ZEKHARIAH 5:3 - DAÜLANGPÜ LAIHING (BSI)

³ Hahepak kü büpai ngei kü e, “Kahdoknyü peü philei daihen thaüvaü hapa kü nyangei nyüke: Hük philei epeyü gühpa peü changtükhen, hatü hükpa lemei epeyü shahshem denbüthü peü changtükhen” shei enyüke.

ZEKHARIAH 5:3 Referans Kwoze

MÜLANGPÜ 20:15

Nüngi tegüh.

ISAIAH 48:1

Israel shei menpü Judah amphang kübü peipü Jakob am phang hapa bangtuh. Ammi Shembüpalei men kü vangeishuwnyüke, hatü Israel Kahvang kü khümnyüke, shejao shahhing hatü jiüpü kü nenyunyu.

ISAIAH 43:28

Hanangkü ngei phopshem leipü pameithü veühüpeih; Jakob chemjalak kü mangtükhen, hatü Israel am mih-i shahlong ehahhen hanpeih.

ISAIAH 24:6

Hanangkü thaüvaüi hapa kahdok lühtüknyüke; hapa nanglakthüi jomei mang kohen. Hanangkü kahdoknyülei nyupüthüyü bhihdai maandainyüke, hatü maani mon aoei nyüke.

JAKOB 5:12

Peü shak kü, ngelei jeihinaüthü, ammi vangsho nevaijü kahdok, nevaijü lebü mepayao noshi tevang, shejao hih shejü hih, nevai shejü nevai shei etuh, shejüang am nyonghüpü kü nevühen.

MALAKI 4:6

Ngei peiyei ammei kahdok thaüvaü hüki nemahtükhen shingvaishi büpai nyühipathülei mongdang hapeüthü philei, hatü hapeüthülei mongdang nyühipathü philei lephühen.

ZEKHARIAH 5:4

Jeiyong Shembüpai enyüke, “Ngei hapa thaüvaü shomhen hatü hapa gühpalei shemei hatü ngelei men kü shahshem denbülei shemei shühen. Hapa jomei shemei shüei taukta hatü yaongthü peü mangtükhen.”

JEREMIAH 26:6

ngei hapa shemü Shiloh kei leitükhen, hatü hapa chingnyü-ü kahdok shak kübü jatthü khongkü thaüvaütükpü dou hük leitükhen.

JEREMIAH 5:2

Jomi, “Vanyangyem Shembüpa nyüpeih” shei ejao shahshemi lahnyüke.

LEVI 19:12

Ammi shahshemi ammei Kahvang men tenei tevangteshuw. Ngeiyü Shembüpa.

SHAKEI VAMPÜ 22:15

Chingshelei nyupüthüyü shithü, phongyompüthü, mükbongjuyungpüthü, shennyak jüpüthü, lajei khümpüthü hatü shahshem kü bampü hatü ha dükpüthü.

SHAKEI VAMPÜ 21:8

Shejao mong nelongpü, hingnelempü, sheihdaipü, shennyak jüpüthü, mükbongjuyungpüthü, phongyompüthü, lajei khümpüthü, hatü shahshem epüthülei shingü awkaong meli kü aw bahpü shemyungei nyuhen; hapayü nyipabü dipü.”

JAKOB 5:4

Bangtuh! Ammei kahlei hahvet nang shapüthülei lat ammi kon lingei neshuoh-i tuhpai lennyüke, hatü hahvetpüthüi lenpü Jeiyong Shembüpalei dhaong ngoiteke.

1 TIMOTI 1:9

Ha lappai shahkungnyü-ü neshaipüthü shingvaishi netem shei nyingnyüke, shejao shahkung mangpü, ven nedanpü, Kahvang nenyingpü hatü mangthü, nedaünelangpü hatü sheihdaipü, laophülei nyü nevaijü pa jüpüthü, shennyak jüpüthü,

EPHESIA 4:28

Gühpathüi gühpü yaktüktuh; halei meyü taopathü kü lemhük dangkao shuoh-aokhen mü laophülei laki shahhing kü dou düktuh.

LUK SHAHSHA APPÜ 21:35

Mehenangkü hapayü kahdok shak kü nyupüthü peü touei peikahen.

MATHI 25:41

Hapheikü büpalei laknyong philei nyupüthü kü, “Amphong thaüvaü hetdaipüthü, ngei toueipü lüdaituh, hatü kahshih hatü büpalei phongshanthü shing tempü nedohnetenpü awlei shütuh;

MALAKI 3:5

Hanangkü shahphenhen shingvaishi ngei am yopailei peikahen. Phongyompüthü, mükbongjuyungpüthü, shahshem denbüthü, nang shapü kü nanglat shuohhen kü doiteipüthü, vaümnyü hatü hashihha kü, hatü kung shennyak kü depünaampüthü khüei ngei lomi denpü shuohhen, shejao am payü ngei kü tenyem shei Shembüpa Kahvangi enyüke.

ZEKHARIAH 8:17

ammei mongkü hüki hük khüei ten dükhen tetem, hatü shahshem vangeishuwhen teken. Ngei henüng douthü kü jiühitnyeih shei Jeiyong Shembüpai enyüke.”

HOSEA 4:2

Jomi lahtü mangtüknyüke, shahshem enyüke, jüteinyüke, gühnyüke, mükbongjuyung düknyüke. Iythüng anpü hük pheikü hük vamnyüke.

DANIEL 9:11

Israel am peüi nüngei shahkungnyü kü pungteke, hatü nüngei shah nebanghahhüei lemnyong kü lüdai. Hami nüng khüei mang thahpü nangkü nüng chongphopü Mosa homei shuohpü shahkungnyü kü nyangei nyupü thaüvaü kemei ham kü hetteke.

JEREMIAH 23:10

Kahdokü mükbongjuyungpüthüi maei nyüke; thaüvaüpü nangkü kahdoki mahng thepnyüke, hatü jahpan kübü phenha vandaiteke. Thibüthülei lem nemei, hatü jomei wong nejiüi nonyüke.

JEREMIAH 7:9

Ammi gühtü, shennyak jütü, mükbungjuyungtü, shahshemi lahtü, Baal kahvang kü hatü ammi nenyingpü lebü kahvangthü kü moila shuohtü,

KANDOK 30:9

Hei nevaijema, ngei longi anghen, hatü nüng yakphonghen khih, hatü “Shembüpayü üpaang?” shei ehen, nevaijü ngei taoei tuhjema ngei gühhen hatü ngelei Kahvangei men dhüm neshiüi leitükhen khih.

KANDOK 29:24

Gühpa mü mongjem pongpeyü laophülei yangnyu kü jiühithahpü mon; Shahhing denpü neshuohhen büpa vanghütü tuhnyeih.

KANDOK 3:33

Nemeipüthülei shem kü Shembüpai thaüvaü hethünyeih; shejao daülangpüthülei shem kü büpai moihimannyeih.

LEVI 19:11

Tegüh, tepeilei, shahshem te-e.

AMOS 3:10

Ha nanglakthülei shemü gühdou, hatü deyeilaoei aetpüshepü doui maei nyüke. Jomi mehe jiü, ha dükhen nenyingnyu shei Shembüpai enyüke.

JOSHUA 9:20

Jeni lahtükpü nangkü jom yemmü tuhhen; jeni lahtükpü mangtükjema Kahvangi jen hanghihühen.

EZEKIEL 2:9

Hahepak kü ngei veishuohshingkü ngei touei lak hük yiükei-i ee, hatü hapalei laidü hük notü ngei touei hapa laiteke.