ZEKHARIAH 13:2 - DAÜLANGPÜ LAIHING (BSI)

² Hapa nyih kü, deih-ei danghen shingvaishi kahmük kü nyupü lajeithü men peü katitükhen, hatü kahmük kü nyupü thibüthü hatü nedaüpü laanghathü changtükhen,

ZEKHARIAH 13:2 Referans Kwoze

1 ONGPATHÜ 22:22

Shembüpai, ‘Mepakei yawhhen?’ shei phe. Laanghai jangei, ‘Ngei daiyei Ahabei thibüthü kemei shahshem ehen mü leihühen’ shei e. Hahepak kü Shembüpai, ‘Daituh, hatü nüngi büpa yawhtuh; nüngi aokpü danghen hih’ shei e.

HOSEA 2:17

Ngei pinnyülei ju kübü Baal menthü yaktükhen, hatü jomi hapa men ne-yei nenoteihen.

MÜLANGPÜ 23:13

Ngei am kü epü lemphüli kenhingei bangtuh. Ammi lebü kahvang kü tephop; ammei ju kübü ha jung epü tedanhü.

EZEKIEL 36:25

Ngei am kü daülangpü yungi haihen, hatü nedaünelangpü lemphü kübü, hatü ammei lajeithü peü kübü ngei am daütükhen.

EZEKIEL 30:13

Shembüpa Kahvangi hapakei enyüke: Ngei lajeithü mangtükhen, hatü Memphis leipü yaongnaüyathü dohtükhen. Hajük kü Ijip kü longhiong nenyuhen; Hapa keiha ngei Ijip am kü nyempühanpü shuohhen.

SHAKEI VAMPÜ 19:20

Shejao hapa yemha hatü hapalei shahshem thibü üpai nyangeihepü dou dükpü homei yemhalei füoshang shüngpüthü hatü hapalei lajei kü khümpüthü luhahpa, yeplangteke. Henyiphen awkaong meli kü bahpü aw shemyungei yemmü yepei shüktükteke.

LUK SHAHSHA APPÜ 11:20

Shejao ngei Kahvangei ngani mang laanghathü changtükjema, Kahvang ongching am touei peiteke.

MATHI 12:43

Mechem mang laangha shennyak hük leipü vamei daihen, ha yung neshiüpü kahmük kü nyiumei yemei longteinyeih, shejao shing nedangjema,

ZEPHANIAH 2:11

Shembüpai jomphong nyemhühen, büpai kahdoknyü kahvangthü kong leihühen; Yungkung kübü chingthü peüha, hatü shübaong kübü jatthü peüha, laophü laophü nyushingei aümei büpa kü khümhen.

MIKA 2:11

Ha nanglakthüi shahshem hatü lupülempai maei, “Am kü yiü hatü yiüji yenkahen shingvaishi teteivanhen” shei eshuohpü thibü nanyüke.

EZEKIEL 37:23

Sheyü jom nyingi jomei lajeithü, hatü jiühitnalaipü douthü nevaijü lebü pungpüshaipü homei mang nethahhen; mehenangkü ngei jomphong vüpü mang kübü yanghen, hatü ngei jom daütükhen. Shejüang jomphongü ngelei nanglak, hatü ngeiyü jomei Kahvang vaihen.’ ”

EZEKIEL 14:9

Thibü hük lueilemei shahshem ejema, hapayü ngei, Shembüpai hapa thibüpa kü lueilempü vaihen, hatü ngei büpa khüei ngelei lak nohen, hatü ngelei nanglak Israel khong kübü büpa mahtükhen.

EZEKIEL 13:23

Hanangkü hajük kü ammi shahshem manghkhang nevaijü phongyomthiphepü neeehen; ngei ngelei nanglakthü ammei lak leipü yanghen. Shejüang ngeiyü Shembüpa Kahvang shei ammi nyinghen.

JEREMIAH 29:23

Mehenangkü jomi Israel kü nyembenüng mang dükteke; chingyowpalei nyüha mü mükbongjuyung dükteke, hatü ngei neshomshomi ngelei men kü shahshem eteke. Ngei ha nyingnyeih hatü ngei ha kü denpü shuohnyeih shei Shembüpai enyüke.”

ISAIAH 2:20

Hapa nyih shennyakthüi jomi khümteipü hon hi ngin, lajeithü, humhalache, hatü abakthü touei shükphonghen.

ISAIAH 2:18

Lajeithü chemjalak kü mahdaihen.

MENVIH KESHO 16:4

Üami lebü kahvangthü phei dainya, shanghah nyeinya dahahnyeih; Jomei iy moila kü ngei hean neyahhen; ngei jomei kahvangthü kü nekhümhen.

JOSHUA 23:7

am mü nyupü jatthü mü tejemtei; jomei kahvangei men tenotei nevaijü vangeishuwei te-e. Ammi hapa kü chongtepho nevaijü tekhüm.

SHAHKÜP 12:3

Jomei moidüthü, daülangpü yaong shemnyüthü khih mü nihtüktuh hatü jomei Asherah kahvangthü aw kü jaktüktuh; jomei kahvang lajeithü dehtükkemtuh hatü hathü shing kübü jomei menthü thittüktuh.

MÜLANGPÜ 22:13

Hapayü phaüyemi hahtükpü vaijema, denpü vaihen ju-ao yah-ei huhen vongbong; hatü phaüyemi hahtükpü nangkü büpai hanghivong shemhen napü neshiü.

SHAKEI VAMPÜ 18:2

Büpai ngeü longpai nyükei e: “Doteke, doteke longpü Babylon! Hapayü kahshihthü nyushing leidaiteke, mang laangha hatü jiühitbenüng outhü nyushing, mang laangha hatü jiühitbenüng yemhathü nyushing.

MATHI 7:15

Shahshem thibüthü kü lituh; jomi am touei mi-ow owtü peinyüke shejao mongü shuw kei mangshi nyüke.

HOSEA 14:8

Oh Ephraim, lajeithü mü ngei mehe linghen? Am kü jangpü hatü jungpeyü ngei hih. Düngei phenlak thüngshingi nyupü awkaongpü leshi ngeiyü nyüpeih; Am hinglempü ngei kübü vamnyüpeih.

EZEKIEL 6:6

Melei am nyuhenshang, hapa shingü lavüngtoiyei tuhphonghen, hatü lajeithü bentükhen, shejüang ammei moidüthü bendaitü vüngmaki leidaihen, ammei lajeithü nihtü yaktükhen, ammei ayingshü jakpü moidü peü bentükhen hatü ammei lakdou kemei thitei yaktükhen.

EZEKIEL 12:24

Israel phang kü hajük kü shahshem manghkhang nevaijü yawhpüyangpü tethivan nenyuhen.

EZEKIEL 36:29

Ngei am nedaünelang peü kübü yanghen, hatü ngei lemphü moihiman nyükhen, hatü am changeishaei nyuhen, hatü am kü shaühile nepeihühen.

SHAHKÜP 18:20

Shejao ngei etuh shei nekangpü kü üpa thibüi ngelei men kü ehenshang, nevaijü üpa thibüi lebü kahvangthülei men kü ehenshang, büpayü jütükhen.

EZEKIEL 43:7

Büpai ngei kü, “Shennyak ha, hapayü ngelei ong uoshing hatü ngelei la shoupshing. Hatouei ngei ngelei nanglak Israel am mü düngei nyuhen. Israel phangi nevaijü jomei ongthüi mükbongjuyungpai nevaijü jomei ongthü dipü mahng homei ngelei daülangpü men nesheihhen.

HOSEA 2:19

Nüngü denshing ngelei nyüha vaiyei yahhen; ngei nüng daülangpü kü, shahhing kü, hatü shinshangpü kü ngelei nyüha vailanghen.