ZEKHARIAH 13:8 - DAÜLANGPÜ LAIHING (BSI)

⁸ Kahmük peü kü, shing jem kü shing nyi mahtükhen, hatü shing jem kü shing hük mon yemmü tuhhen shei Jeiyong Shembüpai enyüke.

ZEKHARIAH 13:8 Referans Kwoze

EZEKIEL 5:12

Amphong khong kübü phaihan jem kü hükü tüngpüaipai hatü shaühile homei dihen; phaihan hükü chingnyü haoei deiyei mih-ei yani mahhühen, hatü shompü phaihan hükü ngei vanglük kü domtükhen hatü ngei ha pheikü yan noshi changhen.

SHAKEI VAMPÜ 16:19

Hapa chingnyü jem anei handai, hatü jatthülei chingnyüthü dodai. Kahvangi longpü Babylon deih-ei dang, hatü büpa mongshihpü yiüshong pinnyü kü shuoh.

MARK 13:20

Shembüpai hathü nyih shoh-ei neleitüklangmeyü üpayao neyangaokhah shepeih, shejao büpai üam je, hathülei men kü büpai nyih shohtükpeih.

DANIEL 9:27

Hapa ongpai hapta hük shingvaishi shennyak longi mü vangpüshuwpü linghen hatü hapa hapta hükkei shing daishi büpai jakpü moila hatü moilathü dohtükhen; hatü hathü shing nangjeiyei benpülangpü shuohpübai büpa shing temtükpü dohpütenpü mangngoi thahshi Phopshemei jiühitnalaibenüng tuhhen.

ISAIAH 6:13

Phaihan an kü hük hapa kahdokei nyujao, hapayü shao lavüngtoiyei leihen, shejao büpayü longkhampü agtükjao pütüng kahdokei aopükei nyuhen. Kahdokei pütüng aopeyü daülangpü li vaihen” shei eteke.

MATHI 22:7

Ongpa mongshih. Büpai veshanthü shomei shennyak jüpüthü jütük, hatü jomei chingnyü awi haptük.

MALAKI 3:5

Hanangkü shahphenhen shingvaishi ngei am yopailei peikahen. Phongyompüthü, mükbongjuyungpüthü, shahshem denbüthü, nang shapü kü nanglat shuohhen kü doiteipüthü, vaümnyü hatü hashihha kü, hatü kung shennyak kü depünaampüthü khüei ngei lomi denpü shuohhen, shejao am payü ngei kü tenyem shei Shembüpa Kahvangi enyüke.

JEREMIAH 30:11

Ngei nüng mü nyüpeih, hatü nüng yanghen shei Shembüpai enyüke. Ngei am yanei deishihpü jatthü peü mahtükjao, Ngei am chemjalak kü nemahtükpih. Ngei am kü hanghi neshuoh-i netuhpih, shejao hayü shahhingi dükhen; Am kü hanghi neshuoh-i neleishihpih.”

ISAIAH 66:24

Jomphong daishingkü jom khüei yaongpüthülei mahng jomi eehen; jomei büm kübü laong nedihen, nevaijü jom kü bahpü aw nemetdaihen, hatü jomphongi hangkuli peü touei jiühitbenüng leidaihen.”

EZEKIEL 20:38

Amphong khong mü nyupü khüei yaongpüthü, hatü ngei khüei mang thahpüthü ngei shaaptükhen; jom benha kei nyupü kahdok leipü ngei jom mülanghen, shejao jom Israel kahdokei neshüaokhen. Shejüang ammi ngeiyü Shembüpa Kahvang khih shei nyinghen.

AMOS 9:10

Ngelei nanglak khong kübü mang shennyakthü peü kemei, hatü üami, “Mehe tenao jen kü nedhaümküpih nevaijünepongpih” shei epüthü peü vepalei lak kü mahkemhen.

ZEPHANIAH 3:12

Mehenangkü ngei amphong khongkü nenteiaokpü, hatü inpünyaipü shennyakthü tuhphahen. Jomi Shembüpalei men kü hinglemhen.