ZEKHARIAH 2:10 - DAÜLANGPÜ LAIHING (BSI)

¹⁰ “Loktuh hatü mongongtuh, Oh Zion nela! Veituh, ngei am mü nyunüng peikünyeih” shei Shembüpai enyüke.

ZEKHARIAH 2:10 Referans Kwoze

MATHI 28:20

hatü ngei am kü epü lemphü dükhen jom kü nyuh-eishuoh, hatü kahdoknyü dohpü ngoishi ngei amphong mü düngei nyukahen.”

ZEKHARIAH 8:3

Shembüpai hapakei enyüke: “Ngei Zionlei nyokei leihen hatü halei nyuhen; Jerusalem kü shahhing chingnyü shei nyükhen, hatü Jeiyong Shembüpalei kahshang kü daülangpü kahshang shei nyükhen.

JOHAN 1:14

Hapa Shah phai lei hatü jen mü nyu, hatü jeni büpalei müknyinshekhang, Pa leipü Halomei müknyinshekhang keiha phahji hatü shahhingi maei eeteke.

ZEKHARIAH 9:9

Longi mongongtuh, Oh Zion nela! Wongmü lentuh, Jerusalem yiükha! Veituh, ammei ongpa am touei, daülangshemshepü kü, hatü yemleipü kotü nenteiaokpai gadu chebaongha dok shangkü uotü am touei peikünyüke.

ZEPHANIAH 3:17

Shembüpa, ammei Kahvang amphong mü nyüke, büpa kü am yanghen wong nyüke. Büpai am kü mongongpü longpü nyuhen, Büpa bampü kü büpaiam kü yangnyu ja lingphahen, Büpai am shak kü mongong longpai mohitap kü kei kesho lokhen.

EZEKIEL 37:27

Ngei jom mü nyuhen; ngei jomei Kahvang, hatü jomphongü ngelei nanglak vaihen.

LEVI 26:12

Ngei am mü kamteihen, hatü ammei Kahvang vaihen hatü amphongü ngelei nanglak vaihen.

SHAKEI VAMPÜ 21:3

hatü ngei ong uoshing leipü ngeü longpü hük hapakei epü dan: “Veituh, shaang Kahvangei shemü hangku mü nyüke; Büpa jomphong mü jomei Kahvang vaishi nyuhen, hatü jomphongü büpalei nanglakthü vaihen, hatü Kahvangü jom mü nyuhen;

JOHAN 14:23

Jisui büpa kü, “Üami ngei kü bamnya, hathüi ngelei shahthü banghen, hatü Opa-i hathü kü bamhen, hatü ham jom touei peiyei jom mü chemi shemong hük leiyei nyuhen.

JEREMIAH 33:11

mongongmonglepü ngeü, yiükjing mo kü mongongteipü ngeü hatü Shembüpalei shem kü menvih shuohpü, moila koei peipüthülei ngeü hapakei eyei danhen, “Jeiyong Shembüpa kü menvih shuohtuh, mehenangkü büpayü meiangpeih; büpa bampü hüdenhalenshi nyunyeih.” Mehenangkü ngei hapa kahdok kü sheleipü keiha dapüshepü koei peihen shei Shembüpai enyüke.

JEREMIAH 30:19

Jom leipü menvihpü kesho vamhen, hatü mongongpü ngeü vamhen. Ngei jomei nanglak bhei-ie nyeinya dahühen, hatü jom maanei neleihen; Ngei jom kü dhüm koei peihen, hatü jom nevüshihhen.

ISAIAH 66:14

Ammi ha eetü ammei mongkü mongongkahen; ammei bümao phenha longpükei nyuhen, hatü hapai-üng Shembüpalei lakü büpalei chongphobüthü mü nyüke, hatü büpalei mongshih büpalei vepathü mü nyüke shei nyinghen.

ISAIAH 51:11

Hanangkü Shembüpai anglangpüthü nyokei leihen, hatü kesho lokei Zionlei leihen; Nedohnetenpü mongong jomei shangjing kü dheanhen; Jomi mongongmonglepü danghen, mongmang mongyim hatü huipü dohdaihen.

ISAIAH 12:6

Wongmü lentuh, hatü mongongpai kesho loktuh, Oh Zion nanglakthü; mehenangkü Israel amei Daülangpü Hük am mü nyüke.”

SHAKEI VAMPÜ 2:1

Ephesia kübü Attoi leipü phongshan kü nyangtuh: Hapayü üpai büpalei lakdah philei litha nyet no, üpai hon awdük shemshing nyet chi kü kamnya, hayü büpalei shah:

PHILIPPI 4:4

Shembüpa kü düngei mongongtuh; shao ngei enyeih, “Mongongtuh.”

MALAKI 3:1

Veituh, ngei shekü lem temnüng ngelei phongmokbü shomphahen, hatü Shembüpa, üpa ammi yemnyüpa, ngangahük kü büpalei phopshemei peikahen; vangteishuwteipü phongmokbü, üpa kü am kennya, peikahen shei Shembüpa Kahvangi enyüke.

ZEKHARIAH 14:5

Judah am ongpa Uzziah hepak kü pedi jenpü kü nyaipükei kahshang handaitü Azel thahshi vampü kahji kü am nyaiyei daihen. Hahepak kü Shembüpa, ngelei Kahvang büpalei phongshanthü büpa mü yiükahen.

JEREMIAH 31:12

Jom peiyei Zion Kahshang shaopülei mongongpai lenhen; Shembüpai hah, yiüja, mainga, mi hatü mohoh chehathü changshi shuohpü nangkü jom mongonghen. Jomphongü yung meishi üpü pemong kei nyuhen, hatü jom hajük kü mongnemanghen.

ISAIAH 61:10

Ngei Shembüpa kü longi mongmeinyeih, ngelei laanghai ngelei Kahvang kü mongongnyeih. Mehenangkü yiük yahbüi laophülei shangjing kü ngongpalei athen thenpü kei, hatü doidainyüi laophülei yüknyü yükpü kei, Shembüpai ngei kü yemleipü ow owhüpeih, hatü daülangshemshepü bhagthuh thuhphopeih.

ISAIAH 54:1

“Loktuh, Oh nyülan, hapeü chemao mangpohpü; Kesho loktuh, mongongpai lentuh, am aokvomi chemao mangtüngpüthü; Baha nyupü nyühathülei hapeüthü meyü, yaktükpü nyühathülei hapeüthü nyeishi nyuhen” shei Shembüpai enyüke.

ISAIAH 42:10

Shembüpa kü kesho ja hük lokeishuoh, kahdoknyü dohpü jung ngoishi büpa menvihpü loktuh! Yungchingi ngeü antuh, hatü haleipü yemhamakhathüi, yungkung kahdokthüi hatü halei nyupüthüi menvih kesho loktuh.

MENVIH KESHO 68:18

Mechem nüng shaopü kahshangei aongpa, nüng mü khoklat kü longi müei aong. Nüng khüei yaongpüthü leipao nüngi laklei yah; Shembüpa Kahvang halei nyuhen aongteke.

MENVIH KESHO 40:7

Hahepak kü ngei, “Ngei hammü nyüpeih, ngei peitepih hapa shahkungnyü laidülei ngei jung nyangei nyüpeih.

ISAIAH 35:10

Hatü Shembüpai angei leipüthü halei nyokei leihen, hatü Zionlei kesho lokyaki leikahen, Nedohnetenpü mongong jomei shangjing kü thenshi nyuhen, jomi mongong monglepü mon danghen, mongmang mongyim thenshang mongtüng peü jom toueipü nyaidaihen.

MÜLANGPÜ 29:45

Ngei Israel am khong mü nyuhen hatü ngei jomei Kahvang vaihen.

ISAIAH 37:22

büpa khüei Shembüpai epü shah-ü hapa khih: Pai mü ngühpü Zion nela-i nüng ne-ienelemnyih hatüthaüvaünyeih, Jerusalem nelathüi nüngei ngaümpheilei ngaüm dhinyeih.

EZEKIEL 48:35

Chingnyü shonpü kü meter haja shü nyuhen. Hapa chingnyü kü shaang mü leitü, “Shembüpa hatouei nyüke” shei nyükhen.

ZEKHARIAH 1:16

Hanangkü Shembüpai hapakei enyüke: Ngei shinshangei deihpü nangkü Jerusalemei nyokei leitepih, haleingelei phopshem vehen, shei Jeiyong Shembüpai enyüke.

ZEKHARIAH 2:5

Ngeiyü hapa shonei aw pe nyuhen, hatü ngei hapa mongkü hapalei müknyinshekhang vaihen” shei Jeiyong Shembüpai enyüke.

ZEKHARIAH 2:11

Hapa nyih jat longi peiyei Shembüpa mü haohen, hatü ngelei nanglak leihen, hatü ngei am khong mü nyuhen, hatü Jeiyong Shembüpai am touei ngei shompü khih shei ammi nyinghen.

SHAHKÜP 28:64

Shembüpai am jatthü peü touei junghük kübü junghük dohpü ngoishi haitükhen, hatü ammi nevaijü ambü ampai nenyingpü yaong, hatü pü kahvangthü kü khümhen.

ISAIAH 48:20

Babylon leipü leidaituh, haleipü nyaidaituh! Mongongpai hapa shahjang leneishuoh; peü lemei ha baongtuh. Kahdok dohpü ngoishi ha shomtuh; “Shembüpai büpalei chongphobü Jakob yangteke” shei etuh.

ISAIAH 52:11

Layaongtuh, layaongtuh, haleipü lüdaituh! Nedaünelangpü dou kü tehong! Haleipü vamei lüdaituh, hatü Shembüpalei yungshongthüao kotuh.