Biblia Todo Logo
Bib sou entènèt

- Piblisite -




ZEKHARIAH 3:9 - DAÜLANGPÜ LAIHING (BSI)

9 Ngei Joshua touei haüpü yaong kü veituh. Hapa yaong hük kü dhe nyet nyüke, hatü ngei hapa yaong kü nyanghen shei Jeiyong Shembüpai enyüke, hatü hapa kahdok kübü mang ngei nyihcha hük kü thitei yaktükhen.

Gade chapit la Kopi




ZEKHARIAH 3:9
34 Referans Kwoze  

Mehenangkü üami douha maanpü dükpü nyih ne-ienelemhen, mongonghen, hatü Zerubbabelei lakei shethen vü noshi eehen. “Hapa awdük nyet-ü kahdoknyü peü kü veipü Shembüpalei mükthü khih.”


Hathü nyih hatü hapa hepak kü Israel hatü Judah amei mang yemhen shejao hükao nedanghen; mehenangkü ngei yangpüthü kü ngei mang tükshuohhen.”


Hapheikü ngei ong uoshing hatü yemmü nyupü yemhathü aa kü, hatü behethü khong mü Mi Cheha hük jütükphei keiha vaung nyet hatü mük nyet, mepa kahdoknyü peü lemei shompü Kahvangei laangthü nyet nyu, ha eeteke.


Hanangkü Shembüpa Kahvangi, “Veituh, ngei Zionlei chongnyiam yaong, hatü dokhen yaong hük, chongnyiam shing wong kohhen shingvaishi douvang shongkaong yaong hük tuhnyüpeih. Üpai hapa kü hinglemhenshang, neshanghahhen.


Shem vepüthüi yaktükpü yaong shongkaong yaong longpü leipeih.


Ha nyangei nyüke: “Veituh, ngei Zionlei nanglakthüi huluh shuohhen yaong hük, jom dohühen yaongnyü hük tuhnyüpeih; hatü üami büpa kü hinglem, neveühühen.”


Hajük kü shennyak hüki laophülei chingyowpa kü, nevaijü shennyak hüki laophülei jeihinaü kü, ‘Shembüpa nyingtuh’ shei nenyuhteihen; mehenangkü maanpü kübü longpü thahshi jom peüi ngei nyinghen. Mehenangkü ngei jomei mang tükhen, hatü hajük kü jomei mang deih-ei nedangpih” shei Shembüpai enyüke.


Lebü ngongpathü kei nevai; büpai nyihjeih shongpüba kü laophülei mang shing; hapheiküang nanglakthü shing jakpü moila shuohteihen napü neshiü; büpai hapayü laophülei yangnyu shuohpai den shing chem mon shuohtük.


Shejao Kahvangei chongnyiam shing lakshing wongshongi hapa nyangtü yaongshi nyüpeih: “Shembüpai büpa lompüthü nyingei nyüpeih” hatü, “Üami Shembüpalei men kü nyük, nemeipü leipü lepei leituh.”


büpai ham kü füoshang shüngei hatü vangpü hük vaishi hamei mongkü büpalei laangha shuohpeih.


hatü büpayü jenei mang shing mang tükhen moila shuohpüba, hatü hayü jenei mang mon nevai, shejao kahdoknyü kempülei mang shingvaishi moila shuohpeih.


Amphongü ham chongphopü homei shompü Khristalei lai shei hunyüke; hapayü shiai yah-ei nenyang, shejao vanyangyem Kahvang Laanghai yaongba kü nevai, shejao hangkulei mongdang kü nyangpeih.


Hapa Jisu-ü, ‘am shem vepüthüi yaktükpü yaong, shongnyü shemshouk yaong leiteke.’


Shedailaidaihen hahying teyem, shejao vanyangyem nyuhen hahying yemtuh; hayü Shennyak Ha-i am kü shuohhen. Mehenangkü hapayü Pa Kahvangi büpa kü füoshang shingei nyüke” shei e.


Nyihphei Jisu büpa philei heihja-i eeyei büpai, “Kahdoknyü mang koei lüdaipü Kahvang Mi Cheha kü veituh” shei e.


Hapa nyih kü, David am phang hatü Jerusalem kü nyupüthü jomei mang hatü nedaünelangpü kübü daühühen shingvaishi yunglok hük bhaohühen.


Vangsho phongshani büpa touei yaongpüthü kü, “Büpa leipü ashakten nyiuklangtuh” shei e, hatü büpai Joshua kü, “Veituh, ngei nüngei mang yahlangtepih, hatü ngei nüng kü owja owphahen” shei eteke.


Shembüpa kü mong kemei shuohpüthü kü wong kohhühen büpalei mük kahdoknyü peü lemei veishi nyüpeih. Nüngü ngadou dükteke, hanangkü shaang mebü vehok hokei mon nyuhen” shei e.


Daülangpü hon yah-ei ow hük lingtuh, hatü hapayü füoshang kei, “Shembüpa kü Daühünyeih” shei kukei nyangtuh.


Hapa yaong anpünyi kuk ieyei kü Israel phang anpünyi lappü huhen shangmü Jakobei chehathülei men hükbaong kü kukei nyangtuh.


Lahhinei hapa douvang yaong kukei Jakobei chehathülei men nyangaokhen shennyak yemtuh, hatü hapayü hon vaüptü haongtuh.


Heong kübü heshü taipü keiha büpai jenei mang taishi yaktükteke.


Shejao ngelei shembü ongpa pheikü üpai ong uoshing kü uohen shei nüngi ejahen ha nyinghen Israel am kemei nüng kü veishi nyüke.


Swiv nou:

Piblisite


Piblisite