ZEKHARIAH 7:6 - DAÜLANGPÜ LAIHING (BSI)

⁶ Hatü mechem ammi hahpa, hatü yingpa, am nyingi hüshemhen shingvaishi hahpü yingpü nevaipü je?

ZEKHARIAH 7:6 Referans Kwoze

1 KORINT 10:31

Hanangkü hahjao yingjao nevaijü nüngi mehe mehe dükhenshang, lemphüli Kahvang müknyinshekhang shingvaishi düktuh.

HOSEA 8:13

Jomi jakpü moila meipü shuohjao, hatü jomi phai hahjao, Shembüpai hathü neyahnyu. Shaang büpai jomei mang deihhen, hatü hapa mang shing jom hanghihühen; Jom Ijiplei nyokei shomtükhen.

KOLOSI 3:17

Ammi mehe dükhen, shah kü vaijao dou kü vaijao, lemphüli Shembüpa Jisulei men kü büpa homei Pa Kahvang kü menvih shuoh-ei düktuh.

HOSEA 9:4

Jomi Shembüpa kü yiü moila neshuohhen, nevaijü moila koei nepeiaokhen. Hakeipü moilayü jom shingvaishi mangh kü jeetükpü hahying kei nyuhen; Hapa hahpüthü peü nedaü-i leihen. Hapa hahyingü jom shingvaishi mon chongkahen, hapa Shembüpalei phopshemei noei nepeikahen.

1 SHÜPPÜKENGPÜ 29:22

Ha nyih jomi Shembüpa touei longi mongongshi hah hatü ying. Jomi nyipabü Davidei cheha Solomon ong vaihen shingvaishi Shembüpa touei thiteiphuei je hatü Zadokü ngongpa vaihen je.

1 SAMUEL 16:7

Shejao Shembüpai Samuel kü, “Nüngi büpalei dhe nevaijü bümhishao meipü kü tevei; mehenangkü ngei büpa yaktüktih. Shembüpa ngeiyü hangkui veipükei neveinyih. Shennyaki shakdok kü veinyeih, shejao Shembüpa ngeiyü mongdang kü veinyeih shei e.”

SHAHKÜP 14:26

Hapa lop yah-ei ammi napü mohoh, mi, yiü, shet nevaijü ammi napü lemphü shaktuh, hatü Shembüpa, ammei Kahvang touei am hatü ammei shem am peüi hapa hahhen hatü mongongteihen.

SHAHKÜP 12:7

Halei, Shembüpa, ammei Kahvangi ammi dükpü lemphü kü moihimanpü nangkü am hatü ammei shem am kemei chemi hahyinghen hatü mongonghen.

ISAIAH 43:23

Ammi ammei mithü müei peiyei ngei kü jakpü moila neshuoh, nevaijü moila shuoh-ei ngei kü dhüm neshuoh. Ngei am kü hahying moila nevaijü ayingshü jakei moila yahshih shei am kü hanggovih neshuoh.

ISAIAH 58:3

“Shembüpai neveiyaki mehekei jen shüaeiyunglehen? Büpai nenyingyaki mehekei jen nük nehah-i nyuhen?” shei jomi enyüke. Veituh, am shüaeiyunglepü nyih ammi lümbenüng mon düknyüke, hatü ammei dou dükbüthü kü shüveinyüke.

ZEKHARIAH 7:5

Ha kahmük kü nyupü nanglakthü hatü ngongpathü kü etuh, “Mechem ammi peihdaipü bong pejempüan shekü lenyang ngapabü, hatü nyetpabü kü shüaeiyungleyei hatü youngeinangpa, hingmei ha ngei shingvaishi shüaeiyunglepü hiang?

ZEKHARIAH 7:7

Mechem Jerusalem kü shennyak maei hatü hapa ngeihpü shonpü jilathü hatü Negeb hatü heshüphi kahshangla kü nyupüthü mophimo-i maei nyiushemmei kü nyupa, Shembüpalei shah shongpü thibüthü homei nebaongangpü je?”