ZEKHARIAH 13:7 - DAÜLANGPÜ LAIHING (BSI)

⁷ “Paotuh, Oh yanlu, ngelei dou dükpü mi yombüthü khüei” shei Jeiyong Shembüpai enyüke. Mi yombü kü bheituh, hatü mithü nyaidaiphahen; Ngei ngelei lak nanglakthü khüei nohen.

ZEKHARIAH 13:7 Referans Kwoze

MARK 14:27

Jisui jomphong kü, “Ngei mon tuhtü am peü nyaidaikemhen; mehenangkü ha nyangei nyüke: ‘Ngei mi yombü kü bheihen, hatü mithü yandaikemhen.’

MATHI 26:31

Hapheikü Jisui jomphong kü, “Sheya am peü kemei ngei yakphonghen; mehenangkü ha nyangei nyüke: ‘Ngei mi yombü kü bheihen, hatü mi khong yandaikemhen.’

ISAIAH 40:11

Mi yombü hük keiha büpai laophülei mi haümnyeih; büpai mi chehathü laophülei laki mongdang kukei deiyei paümnyeih; Büpai mi chenyüthü youngmü atei leinyüpeih.

JOHAN 16:32

Hepak ngoikünyüke; hingmei ha ngoiteke; ammi ngei mon tuhphongtü laophü laophülei shemei yandaikemhen. Shejao ngei mon nevai Opayao ngei mü nyüpeih.

MARK 14:50

Jom peü büpa tuhphongtü nyaidaikem.

EZEKIEL 37:24

Ngei chongphobü David keipü ong hüki jom kü ong vaihühen, hatü jom peü shak kü mi yombü hük mon nyuhen. Jomi ngelei shahkungnyü phei mühen, hatü ngelei vanglemthü kenhingei noteihen.

ZEKHARIAH 11:7

Üami mi bhei leihnya, jomi ngelei nang yepteke, hatü ngei jütükhen mithü yombü hük leiteke. Ngei lenshuoh nyi yahteke: hük kü ngei, “Bampü” shei nyük, hatü hükpa kü ngei, “Mongjempü” shei nyük, hatü ngei mi khong jungteke.

MIKA 5:2

Shejao nüng, Oh Bethlehem Ephrathah, nüng Judah phang khongkü maanpü vailangmao, nüng kübü Israel shak kü ngei shing vanglem lemhen hük vamhühen. Büpa vamshing bülemü aivang hepak kübü chongkahen.

SHAKEI VAMPÜ 1:8

Üpa nyüpa, üpa nyutepa, hatü Jeiyongpa üpa peikahen nyu, büpai, “Ngeiyü Alpha hatü Omega” shei Shembüpa Kahvangi enyüke.

JEREMIAH 47:6

‘Ah, Shembüpalei yanlu, nüng nenmü nenyui hepak meshük nyuhen? Yanpishungei nyokei leidaituh, dohtuh hatü nenmü nyutuh’ shei nüngi lenhen.

1 PETER 5:4

Mechem Mi yombü Longpü peihen, mechemao chang neleihen müknyinshekhang athen danghen.

1 PETER 3:18

Mehenangkü Khristayao mang nangkü den shing chem mon shangpong; am Kahvang touei müei leihen nangkü daülangpü hük nedaünelangpüthü shingvaishi diteke. Büpa phai kü dihü, shejao laangha kü yem leihü,

HEBREW 13:20

Shaang chingmei Kahvang üpai jenei Jisu Khrista, Mi yombü longpü, nedohnetenpü vangpüshuwpü iy homei dipü kübü yangei leishih,

2 KORINT 5:21

Mehenangkü büpa kü jen Kahvang daülangshemshepü leihen shingvaishi jenei men kü büpai mang nenyingpü hük mang leihüteke.

ROM SHAHSHA APPÜ 4:25

Jenei mang nangkü büpa dipü kü lanei shuoh, hatü jen dahshakhühen nangkü yangei leishihteke.

JOHAN 10:30

Opa hatü ngeiyü hük.

MATHI 11:27

Dou peü Opa-i ngei kü lanei shuohteke; hatü Pa mü lenei Ha üpaiyao nenying; hatü Ha mü lenei hatü Ha homei büpa shakei vampü nyinghen shingvaishi jepüthü mü lenei üpaiyao Pa nenying.”

ZEKHARIAH 11:4

Shembüpa, ngelei Kahvangi hapakei enyüke: Jütükhen mikhong yomtuh.

MIKA 5:4

Mechem büpa peihenshang, Shembüpalei wong kü, hatü Shembüpa, büpalei Kahvang müknyinshekhang men kü büpai laophülei mithü haümhen, hatü jom yangei nyuhen; mehenangkü büpa kahdoknyü dohpü ngoishi longpü vaihen,

JOHAN 16:15

Opai angpü peü ngelei vaipü nangkü büpai ngelei lompüthü yahhen, hatü ha am kü nyinghühen shei ngei enyüpeih.

JOHAN 14:23

Jisui büpa kü, “Üami ngei kü bamnya, hathüi ngelei shahthü banghen, hatü Opa-i hathü kü bamhen, hatü ham jom touei peiyei jom mü chemi shemong hük leiyei nyuhen.

JOHAN 14:1

Amphong mongteshang. Kahvang kü hinglemtuh, hatü ngei kao hinglemtuh.

JOHAN 10:38

Shejao ngei hathü dükjema, ammi ngei kü hingnelemjao dou kü hinglemtuh, shejüang Pa ngei kü nyüke, hatü ngei Pa kü nyüke shei ammi nyinghen hatü danaokhen” shei e.

JOHAN 8:58

Jisui jomphong kü, “Hingmei ngei am kü enyeih, Abraham shekü ngei nyuhampeih” shei e.

JOHAN 5:23

shejüang Pa kü dhüm hupükei Ha kao dhüm huhen. Üpai Ha kü dhüm nehu, büpai büpa shompü Pa kü dhüm nehunyu” shei e.

MATHI 10:42

hatü üami yung shong hük dangkao ngelei nanglom maanpüthü khongkü hük kü dangkao shuohhenshang, ngei hingmei enyeih, hapa laklei nemahhen.

MATHI 1:23

“Veituh, pai mü ngühpü nela hük büm nekongi leihen, hatü Yeshang hük anghen, hatü büpa kü, ‘Immanuel’ lappai, ‘Kahvang jen mü nyüpeih’ shei menhen.”

EZEKIEL 21:28

“Shennyak ha, nüngi ha teteivantuh hatü etuh: Ammon am hatü jomi eelapü nangkü Shembüpa Kahvangi hapakei enyüke. ‘Yanlu hük, yanlu hük, jühen tukei anteke; Jühen shingvaishi klang kei nyangshi jintükteke.

ISAIAH 9:6

Mehenangkü jen kü naü hük büh-ei nyüke, jen kü yeshang hük shuoh-ei nyüke, hatü vanglem lempü büpalei bhagchong shangkü nyuhen. Büpa kü kahmükvangphapü, Shahnying Venbü, Jeiyong Kahvang, Nedohnetenpü Pa, Chingmei Ongpa shei nyükhen.

MENVIH KESHO 2:2

Kahdoknyü ongthü jom nyingi, hatü vanglem lempüthüi chemi thaitü Shembüpa, hatü büpai thiteiphupü Hük khüei,

SHAKEI VAMPÜ 21:6

Hapheikü büpai ngei kü eteke, “Ha dükteke. Ngeiyü Alpha hatü Omega, Chongpangpü hatü Dohpü. Yung lepüthü kü ngei lop neyah-i yangnyu yunglok kübü yung yinghen shuohhen.

SHAKEI VAMPÜ 13:8

Kahdoknyü kü nyupü peü, üamei men jütükpü Mi Chehalei yangnyu laitap kü kahdoknyü chongpanghinüng men nyangei nenyu, hathüi hapa kü khümhen.

SHAKEI VAMPÜ 2:23

hatü ngei jomei hapeüthü bheitü jütükhen. Shejüang attoithü peüi ngeiyü chudeih mongdang yempüba shei nyinghen, hatü ngei am peü kü ammei doui shangpükei shuohhen.

SHAKEI VAMPÜ 1:17

Mechem ngei büpa eepa, mahng kei ngei büpalei la tüngei doei shük. Shejao büpai ngei kü büpalei lakdah-i düktü, “Nüng tenyem; ngeiyü chongpangpü hatü dohpü;

SHAKEI VAMPÜ 1:11

“Nüngi mehe eenya, ha lai hük kü nyangtü attoi nyet, Ephesia, Smyrna, Pergamum, Thiatira, Sardis, Philadelphia hatü Laodikea touei shomtuh” shei eyei dan.

1 JOHAN 2:2

hatü büpayü jenei mang shing mang tükhen moila shuohpüba, hatü hayü jenei mang mon nevai, shejao kahdoknyü kempülei mang shingvaishi moila shuohpeih.

PHILIPPI 2:6

Nyingnyoi-i büpa Kahvang vaijao, wongi leetei Kahvang mü hükkeipü shei büpai nedeih,

GALATIA 3:13

Shahkungnyü thaüvaü kübü büpa jen shing thaüvaü hük leiyei Khristai jen angei leiteke; mehenangkü hapa nyangei nyüke: “Pü shangkü üpa aphenshang, büpayü thaüvaütükpü.”

ROM SHAHSHA APPÜ 8:32

Büpa, üpai laophülei Ha shümei netuh, shejao jen peü shingvaishi büpa lanei shuoh, büpai büpa mü jen kü lemphüli neyahphahen je?

PHONGSHANTHÜ DOU 2:23

Kahvangei küpjan hatü yeihshi nyingei nyupükei hapa shennyak ammei lak kü lanei shuoh, hatü ammi nemeipüthülei lak homei büpa shophang kü apei jütük.

JOHAN 1:29

Nyihphei Jisu büpa philei heihja-i eeyei büpai, “Kahdoknyü mang koei lüdaipü Kahvang Mi Cheha kü veituh” shei e.

LUK SHAHSHA APPÜ 17:2

Hathü khongkü maanpü hük mang thahhü leimeyü üng kü yaongba shentü yungching ilangmongei hüngdaipü-üng büpa shing meipüba.

LUK SHAHSHA APPÜ 12:32

Am tenyem, miha khong; mehenangkü am kü ongching shuohhenü ammei Pa-i mongpü dou hih.

MATHI 26:56

Shejao hathü kemei thibüthü homei lai kü eyei nyupü jiühühen shingvaishi ha vampeih” shei e. Hahepak kü nanglomthü peü büpa yakphongtü nyaidai.

MATHI 18:14

Hanangkü hathü maanpü khongkü hük dangkao mahtükhenü vangsho leipü ammei Pa-i nemongnyih.

MATHI 18:10

Nüngi hathü maanpü hük kü dangkao ne-ienelemi nedükhen lituh; mehenangkü ngei am kü enyeih, vangsholei jomphongei vangsho phongshanthüi vangsho leipü Opalei dhe kü düngei veinyüke.

ZEKHARIAH 11:11

Hanangkü ha nyih hapa vangpüshuwpü bentük, hatü bhihhah yungyingei nyupüthü üami ngelei shah bang, jomi hapayü Shembüpalei shah khih shei nyingteke.

ISAIAH 27:1

Hapa nyih kü Shembüpai laophülei wong kohpü hatü dihen leü kohpü yanlu yah-ei kaokei nyokei kamteipü Leviathan biü hanghihühen; büpai yungching mongei nyupü hapa biü jütükhen.

ISAIAH 1:25

Ngei nüng khüei ngelei lak nohen; Nyiamyung heenei daüpükei ngei ammei nedaünelang yaktükhen.

EZEKIEL 7:6

Dohpü peiteke, dohpü peiteke. Veituh, hapayü nüng khüei yaongteke. Hapa peiteke.

EZEKIEL 21:3

hatü pinnyü kü Shembüpai hapakei enyüke shei etuh: Ngei am khüei nyüpeih. Ngei ngelei yanlu nohen hatü am peü nemeipü meipü nyiphen jühen.