ZEKHARIAH 7:10 - DAÜLANGPÜ LAIHING (BSI)

¹⁰ Vaümnyü nevaijü hashihha, yenpa-oupa hatü taopa kü teshüvei. Ammei mongkü hüki hük khüei ten tedeih.

ZEKHARIAH 7:10 Referans Kwoze

JEREMIAH 5:28

jom nitei hatü nyülüki leinyüke. Jom mang dou dükhen kü hajük shei neshiü; jomi shahhingi shahphen neshuohnyu; Jomi hashihhathü kü jomei jiüpü hean neshuohnyu, hatü ponghahpüthü kü shahhing nedükshuohnyu.

1 JOHAN 3:15

Jeihinaü hatü nyahinaü kü jiühitpeyü shennyak jüpü am, hatü shennyak jüpü am kü yangnyuyem nenyupih shei ammi nyingei nyüke.

JAKOB 5:4

Bangtuh! Ammei kahlei hahvet nang shapüthülei lat ammi kon lingei neshuoh-i tuhpai lennyüke, hatü hahvetpüthüi lenpü Jeiyong Shembüpalei dhaong ngoiteke.

ISAIAH 1:23

Nüngei vanglem lembüthüyü khüei yaongpüthü, gühpathülei mongjempathü leidaiteke. Peüi yawhdou kü kennyüke, hatü thintho phei changnyüke. Jomphongi hashihhathü khüamnebaknyu; Shahphen shingei vaümnyüi epü kü nebangnyu.

MENVIH KESHO 72:4

Ongpai taopathülei shah jiüshi phenhen; nehahneyingpüthü kü sheühhen, hatü mih kü shüveipüthü ngümtükhen.

MENVIH KESHO 21:11

Jomi nüng khüei nemeipü küpjan temjao, hatü mang küpjan temjao ha kü aokpü nedanghen.

1 KORINT 6:10

gühpü, hahnempü, chokpümokpü, yaüeilungpü, hatü peileipüthü– hathü üpayao Kahvang ongching mükjüp nedangpih.

MATHI 23:13

Am akhümmong-üm shahkung nyuhbü hatü Phariseethü, onyükei! Mehenangkü ammi shennyakthü neshühahhen mü vangsho ongching küptüknyüke, hatü am nyingiyao halei neshünyu, hatü mih shühenao nehannyu.

MALAKI 3:5

Hanangkü shahphenhen shingvaishi ngei am yopailei peikahen. Phongyompüthü, mükbongjuyungpüthü, shahshem denbüthü, nang shapü kü nanglat shuohhen kü doiteipüthü, vaümnyü hatü hashihha kü, hatü kung shennyak kü depünaampüthü khüei ngei lomi denpü shuohhen, shejao am payü ngei kü tenyem shei Shembüpa Kahvangi enyüke.

ZEKHARIAH 8:17

ammei mongkü hüki hük khüei ten dükhen tetem, hatü shahshem vangeishuwhen teken. Ngei henüng douthü kü jiühitnyeih shei Jeiyong Shembüpai enyüke.”

AMOS 4:1

Samaria kahshangei nyupü nyühathüi hapa bangtuh: Taopa hatü nehahneyingpüthü kü shüveipüthü, hatü laophülei baha kü, “Yiü yinghen deikei” shei epüthü.

EZEKIEL 22:29

Hapa kahdok kübü shennyakthüi aeteishenyüke hatü gühnyüke; jomphongi taopathü hatü nehahneyingpüthü kü shüveinyüke hatü yenpa-oupathü kü aeteisheyei nejiüi düknyüke.

EZEKIEL 22:12

Hapa chingnyülei shennyakthü mih jühen nangkü yawhdou yahnyüke; ammi nyeishi lop kü lop bhüei yahnyüke, hatü chingyowthü leipü aeteisheyei nanglei dangnyüke, hatü amphongi ngei betükteke shei Shembüpa Kahvangi enyüke.”

EZEKIEL 22:7

Hapa chingnyü kü nyupü peüi nyühipa kü dhüm neshuohnyu; hapa chingnyülei nyupü benhayahathü leipü aeteishenyüke; hashihha hatü vaümnyüthü nyongtüknyüke.

JEREMIAH 18:18

Hahepak kü jomi, “Kei, jeni Jeremiah khüei phaüshah showshah; mehenangkü ngongpai nyuhpüvenpü, nevaijü nyingpüthüi epü shah, nevaijü thibüthü leipü shah nemahnyu. Kei, jenei shah-i büpa yepshah hatü büpai epü kü mong neshuoh-i tükshah” shei eteke.

KANDOK 6:18

Nemeipü küpjan tempü mongdang, mang lemei shülangpü la;

KANDOK 3:29

Nüng yopailei monghahteishi nyupü chingyow khüei ten dükhen küpjan tetem.

MENVIH KESHO 140:2

Jomei mong kü küpjan tenthü temnyüke; hatü nyihjeih vehok vamhünyüke.

SHAHKÜP 27:19

“Üami benha kü, hashihha kü, hatü vaümnyü kü shahhing nenonya, hapa shennyak kü thaüvaü hettuh.” Hahepak kü nanglak peüi, “Amen!” shei ehen.

MÜLANGPÜ 23:9

Ammi benha kü tenaam; benha hüki mekei deihnya, ammi nying; mehenangkü amao Ijip kahdokei benha vaiyei nyuhampeih.

MENVIH KESHO 36:4

Jomi lüngei lemshi ten dükhen temhahnyeih; Jomi nemeipü lem peü temnyeih, hatü ten neyaktüknyu.

JEREMIAH 7:6

ammi benhapa kü, hashihha kü, vaümnyü kü neshüvei, nevaijü hapa shing kü mang neshiüpü iy neyenhü, hatü am ma yahhen mü lebü kahvangthü kü khümei nedaijema,

JEREMIAH 21:12

Oh David am shem, Shembüpai hapakei enyüke: “Nepnüng dhom ieyei shahhing dou düktuh; Shüveipüthülei lak leipü gühlangshuohpü shennyakthü yangtuh. Hei nevaijema ammi dükpü mang nangkü ngei mongshih vamhen, hatü üpaiyao nemetaokhen mü aw kei bahhen.

JEREMIAH 49:11

Nüngei hashihhathü tuhphongtuh, ngei hathü yemmü tuhhen; hatü ngei nüngei vaümnyüthü ngei kü hinglemhühen.”

EZEKIEL 18:12

Büpai taopa hatü ne-angpüthü kü shüveinyüke, büpai gühnyüke, hatü lahtü yahpü jiüshi nyokei neshuohnyu. Büpai lajeithü kü veinyüke, büpai jiühitpü douthü düknyüke.