ZEKHARIAH 2:9 - DAÜLANGPÜ LAIHING (BSI)

⁹ Veituh, hingmei ngei jom khüei ngelei lak nohen hatü aathüi shao jom kü aeteishehen. Shejüang, Jeiyong Shembüpai ngei shompü khih shei ammi nyinghen.

ZEKHARIAH 2:9 Referans Kwoze

ISAIAH 19:16

Hapa nyih kü Jeiyong Shembüpai Ijip am khüei lak noshingkü jomphongü nyüha kei nyempai kheühen,

ZEKHARIAH 6:15

Tailu shingei nyupüthü peikahen hatü Shembüpalei phopshem lingei leihen kü sheühhen, hatü Jeiyong Shembüpai am touei ngei shompü khih shei nyinghen. Hingmei, ammi Shembüpa, ammei Kahvangei shah bangjema, hapa jiükahen.

ZEKHARIAH 4:9

Zerubbabelei laki hapa phopshem chongnyiam yaong haüteke; büpalei laki-üng hapa dou temhen. Hahepak kü am touei Shembüpai ngei shompü khih shei ammi nyinghen.

EZEKIEL 39:10

Jomi kah leipü pü nenahen nevaijü phaü leipü aghen napü neshiü; mehenangkü jomi vehok phunglang kaakei aw kü jakshi nyuhen; üami jom kü aeteishetepa, jomiyao ha am kü aeteishehen shei Shembüpa Kahvangi enyüke.

ISAIAH 14:2

hatü lebü jatthüi jom kü sheüh-ei jomei kahdokei nyokei leihen, hatü lebü jatthüyü Shembüpai shuohpü kahdokei Israel ammei nyüha aa hatü baha aa vaihen; jom wüpküpei deipüthü peü jomi wüpküpei deihen, hatü jom kü shüveipüthü shak kü jomi vanglem lemhen.

ISAIAH 11:15

Shembüpai Ijip ammei yungching jeptükhen, hatü büpalei laki nyahpü shaampü vanglük shomei Euphrates yungyenao ütükhen; hatü shennyaki la mü homaokhen mü shoha nyet vaishi antü hantükhen.

JOHAN 16:4

Shejao hapa hepak am touei ngoishingkü ngei am kü hathü jung ephütepih shei deihhen shingvaishi ngei hathü am kü etepih. Pangpülei ngei hathü am kü ne-eangpih; mehenangkü ngei am mü nyuteke.

JOHAN 13:19

Hapa vamshekü ngei am kü shaang enyeih, shejüang mechem ha vamhen, ammi ngeiyü büpa khih shei hinglemhen.

ZEKHARIAH 2:8

Üpai am kü hongtepa, büpai ngelei mük kü hongteke. Hanangkü Jeiyong Kahvangi büpalei nanglak kü aetpüshepü jatthü touei hapa shahjang koei ngei shomteke.

ZEPHANIAH 2:9

Hingmei, ngeiyü vanyangyem Kahvang, Israel amei Kahvang. Hingmei, Moab hatü Ammon amü Sodom hatü Gomorrah kei mahtükhen. Hapa shing kü phenha longei, hüm kahsha leiyei denden yaktükpü shing leitükhen. Ngelei nanglak aopüthüi hapa shing aetlanghen, hatü ngelei jathili-i ha kahdok jomei mükjüp vailanghen.

HABAKKUK 2:17

Mehenangkü ammi Lebanon kü nemeipü dükpü nangkü am kao dükphahen; hatü ammi yemhimakthü jütükpü nangkü am nyemhühen. Mehenangkü ammi hangkunyü iy yenhüteke; ammi kahdoknyü mahtükteke; Chingnyüthü hatü halei nyupüthü jütükteke.

HABAKKUK 2:8

Mehenangkü ammi jatthü longi leipü aetei yahteke, aoei nyupü shennyakthüi am leipü aetei yahlangphahen. Mehenangkü ammi hangkunyü kü iy yenhüteke; Ammi kahmükthü, chingnyüthü hatü halei nyupüthü mahtükteke.

JEREMIAH 28:9

Shejao thibü üpai chingmeivangmei jung tetei enya, büpa kü hingshangpü thibü sheiyü büpai tetpü peü jiüküjü mon ehen” shei eteke.

JEREMIAH 27:7

Büpalei kahdok dohen hepak mangngoi thahshi jatthü peüi büpa, hatü büpalei cheha hatü chehü chongphohühen; hapheikü mon jom jati wong kohpü jatthü hatü longpü ongthü chongphohühen.

ISAIAH 33:23

Jahas kü shenpü nyiamvü peü laidaihen, haleipü nyiamlüng juwdaihen, ailüng neyaat-aoki leidaihen. Jeni vepathülei mophimo kemei hanlanghen; hahepak kü lakhopaiyao büpalei phaihan koei leihen.

ISAIAH 33:1

Üamiyao am leipü negühgüh-i, üamiyao am kü nelunelemlemi güh-ei lueilempüthü! Mechem ammi gühpü dohhenshang, am leipü gühlanghen, mechem ammi mih kü lueilempü dohhenshang am kü lueilemhen.

ISAIAH 13:2

Meheyao neshiüpü shangtao hük kü khüamlung haongtuh; changmeipü longhiong nyupü penyüsha homei chinghah shühen baongeishuoh.

ISAIAH 10:32

Shinnyih jom Nob chingei paümhen, jomi Zion nelalei kahshang kü, hatü Jerusalem kahshangei jomi laklok huhen.

ISAIAH 48:16

Ngei yopailei heih-ei ha bangtuh! chongpangpülei-üng ngei joshi ne-eangpih; hapa vampü hepak kao ngei hamü nyuhampeih. Hatü shaang Jeiyong Shembüpai ngei büpalei laangha mü ngei shompeih.

ZEKHARIAH 2:11

Hapa nyih jat longi peiyei Shembüpa mü haohen, hatü ngelei nanglak leihen, hatü ngei am khong mü nyuhen, hatü Jeiyong Shembüpai am touei ngei shompü khih shei ammi nyinghen.

ISAIAH 4:5

Hapheikü Shembüpai Zion Kahshang hatü halei thaipüthü peü shak kü nyihnüng phumi jümhühen, hatü yanüng awnya vangngai shuohhen. Kahvang müknyinshekhangi hapa chingnyü kü jümtü yangei tuhhen.

ISAIAH 12:6

Wongmü lentuh, hatü mongongpai kesho loktuh, Oh Zion nanglakthü; mehenangkü Israel amei Daülangpü Hük am mü nyüke.”

ISAIAH 26:1

Hapa nyih Judah kahdokei hapa kesho lokhen: Jenei chingnyü wong kohshi nyüke; Kahvangi aokpü dangpeyü bham shaungpükei, hatü kahdok shaopülei lingei nyüke.

ISAIAH 33:21

Halei wong kohpü Shembüpayü jenei vaihen; hapayü ba longpü yungnyü keiha nyukahen. Halei li yaatei nekamteihen, nevaijü jahas longpü nelongteihen.

ISAIAH 60:18

Depülaopü nevaijü lomoh aühaü, benpülangpü jung ammei kahmük konmong kü nedanhen, shejao ami ammei bham kü Yemleipü hatü ammei penyüsha kü Menvih shei nyükhen.

ISAIAH 60:19

Hajük kü nyihnüng am shingvaishi vanghenyü, nevaijü yanüng shing lennyü vangngai nenahen; Mehenangkü Shembüpayü nedohnetenpü ammei vangngai, hatü Kahvangü ammei müknyinshekhang vaikahen.

JEREMIAH 8:19

Bahiyang kempülei ngelei nanglakthü hapakei vaüpü eepü bangtuh: “Zionlei Shembüpa nenyupü je? Pinnyülei Ongpa neshiüpü je?” Shembüpa, jomei ongpai jangei, “Mehekei ammi lajei kü khümei, kung amei kahvangthü kü khümei ngei mongshihhüpa?” shei enyüke.

JOEL 2:27

Hahepak kü ammi ngeiyü Israelei nyüke; Ngeiyü Shembüpa, ammei Kahvang, hatü lebü üpayao neshiü shei nyinghen. Ngelei nanglakthü ne-yei hapakei veü neponghüpih.

ZEPHANIAH 3:15

Shembüpai ammei hanghi yahlangteke, büpai ammei vepa ngaümphei yaaktükteke. Shembüpa, Israel amei Ongpa am mü nyüke; am hajük kü mehe kao nenyempih.

ZEKHARIAH 9:15

Jeiyong Shembüpalei inyüshungi jom yanghen, jomi nyeilah kü shoupei mangtükhen; Jomi nükchokyiümok am kei thepju kü lenhen, hatü vepathü iy yenhühen. Chilimji leipü iy moila shuohpü moidü touei langpükei yenkahen.