ZEKHARIAH 4:9 - DAÜLANGPÜ LAIHING (BSI)

⁹ Zerubbabelei laki hapa phopshem chongnyiam yaong haüteke; büpalei laki-üng hapa dou temhen. Hahepak kü am touei Shembüpai ngei shompü khih shei ammi nyinghen.

ZEKHARIAH 4:9 Referans Kwoze

EZRA 5:16

Hanangkü Sheshbazzar leiyei Jerusalemei Kahvangei shem chongnyiam lingpeih. Ha nyih kübü shinnyih thahshi hapa venyüpeih, shejao mangtempih” shei e.

ZEKHARIAH 6:15

Tailu shingei nyupüthü peikahen hatü Shembüpalei phopshem lingei leihen kü sheühhen, hatü Jeiyong Shembüpai am touei ngei shompü khih shei nyinghen. Hingmei, ammi Shembüpa, ammei Kahvangei shah bangjema, hapa jiükahen.

HEBREW 12:2

Jeni Jisu kü mük neshai-i veishah. Büpayü jen hinglempü kü shongpü hatü changpüshapüba. Büpa shekü temei nyupü mongong men kü shophang veüpong munenei Kahvangei ong uoshing kü lakdah philei uoteke.

JOHAN 17:21

shejüang jom peü hük vaihen. Opa, nüng ngei kü hatü ngei nüng kü nyupükei jomphongao ji kü nyuhen, shejüang nüngi ngei shompü khih shei kahdoknyüi hinglemhen.

JOHAN 3:17

Mehenangkü Kahvangi kahdoknyülei laophülei Ha kahdoknyü nyonghühen shingvaishi nevai, shejao büpa homei kahdoknyü yanghen shingvaishi shompeih.

MATHI 16:18

Hatü ngei nüng kü enyeih, nüngü Peter, hatü ha yaong shangkü ngei ngelei attoi linghen, hatü yimching peshadeni ha khüei neyaongaokpih.

ZEKHARIAH 2:11

Hapa nyih jat longi peiyei Shembüpa mü haohen, hatü ngelei nanglak leihen, hatü ngei am khong mü nyuhen, hatü Jeiyong Shembüpai am touei ngei shompü khih shei ammi nyinghen.

ISAIAH 48:16

Ngei yopailei heih-ei ha bangtuh! chongpangpülei-üng ngei joshi ne-eangpih; hapa vampü hepak kao ngei hamü nyuhampeih. Hatü shaang Jeiyong Shembüpai ngei büpalei laangha mü ngei shompeih.

HAGGAI 2:18

Shinnyih, lenyang shü mü nyih hapüalipabü kü Shembüpalei chongnyiam yaong haüpheikü meishi deihhümao:

ZEKHARIAH 1:16

Hanangkü Shembüpai hapakei enyüke: Ngei shinshangei deihpü nangkü Jerusalemei nyokei leitepih, haleingelei phopshem vehen, shei Jeiyong Shembüpai enyüke.

ZEKHARIAH 4:8

Shao Shembüpalei shah ngei touei pei,

ZEKHARIAH 2:13

Hangkuli peü Shembüpa touei nenmü nyutuh; mehenangkü büpa laophülei daülangpü shing kübü peikünyüke.