ZEKHARIAH 2:6 - DAÜLANGPÜ LAIHING (BSI)

⁶ “Leikei, leikei! Apsha kahdok leipü nyaidaikei” shei Shembüpai enyüke; mehenangkü ngei am vangsho jung ali kü yantükpeih, shei Shembüpai enyüke.

ZEKHARIAH 2:6 Referans Kwoze

EZEKIEL 17:21

Nyaiyei daipü veshanthü yani mahkemhen hatü haleipü yangei daipüthü vanglük kü haitükhen. Shejüang ngei, Shembüpai hapa ephei hih shei nyinghen.

ISAIAH 48:20

Babylon leipü leidaituh, haleipü nyaidaituh! Mongongpai hapa shahjang leneishuoh; peü lemei ha baongtuh. Kahdok dohpü ngoishi ha shomtuh; “Shembüpai büpalei chongphobü Jakob yangteke” shei etuh.

SHAKEI VAMPÜ 18:4

Hapheikü ngei vangsho leipü lebü ngeü hük hapakei eyei dan: “Ammi pinnyülei mang kü hean neyahhen shingvaishi, hatü pinnyülei cham nehanhahhen shingvaishi pinnyü leipü vamdaikei ngelei nanglak;

EZEKIEL 11:16

Hanangkü chemi wüpküpei nyupü Israel am kü Shembüpai hapakei enyüke shei etuh: Ngei jomphong jatthü touei shomtüklangmao hatü kung kahmükei haitüklangmao, shohük shingvaishi jom nyushingei ngeiyü jom nyuishing vaihampeih.

SHAHKÜP 28:64

Shembüpai am jatthü peü touei junghük kübü junghük dohpü ngoishi haitükhen, hatü ammi nevaijü ambü ampai nenyingpü yaong, hatü pü kahvangthü kü khümhen.

KAHBHAO 19:17

Mechem jijinyi-i hathü ching haolei müei deipa, jijinyi-i, “Yanglem yemei nyaidaituh, ngaümpheilei yaakei tevei nevaijü kahjilei metoueiyao teyaong; kahshang lemei aongdaituh, hei nevaijema amao mahhen” shei e.

ZEKHARIAH 2:7

“Leikei, Oh Zionlei leidaikei, am Babylonei nyupüthü!”

AMOS 9:9

Mehenangkü ngei ngeükhüam shuohhen, hatü ngei Israel am jatthü touei aungsheen kü sheenpükei sheenhen, shejao aungbhang hükao chongei nevühen.

EZEKIEL 5:12

Amphong khong kübü phaihan jem kü hükü tüngpüaipai hatü shaühile homei dihen; phaihan hükü chingnyü haoei deiyei mih-ei yani mahhühen, hatü shompü phaihan hükü ngei vanglük kü domtükhen hatü ngei ha pheikü yan noshi changhen.

JEREMIAH 51:50

Am meshüki yan kübü yangei nyüpa, Pheiyei nenyu-i lüdaikemtuh! Tailu kahdok leiyao Shembüpa ngei deih-ei dangtuh, hatü Jerusalem ammei mongei deihtuh.

JEREMIAH 51:45

Haleipü vamdaikei, ngelei nanglakthü! Laophülei büm yanghen nangkü mokdaituh. Shembüpalei mangpü mongshih kübü mokdaituh.

JEREMIAH 51:6

Babylon leipü nyaidaituh! Am yanghen mokdaituh! Jomei mangi am temah. Hapayü Shembüpai bhüh yempü hepak; pinnyü kü shangpükei büpai jom kü nyokei shuohhen.

JEREMIAH 50:8

Babylon leipü nyaidaituh; Babylon amei kahdok tuhphongtuh, hatü nüngü yumthü müpü yumbaong kei daituh.

JEREMIAH 31:10

Shembüpalei shah bangtuh, Oh jatthü; hapayü tailu yungkung kahdok thahshi baongtuh; “Üpai Israel am haitük, büpai jom thailanghen, hatü mi yombüi keiha büpai laophülei mi yomhen.

JEREMIAH 31:8

Veituh, ngei apshaphi kahdok leipü jom müei leikahen, hatü kahdok dohpü leipü jom thailanghen. Jom khongkü mükphüngpa, hatü la khodaipü nyuhen, hapeü anghen nyüthü hatü anghen tüngpü nyühathü nyuhen; khongnyü longpü hük leikahen.

JEREMIAH 15:4

Hezekiahlei cheha Manasseh, Judah ongpai Jerusalemei dükpü dou tata kü lebü jatthü touei ngei hathüyü jiühitbenüng kei leihühen.”

JEREMIAH 3:18

Hathü nyih kü Judah am phang Israel am phang mü dhaohen, hatü jom chemi ngei chebü chepa am kü mükjüp shuohpü kahdokei apshaphi kahdok leipü leikahen.

JEREMIAH 1:14

Hahepak kü büpai ngei kü e: “Apshaphi leipü shanghah hük hapa kahmük kü nyupüthü peü touei vamhen.

ISAIAH 55:1

Hey, amphong yung lepüthü peü, yung touei peikei; Üami lop ne-ang, peikei, shakei yingtuh! Peikei, lop neshiüi, bhei neshuoh-i yiü hatü amma shakhahtuh.

RUTH 4:1

Hapheikü jila peshaden shahthai shingei aongei halei uoshi nyu. Mechem büpai epü showsheipü shennyak peijapa, Boaz-i, “Küphüpa, hatouei heihkei hatü uotuh” shei e. Hanangkü büpa heih-ei uoteke.

MATHI 24:31

hatü büpai laophülei vangsho phongshanthü amit ngeü longpü mü shomei büpai jelangpüthü kahdok vaungjung aliphen kübü, hatü vangsho jung hük kübü hük dohpü thahshi thailanghen.

MARK 13:27

Hahepak kü büpai kahdoknyü vaungjung ali kü kahdok dohpü kübü vangsho dohpü ngoishi büpalei vangsho phongshanthü shomei büpai jelangpüthü thailanghen.”

MENVIH KESHO 44:2

Nüngei laki jatthü peü changtük, shejao nüngei nanglakthü halei sheiphong; nüngi jatthü hanghi ponghü, shejao nüngei nanglakthü bümei leihü.

EZEKIEL 5:10

Hanangkü Jerusalemei nyühipathü laophülei hapeüthü jüei hahhen, hatü hapeüthüi laophülei nyühipathü jüei hahhen. Ngei am kü hanghi shuohhen, hatü nedi-i yemmü nyupüthüao aphipe kü haitükkemhen.

DANIEL 11:4

Hatü mechem büpai vanglem lempü wongkoh hepak nyuhen, büpalei ongching mangdaihen, hatü shing ali antü handaihen. Büpalei iy kübü nephaakpü hüki vanglem lemhen, shejao büpai kei wong kohshi vanglem nelemhen; mehenangkü büpalei ongchingü bhitükhen hatü mih kü shuohtükhen.

JEREMIAH 31:38

Ngei shingvaishi hapa chingnyü Hananel Shangdü kübü Shouk Peshaden thahshi linghen.

ZEKHARIAH 1:16

Hanangkü Shembüpai hapakei enyüke: Ngei shinshangei deihpü nangkü Jerusalemei nyokei leitepih, haleingelei phopshem vehen, shei Jeiyong Shembüpai enyüke.