ZEKHARIAH 13:4 - DAÜLANGPÜ LAIHING (BSI)

⁴ Hapa nyih, thibüthü peüi laophülei thihivam shah hatü manghkhang nangkü veühen. Mih kü ühinghen mü mum kohpü thibü ow ne-owhen,

ZEKHARIAH 13:4 Referans Kwoze

MATHI 3:4

Johanei owhiaiyü ut mumi lingpü ow owteke, phaishuw shüngshep shep, hatü büpalei hahyingü shouk hatü nyahjiü nyuteke.

ISAIAH 20:2

Hahepak kü Shembüpai Amozlei cheha Isaiah homei, “Nüngei büm leipü dhoila ashak bhühtüktuh, hatü lathuh bhühtüktuh” shei e, hatü büpai hapakei bhühtükkemtü bümkong hatü labai kamteiyei nyu.

2 ONGPATHÜ 1:8

Jomi büpa kü, “Büpayü sho lushi, yemhalei shuwi ow lingei owtü, hatü phaishuw shüngshep shepshi nyuküpeih” shei e. Büpai, “Hapayü Tishbi am Elijah khih” shei e.

SHAKEI VAMPÜ 11:3

Ngelei denbü nyi kü nyih 1260 dhoila ashak ümtü teteivanhen wong shuohhen” shei e.

MARK 1:6

Shaang Johanü ut mum thuhtü, phaishuw shüngshep shep, hatü shouk hatü phaü nyahjiü hahteke.

JEREMIAH 6:15

Jomi veüshi düknyüke, hatü jiühitnalai mang thahnyüke; shejao jom neveünyu, jom dhe haiyei leihen nenyingnyu. Ngei hanghi shuohshingkü dopüthü mü jomao dohen; ngei jom noei yaktükhen shei Shembüpai enyüke.

JEREMIAH 2:26

Gühpai güh yephahjü veüpü keiha, Israel amao jomei ongthü, lakchongbüthü, jomei ngongpa hatü thibüthü peü veühen.

HEBREW 11:37

Jomphong kü yaongi shükei, nyi anei püvet longkhoih-i vetei, yani bapei jüteke; jomphong kü mishuw hatü yumshuw yah-ei owhü, taoeinangei shüveiyei hanghiyei angteke.

JEREMIAH 8:9

Shembüpalei shah yaktükpü nangkü nahpüthü veühühen; jom longi mongmanghen hatü tai kü manhen. Jomi ngelei shahthü yaktük, shaang jomi mehe kon dangpa?