shahkung eheni, shahhing, phahji, hatü hinglempü hathü nedüki yaktüknyüke. Lebüthü ne-amtüki ammi hathü dükhen vaipeih.

ZEKHARIAH 7:7

Mechem Jerusalem kü shennyak maei hatü hapa ngeihpü shonpü jilathü hatü Negeb hatü heshüphi kahshangla kü nyupüthü mophimo-i maei nyiushemmei kü nyupa, Shembüpalei shah shongpü thibüthü homei nebaongangpü je?”

AMOS 5:24

Shejao shahhingpa yungyen kei yenhütuh; Daülangshemshepü mechemao nejeppü yunglok kei yenhütuh.

EZEKIEL 45:9

Shembüpa Kahvangi hapakei enyüke: Oh Israel ongthü, hajük kü dohtuh! Nemei-i dükpü hatü shüveipü tuhtüktuh; mehe shahhing hatü jiü, ha düktuh. Ngelei nanglakthü hapa kahdok leipü changtükei heihpü kübü dohtuh shei Shembüpa Kahvangi enyüke.

JEREMIAH 7:23

Shejao jom kü, “Ngelei shah bangtuh, hatü ngei ammei Kahvang vaihen, hatü amü ngelei nanglak vaihen; am meishi nyuhen shingvaishi ngei epü lem kü kamtuh” shei hapa ngeükhüam shuohpeih.

LEVI 19:15

Shahhingi shahshem teleihü; taopa kü baong hanei nevaijü longpü am kü hayaoha bamei teno, shejao shahhingi ammei chingyowpalei shahphentuh.

JOHAN 7:24

Ammi shakdokei eepü kü shah tephen, shejao jiüpü shahphen shuohtuh” shei e.

SHAHKÜP 22:1

Am mü jempü Israel am jeihinaülei mohoh nevaijü mi lembien lemei daiyei eejema, ha hei-üng tetuhphong; shejao büpa kü müei leiyei shuohtuh.

2 SAMUEL 9:7

Davidi, “Mephibosheth” shei nyüktü, “Nüng tenyem; mehenangkü ampa Jonathanei men kü ngei hingmei nüng kü phahji yahyang huhen. Ambü Saulei kahdok kemei nüng kü nyokei shuohhen, hatü nüng düngei ngei mü nükdü hük kü hahhen” shei e.

JOB SHAHSHA APPÜ 6:14

Üami küphü kü bampü nehunya, jomi Jeiyong Kahvang kü nyempü yaktükteke.

JEREMIAH 22:3

Shembüpai hapakei enyüke: Mehe shahhing hatü jiüpü nyüpa, ha düktuh. Shüveipüthülei lak leipü gühlangshuohpü shennyak yangtuh. Yenpa, hashihha nevaijü vaümnyü kü nejiüpü tedük nevaijü jom kü teshüvei, hatü hapa shing kü mang neshiüpü iy teyenhü.

EZEKIEL 18:8

Büpai bhüei danghen kü lop nelushuohnyu, nevaijü lop bhüei neyahnyu. Büpai nemeipü dükhen kübü büpalei lak shümlangnyüke, hatü shahhing shahphenpü shuohnyüke.

ZEKHARIAH 7:8

Shao Shembüpalei shah Zekhariah touei peiteke:

JOB SHAHSHA APPÜ 31:20

büpai ngei kü moihiman neyahphüjao, ngei ngelei mimumi büpa wohong nemeihüi nyujema;

HOSEA 12:7

Bhei yupüthüi nejiüpü dok noteinyüke; büpai bhei shakpüthü kü lawlüpnyüke.