ZEKHARIAH 7:5 - DAÜLANGPÜ LAIHING (BSI)

⁵ Ha kahmük kü nyupü nanglakthü hatü ngongpathü kü etuh, “Mechem ammi peihdaipü bong pejempüan shekü lenyang ngapabü, hatü nyetpabü kü shüaeiyungleyei hatü youngeinangpa, hingmei ha ngei shingvaishi shüaeiyunglepü hiang?

ZEKHARIAH 7:5 Referans Kwoze

ZEKHARIAH 1:12

Hahepak kü Shembüpalei phongshani, “Oh Jeiyong Shembüpa, nüngi Jerusalem hatü Judah chingnyüthü kü bong pejempüan thahshi mongshihteke, shejema hepak meshük lushi nüngi jom shing phahji shonglanghenang?” shei eteke.

1 KORINT 10:31

Hanangkü hahjao yingjao nevaijü nüngi mehe mehe dükhenshang, lemphüli Kahvang müknyinshekhang shingvaishi düktuh.

ZEKHARIAH 7:6

Hatü mechem ammi hahpa, hatü yingpa, am nyingi hüshemhen shingvaishi hahpü yingpü nevaipü je?

ZEKHARIAH 7:3

hatü Jeiyong Shembüpalei phopshem leipü ngongpathü hatü thibüthü kü, “Hami bong luangi dükei heihpükei lenyang ngapabü kü shüaeiyunglehen hiang?” shei phehen shingvaishi shom.

KOLOSI 3:23

Ammei dou mehe nyu, hapa kü shembü kü düknyu keiha nevai, Shembüpa kü düknyu kei kenei düktuh.

2 KORINT 5:15

Üam yemmü nyu, hajük kü laophü shing nenyuhen, shejao üpa di hatü jom peü shing yangei lei, büpa nangkü nyuhen shingvaishi büpa peü shing diteke.

MATHI 23:5

Mih-i eehen shingvaishi jomi dou peü düknyüke; mehenangkü jomi jomei phaishuw pela longshi lingnyüke hatü ashakmai lushi ownyüke.

MATHI 6:16

Mechem am shüaeiyunglehen, akhümmongümthü kei dhe mangei tehu; mehenangkü jomi mih kü shüaeiyunglenyeih shei huhen shingvaishi dhe yimnyüke. Hingmei ngei am kü enyeih, jomi jomei laklei danglangteke.

MATHI 6:5

Mechem am phophenshang, ammi akhümmong-ümthü kei tedük; mehenangkü jomi Sinagoglei hatü lemshongei shennyaki eehen shingvaishi yaongtü phophen kennyüke. Ngei am kü enyeih, jomi jomei laklei danglangteke.

MATHI 6:2

Hanangkü mechem ammi taopathü kü sheühpü shuohhen, mih-i vihhahhen shingvaishi akhümmong-ümthüi Sinagog hatü chingshongei dükpükei ammi amit vüngei tebaong. Hingmei ngei am kü enyeih, jomi jomei laklei danglangteke.

ZEKHARIAH 8:19

Jeiyong Shembüpai hapakei enyüke: “Len alipabü, ngapabü, nyetpabü hatü anpabü shüaeiyunglepeyü Judah am shingvaishi mongongbenüng hepak hatü mongongpü mohitap vaikahen. Hanangkü shahhing hatü chingmeivangmei kü bamtuh.”

JEREMIAH 25:11

Hapa kahdok kemei lavüngtoiyei leihen hatü ha jatthüi bong pejempüan thahshi Babylon ongpa chongphohen.

2 ONGPATHÜ 25:23

Mechem Judah am lakchongbüthü, hatü Babylon am touei shakei nevampü veshanthüi Gedaliah-i governor vaihen Babylon ongpai jeteke shei danpa, jomi Mizpahlei Gedaliah touei pei; jomphongü Nethaniahlei cheha Ishmael, Kareahlei cheha Johanan, Netophah leipü Tanhumethlei cheha Seraiah, hatü Maakahlei cheha Jaazaniah hatü jomei shennyakthü shiüteke.

ISAIAH 43:23

Ammi ammei mithü müei peiyei ngei kü jakpü moila neshuoh, nevaijü moila shuoh-ei ngei kü dhüm neshuoh. Ngei am kü hahying moila nevaijü ayingshü jakei moila yahshih shei am kü hanggovih neshuoh.

ISAIAH 58:3

“Shembüpai neveiyaki mehekei jen shüaeiyunglehen? Büpai nenyingyaki mehekei jen nük nehah-i nyuhen?” shei jomi enyüke. Veituh, am shüaeiyunglepü nyih ammi lümbenüng mon düknyüke, hatü ammei dou dükbüthü kü shüveinyüke.

JEREMIAH 29:10

Shembüpai hapakei enyüke: Mechem bong pejempüan lomhenshang, ngei am touei peihen, hatü am hapa shingei müei leihen shei ngei lahpü jiühühen.

JEREMIAH 52:12

Babylon ongpa Nebukadnezzar vanglem lempü bong anpüshü mü lenyang nga mü nyih anpabü kü Babylon ongpa chongphopü ongpalei veshan mübü Nebuzaradan Jerusalemei peiteke.

DANIEL 9:2

Büpai ong vaipü shongpü bong kü Shembüpai Jeremiah thibü kü Jerusalem bong pejempüan lavüngtoiyei yakphonghen shei epü nang ngei, Danieli daülangpü laithü kü yemei nyu.

HOSEA 7:14

Jomei mong kempai ngei kü nephop, shejao yangtü jomi thepnyüke; Mechem jomi nükhiyiü yüei phophenshang, jomi ngei khüei yaongnyüke.

ZEKHARIAH 7:4

Hahepak kü Jeiyong Shembüpalei shah ngei touei pei:

2 ONGPATHÜ 25:25

Shejao hapa bong len nyetpabü kü Nethaniahlei cheha, Elishamalei chehü Ishmael, ongsha ongshem kübü shennyak hük, büpa mü shennyak an mütü Mizpahlei heih-ei Gedaliah jü, hatü Mizpahlei büpa mü nyupü Judah hatü Babylon am jütükkem.