ZEKHARIAH 13:9 - DAÜLANGPÜ LAIHING (BSI)

⁹ Hatü ngei ha shing hük aopai aw kü shukhen, hatü hon hi ngin daüpükei daütükhen. Jomi ngelei men kü nyükhen, hatü ngei jom kü janghen. “Jomü ngelei nanglakthü” shei ngei ehen, “Shembüpayü hamei Kahvang” shei jomi ehen.

ZEKHARIAH 13:9 Referans Kwoze

MENVIH KESHO 50:15

Shanghahpü nyih ngei kü nyüktuh; ngei nüng yanghen, hatü nüngi ngei müknyinshekhanghen.

PHONGSHANTHÜ DOU 2:21

Hatü üami Shembüpalei men kü nyükhenshang yanghen.’ ”

ISAIAH 48:10

Hon aw kü jakei daühüpü keiha, ngei am kü shanghah homei doktepih, shejao amphong yahlak neshiü.

MENVIH KESHO 91:15

Mechem jomi nyükhen, ngei janghen; shanghah shingkü ngei jom mü nyuhen. Ngei jom yanghen, hatü dhüm huhen.

SHAKEI VAMPÜ 21:7

Üami vehok neühen hathüi mükjüp danghen, hatü ngei jomei Kahvang vaihen, hatü jomphongü ngelei hapeüthü vaihen.

1 PETER 4:12

Bampü küphüthü, am kü shaang ngangahük kü lemhük vamnyukei am kü dokpü homei ponghahpü kü thamaei tedeih.

JEREMIAH 30:22

Amphong ngelei nanglak vaihen, hatü ngei ammei Kahvang vaihen.

ISAIAH 43:2

Mechem am yung homei daihen, ngei am mü nyuhen; hatü mechem am yungdang homei daihen, yungi am bhongei neshanlanghen. Mechem am awbhaong kü kamei daihen, awi am kü nekethen; awlomi am kü nelihen.

JAKOB 1:12

Dokpü peishingkü üpai hinglemei nyu, büpa moihiman. Hapa keipü dokpü kü aokpü shennyak kü Shembüpai büpa kü bampüthü kü shuohhen lahpü yangnyu athen shuohhen.

ZEKHARIAH 10:6

Ngei Judah am phang wong kohhühen, hatü Israel am phang yanghen. Ngei jom kü bampü nangkü jom shemei müei leihen; ngei chemao jom neyaktükpükei nyuhen; Mehenangkü ngeiyü Shembüpa, jomei Kahvang, hatü jomi phoppü kü ngei janghen.

HEBREW 8:10

Hathü nyih pheikü ngei Israel am phang mü hapa vangpüshuwpü linghen shei Shembüpai enyüke: Ngei ngelei shahkungnyü jomei sholi kü shihshuohhen, hatü jomei mongdang kü nyanghen, ngei jomei Kahvang vaihen, hatü jomphongü ngelei nanglak vaihen.

JOB SHAHSHA APPÜ 23:10

Shejao ngei daipü lemshong peü büpai nyingnyeih; mechem büpai ngei kü dokhen, ngei hon keiha leidaihen.

ZEKHARIAH 8:8

hatü Jerusalemei nyuhen shingvaishi ngei jom nyokei leihen. Shahhing hatü daülangshemshepü kü jom ngelei nanglak vaihen, hatü ngei jomei Kahvang vaihen.”

JEREMIAH 31:33

“Hapa hepak pheikü ngei jom mü linghen vangpüshuwpeyü hapa hih” shei Shembüpai enyüke. “Ngei ngelei shahkung jomei sholi kü hatü jomei mongdang kü nyangei tuhhen. Ngei jomei Kahvang vaihen, hatü jomü ngelei nanglak vaihen.

ISAIAH 58:9

Hahepak kü ammi nyükhen, hatü Shembüpai janghen; Ammi sheühshih shei lenhen, büpai, “Ngei hamü nyüpeih” shei ephahen. Ammi am shüveiteipü, ammi mih kü lakjaangi jüpü, hatü nemeipü peü dohdaijema,

LEVI 26:12

Ngei am mü kamteihen, hatü ammei Kahvang vaihen hatü amphongü ngelei nanglak vaihen.

ZEKHARIAH 12:10

Ngei David am phang hatü Jerusalem kü nyupüthü kü phahji laangha hatü phoppü laangha shuohhen; mechem jomi jomei laki jütükpü eehen, halom didaipü kü theppükei, hatü hashongpa jaangdaipü kü youngpükei jom shahyaki thephühen.

KANDOK 17:3

Hon hi nginü awi doknyüpeih, shejao mongdangü Shembüpai doknyüpeih.

MENVIH KESHO 144:15

Hapa keipü moihiman dangpü nanglakthü moihiman; Shembüpayü üamei Kahvang vaihenshang moihiman.

JOEL 2:32

Shejao üami Shembüpalei men kü nyükhenshang yemleihen. Shembüpai epü keiha Zion Kahshang hatü Jerusalem kü yangpüthü nyuhen, hatü yangpüthüyü Shembüpai nyükpüthü nyukahen.

EZEKIEL 37:27

Ngei jom mü nyuhen; ngei jomei Kahvang, hatü jomphongü ngelei nanglak vaihen.

EZEKIEL 36:28

Shejüang ngei ambü ampa kü shuohpü kahdok kü nyuhen, hatü amphongü ngelei nanglak, hatü ngeiyü ammei Kahvang vaihen.

EZEKIEL 11:20

Shejüang jomi ngelei shahkung hatü vanglemthü kü mühen. Jomü ngelei nanglak, hatü ngeiyü jomei Kahvang vaihen.

JEREMIAH 32:38

Jomü ngelei nanglak, ngei jomei Kahvang vaihen.

SHAKEI VAMPÜ 8:7

Shongpü vangsho phongshani büpalei amit vüng, hatü shüyaong hatü aw mü iy vuktü vam, hatü hathü yah-ei kahdoknyü kü haishuoh; hatü kahdoknyü phaihan jem kü hük awi hahtük, hatü pü phaihan jem kü hük hahtük hatü phenhavunglak kemei hahtük.

SHAKEI VAMPÜ 8:8

Nyipabü vangsho phongshani büpalei amit vüng, hatü kahshang longpü hük leshi aw bahtü yungchingei shük.

SHAKEI VAMPÜ 8:9

Yungching phaihan jem kü hük iy leidai, yungching yemhathü phaihan jem kü hük di, hatü jahas phaihan jem kü hük mangdai.

SHAKEI VAMPÜ 8:10

Jempabü vangsho phongshani büpalei amit vüng, litha longpü hük vangsho leipü aw kei bahtü vü, hatü hapayü yungyen hatü yunglok phaihan jem kübü phaihan hük kü vüteke.

SHAKEI VAMPÜ 8:11

Hapa lithalei menü, “Shahyakpü” nyuteke. Yung phaihan jem kübü phaihan hük shahyaki leidai, hatü hapa shahpü nangkü yung leipü longi di.

SHAKEI VAMPÜ 8:12

Alipabü vangsho phongshani büpalei amit vüng, hatü vanghenyü phaihan jem kübü hük kü, lennyü phaihan jem kübü hük kü, hatü lithathü phaihan jem kübü hük kü sheüteke; hanangkü jomei vangngai phaihan jem kübü phaihan hük manghdai; nyihnüng phaihan jem kübü phaihan hük nenya-i leidai hatü yanüngao hapakei nyuteke.

JEREMIAH 24:5

Shembüpa, Israel Kahvangi hapa enyüke: Hathü meipü adhajük keiha, Judah am üam hapa shing kübü Babylon kahdok wüpküpei shomei nyüpa, hathü kü ngei meipü adhajük kü keiha bamshi noteihen.

EZEKIEL 20:38

Amphong khong mü nyupü khüei yaongpüthü, hatü ngei khüei mang thahpüthü ngei shaaptükhen; jom benha kei nyupü kahdok leipü ngei jom mülanghen, shejao jom Israel kahdokei neshüaokhen. Shejüang ammi ngeiyü Shembüpa Kahvang khih shei nyinghen.

DANIEL 11:35

Jomphong daühühen hatü kawhikang neshiüi henghen shingvaishi kon kohpüthü hanei huluh shuohhen. Dohpü hepak, Kahvangi itpü hepak mangngoi thahshi ha nedoh-i nyukahen.

DANIEL 12:10

Longshi shing daütükhen shejao nemeipüthü nemei-i nyuhen. Nemeipüthü üpayao ha nenyingaokhen shejao kon kohpüthüi ha nyingaokhen.

2 SAMUEL 7:24

Hatü nüngi Israel nanglakthü düngei nüng lompü nanglak vaihen shingvaishi lingei tuh, hatü Oh Shembüpa, nüngi jomei Kahvang vaiteke.

JOB SHAHSHA APPÜ 28:1

Hingmei, ngin yahpü shing nyüpeih; hatü hon daüshing hük nyüpeih.

MENVIH KESHO 43:4

Shejüang ngei Kahvangei moidü, Kahvang, ngelei mongong touei daihen. Ngei harp vüngei nüng menlonghen, Oh Kahvang, ngelei Kahvang.

SOLOMONEI KESHO 2:16

Ngei bampübayü ngelei, hatü ngei büpalei; Büpai yangkheihchü yingei büpalei mithü ühyingnyeih.

JEREMIAH 9:6

Shüveipü pheikü shüveipü, lueilempü pheikü lueilempü! Jomi ngei nyinghen nemongnyu shei Shembüpai enyüke.

EZEKIEL 14:11

Shejüang Israel nanglakthüi hajük kü ngei toueipü lemnyong kü nedaihen, hatü jom nyingi jomei mang homei nesheihhen. Jomü ngelei nanglak, hatü ngeiyü jomei Kahvang vaihen, shei Shembüpa Kahvangi enyüke.