ZEKHARIAH 7:12 - DAÜLANGPÜ LAIHING (BSI)

¹² Shahkungnyü hatü Jeiyong Kahvangi büpalei laanghai thibüthü homei shompü shahthü nebangnüng shei jomei mongdang yaong kei vaandai. Hanangkü Jeiyong SHEMBÜPAleipü mongshih longpü peiteke.

ZEKHARIAH 7:12 Referans Kwoze

EZEKIEL 11:19

Ngei jom kü mongdang hük, hatü laangha ja shihshuohhen; ngei jom kü vaanpü yaong mongdang yaktüktü phai mongdang shuohhen.

2 SHÜPPÜKENGPÜ 36:16

shejao Shembüpai laophülei nanglak kü longi mongshih-ei meilem neshiüi manglei thahshi jomi Kahvangei shahjang kobüthü kü ne-ienelem, büpalei shahthü yaktük hatü thibüthü kü yaüteke.

PHONGSHANTHÜ DOU 28:27

Mehenangkü hapa nanglakthülei mongdang ngadai, hatü jomei dhaong nedanhen mü hüdai, hatü jomei mük phüngdaiteke. Hei nevailang meyü jomei müki eehen, jomei dhaongi danhen, hatü jomei mong kü nyinghen, hatü jom ngei lemei lepei leihen, hatü ngei jom meitükhah shepeih.”

EZEKIEL 36:26

Ngei am kü mongdang ja hük yahphahen, hatü laangha ja hük ammei mong kü shihphahen, hatü ngei am leipü yaong mongdang yaktüktü phai mongdang hük yahphahen.

MENVIH KESHO 50:17

Ngei yeanpü shuohpü kü nüngi jiühitnyüke, hatü ngelei shahthü ngaümpheilei yaktükteke.

MARK 4:12

shejüang jomi veihen shejao ne-eehen, banghen shejao nedanaokhen; hei nevaijema jom Kahvang philei lephen hatü mang tükpü danghen” shei e.

MATHI 13:15

Mehenangkü hapa nanglakthülei mongdang bawdaiteke, hatü danpai jomei dhaong hüdaiteke, hatü jomei mük ngühdaiteke. Hei nevailangmeyü jomei müki eehen, jomei dhaongi ha danhen; jomei mongdangi nyingei yahpai mong lepei leihen, hatü ngei jom meitükhah shepeih.

EZEKIEL 2:4

Nanglak üam touei ngei nüng shomnya, jomphongü mong vaanpü hatü laophüi deihpü mon dükpüthü khih; jom touei ngei nüng shomnyeih hatü nüngi hathü kü Shembüpai hapakei enyüke” shei etuh.

ISAIAH 6:10

Hapa nanglakthülei mongdang yawtüktuh; dhaong aangtükhütuh hatü mük phüngtüktuh. Hei nevaijema jomi eehen, danhen, nyinghen, hatü ngei touei mong lepei leiyei meitükpü danghen khih.”

2 PETER 1:21

Mehenangkü thihivam shah-ü shennyaki mongpü kübü nevam, shejao Laangha Daülangpai jom müpai shennyakthüi Kahvang leipü yah-ei epeih.

LUK SHAHSHA APPÜ 8:12

Lemei vüpü sheiliyü ha danpüthü; hapheikü kahshih peiyei jomei mongeipü ha shah yah-ei lüdainyüke, hanangkü jom hingnelemhen hatü neyanghen.

ZEKHARIAH 7:7

Mechem Jerusalem kü shennyak maei hatü hapa ngeihpü shonpü jilathü hatü Negeb hatü heshüphi kahshangla kü nyupüthü mophimo-i maei nyiushemmei kü nyupa, Shembüpalei shah shongpü thibüthü homei nebaongangpü je?”

JEREMIAH 26:19

Judah am Hezekiah ongpa nevaijü Judah ami ha tata kü Mikah jüla? Hezekiah-i Shembüpa kü nenyem hatü büpa bampü neyemangpü je? Büpai koei peihen shei jom khüei epü shanghah vongshüh neshuohhen Shembüpalei mong neyeiyaangpü je? Shejao jeni jen nyingkü shanghah vongshüh koei peihahnyu khih!

JEREMIAH 17:1

Judah amei mangü nyiam lainyangshongi nyangei nyüke; jomei mongdang yaongshung hatü jomei moidü leipü vaung kü diamond daüppai kukei nyangei nyüke.

JEREMIAH 5:3

Oh Shembüpa, nüngei müki shahhing kü neveinyu je? Nüngi jom kü bheiteke, shejao jom kü tüngei nepeinyu; nüngi jom kü ngümshuohjao, jomi yeanpü neyahnyu. Jomei mong yaong mao vaanpüba leinyüke, hatü jom mong lepei neleinyu.

ISAIAH 48:4

Am meshük mong vaanshi nyu, hatü nyiam keiha ngaümchong haüshi, hatü melangnyiam keiha ammei shangba vaanshi nyupa, ha ngei nyinghampeih.

JOB SHAHSHA APPÜ 9:4

Büpayü longi nahshi hatü wong kohshi, üpai büpa khüei yaongaokhen hatü neüaokhen?

2 SHÜPPÜKENGPÜ 36:13

Hingshangi nyuhen shei epü nangkü Kahvangei men kü vangeishuwpü shuohpü Nebukadnezzar ongpa khüei yaong. Büpa ngaümvang haüei mongdang vaanei Shembüpa, Israel Kahvang touei mong lepei nelei.

ISAIAH 46:12

Ngei epü bangtuh, am mongdang vaanpüthü, am daülangshemshepü kübü taishi yandaipüthü.

EZEKIEL 14:5

Lajeithü kü mong shuohtüktü ngei yakphongpü Israel nanglakthülei mong yepei leihen shingvaishi ngei hapa dükhen.”

MÜLANGPÜ 7:13

Shembüpai epü keiha Pharaohlei mong vaanteke, hatü jijinyi-i epü kü büpai nebang.

ISAIAH 65:12

Ngei amphongü yani mahhühen, hatü am peüi jüpü am kü aümei khümhen; Mehenangkü mechem ngei am kü nyükpa, amphongi ngei kü nejang, mechem ngei epa, amphongi nebang, Shejao ngei touei mehe mang ammi ha dük, hatü ngei mepa kü mong nehah, ammi ha dükpeih.”

JEREMIAH 7:20

Hanangkü Shembüpai hapakei enyüke: Ngei mongshih hatü lohpü hapa shing, hangkuthü, yemhimakthü, pühivungthü hatü betjükvungjük kü khüpeilanghen; hapa kü aw bahhen hatü ha nemethen.

JEREMIAH 17:23

Shejao jomi ha nebang hatü mong neshuoh; jomphong ngaümchong haüshi hatü ngei nyuhpüvenpü kü jomi nebangpeih.

JEREMIAH 42:21

Hanangkü ngei shinnyih am kü eteke, shejao büpai ngei shomei am kü epü Shembüpa, ammei Kahvangei shah meheyao nebangang.

ZEKHARIAH 1:2

Shembüpai ammei bühipa am kü longi mongshihteke.