ZEKHARIAH 4:2 - DAÜLANGPÜ LAIHING (BSI)

² Büpai ngei kü, “Nüngi mehe eenyüke?” shei phe, hatü ngei büpa kü, “Hon awdük haüshing hük, hatü ha shangkü mainga shihhen dük hük; ha shangkü awdük nyet kü shophilei awjük nyet baong kohshi,

ZEKHARIAH 4:2 Referans Kwoze

SHAKEI VAMPÜ 4:5

Hapa ong uoshing kübü klang nyepei, vangmuk khungei vam, hatü ong uoshing she philei aw nyet jak; hathüyü Kahvangei laangha nyet nyuteke;

SHAKEI VAMPÜ 1:12

Hahepak kü ngei kü epeyü üpalei ngeüang shei ngei yaakei lei, hatü yaakei veishingkü ngei hon awdük shemshing nyet ee,

ZEKHARIAH 5:2

“Nüngi mehe eenyüke?” shei büpai ngei kü phe. “Ngei laidü hük piyei eenyüke; hapayü yangkü meter shü, hatü ba kü meter ali mü bhaoei” shei ngei jangei e.

JEREMIAH 52:19

Ongpalei veshan mübüi chilimji, awtao shihteipü shung, iy shangteipü shung, dük, awdükshong, dük hatü chilimjithü peü daülangpü hon hatü ngini lingpü koei leidai.

SHAKEI VAMPÜ 1:20

Ngelei lakdah philei litha nyet, hatü hon awdük shemshing noshi eepü doujo nangü ha hih: litha nyet-ü attoi nyet kübü phongshan nyet, hatü awdük shemshing nyet-ü attoi nyet hih” shei eteke.

2 SHÜPPÜKENGPÜ 13:11

Nepjeih yajeih jomi Shembüpa kü jakpü moila hatü ayingshü jaknyeih. Jomi daütükpü nükdü kü aan haüei tuhnyeih, hatü yajeih hon awdük kü aw jakei tuhnyeih. Hami Shembüpa, hamei Kahvangi mongpü düknyeih. Shejao nüngi büpa yakphongteke.

2 SHÜPPÜKENGPÜ 4:7

Büpai hon awdük shemshing an eshuohpü keiha ling; nga pehe lemei hatü nga apsha lemei tuh.

1 SHÜPPÜKENGPÜ 28:15

awdük hatü awshong linghen nangkü hon meshük yahhen, ngin meshük yahhen,

CHONGVENBÜ 12:6

Nyiamvü phendai shekü, hatü hon nükshung bhaokdai shekü, yungkukei yungshong lakdük shaidai shekü, yungshong bhaodai shekü,

JEREMIAH 24:3

hatü Shembüpai ngei kü, “Jeremiah, nüngi mehe eenyüke?” shei eteke. “Adhajük, meipü adhajükü longi meishi, hatü nemeipü adhajükü longi nemei-i, nehah-aokhen mü eenyüke” shei ngei eteke.

AMOS 7:8

Büpai ngei kü, “Amos, nüngi mehe eenyüke?” shei pheteke. “Vü hük eenyüke” shei ngei jangei e. Hahepak kü Shembüpai eteke, “Veituh, ngei ngelei nanglak Israel am chi kü vü hük kangnyüpeih; ngei hajük kü jom kü mang netükpih.