ZEKHARIAH 3:4 - DAÜLANGPÜ LAIHING (BSI)

⁴ Vangsho phongshani büpa touei yaongpüthü kü, “Büpa leipü ashakten nyiuklangtuh” shei e, hatü büpai Joshua kü, “Veituh, ngei nüngei mang yahlangtepih, hatü ngei nüng kü owja owphahen” shei eteke.

ZEKHARIAH 3:4 Referans Kwoze

LUK SHAHSHA APPÜ 15:22

Shejao chepai büpalei chongphobüthü kü, “Peü mü meipü bhagthuh deikei, hatü ha büpa kü thuh-eishuoh; büpalei lakjaang kü anguti shepeishuoh, hatü lathuh thuh-eishuoh,

ISAIAH 61:10

Ngei Shembüpa kü longi mongmeinyeih, ngelei laanghai ngelei Kahvang kü mongongnyeih. Mehenangkü yiük yahbüi laophülei shangjing kü ngongpalei athen thenpü kei, hatü doidainyüi laophülei yüknyü yükpü kei, Shembüpai ngei kü yemleipü ow owhüpeih, hatü daülangshemshepü bhagthuh thuhphopeih.

SHAKEI VAMPÜ 7:14

Ngei büpa kü, “Longpüba, nüngiang nyingei nyüpeih” shei ngei jangei e. Hahepak kü büpai ngei kü, “Hathüyü shüveidoidei longpü kübü yangei peiküpüthü khih; jomi jomei bhagthuh Mi Chehalei iy kü dhotüktü shotoh-i leihüpü khih.

EZEKIEL 36:25

Ngei am kü daülangpü yungi haihen, hatü nedaünelangpü lemphü kübü, hatü ammei lajeithü peü kübü ngei am daütükhen.

ISAIAH 43:25

Ngelei men kü ammei mang thitei yaktükpeyü Ngei, hapayü, Büpa hih, hatü ngei ammei mang hajük kü deih-ei nelepih.

1 KORINT 6:11

Am haneiyü hapakei nyuteke. Shejao amphongü paütük, daütük hatü amphongü Shembüpa Jisu Khrista hatü jenei Kahvang Laangha men kü dahshakhüteke.

ZEKHARIAH 3:7

Jeiyong Shembüpai hapakei enyüke: “Nüng ngelei lemthü kü kamjema, hatü ngei epü dükjema, nüng ngelei phopshem, hatü ngeihpü shonpü peü kü khei vaihühen, hatü hamü yaongshi nyupüthü khongkü mübü hean yahphahen” shei e.

MIKA 7:18

Nüng keiha lebü Kahvang neshiü, Oh Shembüpa, Nüngi aoei nyupü laophülei nanglakthülei mang tüknyüke; Nüng denden mongshih-ei nenyunyu, shejao düngei ham kü bampü huhen mongongnyüke.

ISAIAH 61:3

Mongtok mongshang kü Zionlei nyupüthü kü depla nangjei nethe meipü ong athen, mahng theppü nangjei mongongpü mainga, mongmahdaipü laangha nangjei dupü-oupü owhiai shuohhen shompeih. Jomphong keyü Shembüpai laophülei müknyinshekhang huhen shingvaishi büpai sheipü daülangshemshepü longkhampüthü shei nyükhen.

HEBREW 8:12

Mehenangkü ngei jomi pungpü kü phahjihen, hatü hajük kü ngei jomei mang deih-ei nedanghen.”

2 KORINT 5:21

Mehenangkü büpa kü jen Kahvang daülangshemshepü leihen shingvaishi jenei men kü büpai mang nenyingpü hük mang leihüteke.

ZEKHARIAH 3:9

Ngei Joshua touei haüpü yaong kü veituh. Hapa yaong hük kü dhe nyet nyüke, hatü ngei hapa yaong kü nyanghen shei Jeiyong Shembüpai enyüke, hatü hapa kahdok kübü mang ngei nyihcha hük kü thitei yaktükhen.

MENVIH KESHO 51:9

Ngelei mangthü kübü nüngei dhe jodaishih, hatü ngelei mangthü kemei thittükshih.

KOLOSI 3:10

hatü Lingbülei lajei aimü nyingpühingpü kü ja leiyei shennyak ja owteke.

ROM SHAHSHA APPÜ 6:23

Mehenangkü mangei latü dipü, shejao ang kübü Kahvang thintho-ü Khrista Jisu jenei Shembüpa kü yangnyu nyüke.

ROM SHAHSHA APPÜ 3:22

Hapayü vaipüthü peü kü Jisu Khrista kü hinglempü homei peipü daülangshemshepü nyüke. Mehenangkü baong hanpü neshiü;

JOHAN 1:29

Nyihphei Jisu büpa philei heihja-i eeyei büpai, “Kahdoknyü mang koei lüdaipü Kahvang Mi Cheha kü veituh” shei e.

LUK SHAHSHA APPÜ 1:19

Vangsho phongshani büpa kü, “Ngeiyü Gabriel hih. Ngeiyü Kahvang touei yaongshi nyunyeih, hatü ngeiyü nüng kü ha ehen hatü nüng kü hapa shahjangmei kohen shompeih.

ZEKHARIAH 3:1

Hahepak kü büpai Shembüpalei phongshan touei Joshua ngongchong yaongshi ee, hatü büpa nyonghühen shingvaishi büpalei lakdah philei Kahshih yaongshi huphüteke.

ISAIAH 52:1

Paotuh, Paotuh, Oh Zion, Wong kohtuh! Nethe meipü owhiai owtuh, Oh daülangpü chingnyü, Jerusalem. Mehenangkü nejaptükpü hatü nedaünelangpüthüi hajük kü ammei penyüshamongei neshüküpih.

1 ONGPATHÜ 22:19

Mikaiah-i nedoh-i, “Hanangkü Shembüpalei shah bangtuh: Shembüpai büpalei ong uoshing kü uotü büpalei laknyong lakdah kü vangsho phongshanthü shinei yaongtü eenyüke.

2 SAMUEL 12:13

Hahepak kü Davidi Nathan kü, “Ngei Shembüpa khüei mang thahteke” shei e. Nathani jangei, “Shembüpai nüngei mang yahlangteke. Nüng nedipih.

SHAKEI VAMPÜ 5:11

Hapheikü ngei veishingkü ong uoshing shinei vangsho phongshanthü longi, hatü yemmü nyupü yemhathü hatü behethülei ngeü danteke; jomphongü million dok kü million, haja dok kü haja,

MATHI 22:11

Shejao mechem ongpai yenpathü kü veihen peipa, büpai shennyak hük yiükjing ow ne-owi ee,

EZEKIEL 42:14

Mechem ngongpai daülangpü shingei shühen, jomi chongphonüng kü owtü shüpü owhiai hatouei hukei netuhphongi chingdungei nanglakthü nyupü touei nevamhen; mehenangkü hathüyü daülangpü; jomi owpü ngong-ow hukei tuhphongtü mon nanglakthü nyupü shingei vamhen aok” shei eteke.

MIKA 7:19

Nüngi shao chem ham kü phahji huphahen; nüngi hamei mang nüngei labha-i shouptükhen, hatü yungching ilangmongei hingtükhen.

ISAIAH 44:22

Ngei ammei mang phumnyak changtükpü keiha daütüktih; Ngei touei mong lepei leikei, mehenangkü ngei amphong angei leitepih.

JEREMIAH 52:33

Hanangkü Jehoiakini büpalei khoklat leipü ow bhühtüktü düngei ongpalei nükdülei hahyingei nyu.