ZEKHARIAH 12:8 - DAÜLANGPÜ LAIHING (BSI)

⁸ Hapa nyih, Shembüpai Jerusalem kü nyupüthü büpalei inyüshungi küpshi yangei tuhhen; jomphong khongkü peü mü wong nekohpübayü David kei nyuhen, hatü David am phangü Kahvang kei, Shembüpalei phongshanü jomei mübü vaihen.

ZEKHARIAH 12:8 Referans Kwoze

ZEKHARIAH 9:8

Shejao üpaiyao daitü lei, daitü lei shei nelongteihen shingvaishi ngei ngelei kahmük yomhen. Üamiyao sheyü jom kü neshüveihen; mehenangkü ngelei müki lekei ha eetepih.

ZEKHARIAH 2:5

Ngeiyü hapa shonei aw pe nyuhen, hatü ngei hapa mongkü hapalei müknyinshekhang vaihen” shei Jeiyong Shembüpai enyüke.

MIKA 7:16

Jatthüi ha eehen, hatü jomei wong laaiyei jom veühen, jomi jomei ju kü laki shümlanghen, hatü jomei dhaong kü dhühlanghen.

MIKA 7:8

Oh ngelei vepa, nüngi ngei kü naamnyi tenyima; Ngei dolangmao shao ngei paokahen; Shaang ngei vangnyak kü nyulangmao, Shembüpayü ngelei vangngai vaihen.

JOEL 3:10

Hanshong kübü nyiami yanlu, hatü thüng jappü ajapi phung shüktuh; wong nekohpüthüiyao hoktuh.

HOSEA 3:5

Hapheikü Israel am nyokei leihen hatü Shembüpa, jomei Kahvang, hatü David jomei ongpa yemhen. Dohpü nyih küang jom Shembüpa touei nyemei kheüei peihen hatü büpa leipü moihimanthü yahhen.

SHAKEI VAMPÜ 22:16

“Attoithü shingvaishi nüng touei hapa denpü koei vangsho phongshanthü shompeyü ngei, Jisu hih. Ngeiyü Davidei tünglang hatü hühiha, nyapü nepnüng litha.”

SHAKEI VAMPÜ 22:13

Ngeiyü Alpha hatü Omega, shongpü hatü shompü, chongpangpü hatü dohpü.”

HEBREW 11:34

mangpü awlom mettük, yannah kübü yang, wong nekohjao wong dang, vehok kü hampa lei, hatü Kung am veshanthü nyaihütük.

1 TIMOTI 3:16

Nejü-üi jenei vaipü vanglem kü shahjo longpü nyüpeih: “Büpa phai kü shakei vam, Laangha kü dahshakhü, vangsho phongshanthüi ha ee, Kung am kü ha baongteke, kahdoknyü kempülei hinglem, müknyinshekhang kü shangei anlang.”

ROM SHAHSHA APPÜ 9:5

Hebrew am pathüyü jomei, phai keyü peü shak kübü Messiah-ü jom kübü, Kahvang den kü moihimantuh, Amen.

MATHI 1:23

“Veituh, pai mü ngühpü nela hük büm nekongi leihen, hatü Yeshang hük anghen, hatü büpa kü, ‘Immanuel’ lappai, ‘Kahvang jen mü nyüpeih’ shei menhen.”

MALAKI 3:1

Veituh, ngei shekü lem temnüng ngelei phongmokbü shomphahen, hatü Shembüpa, üpa ammi yemnyüpa, ngangahük kü büpalei phopshemei peikahen; vangteishuwteipü phongmokbü, üpa kü am kennya, peikahen shei Shembüpa Kahvangi enyüke.

MIKA 5:8

Jakob nanglak aopüthüyü jatthü chi kü, nanglak longi chi kü, phaüyem chi kü mailang hük keiha; mithü khong kü mailang cheha kei jom kü laongei shükhen, hatü bhin mü bhin mü shaaktükhen, hatü üpaiyao jom neyanghen.

HOSEA 12:3

Chenyüei vom mongei büpai chejei mü bhow, Shennyak hük vaishi tuhtü Kahvang mü bhow.

JEREMIAH 27:10

Jomi am kü shahshem teteivanei enyüke hatü hapai am ammei kahdok leipü tailuei daihen hean benhen; ngei am changtükhen hatü am mahhen.

ISAIAH 63:9

Jomei shanghah peü kü phongmokbü nevaijü phongshani nevai, shejao büpa ompai jom yangpeih; Büpalei phahji yahyangi jom yangpeih, Büpai jom longei anshihpeih, hatü peihdaipü nyihthü peü kü büpai jom kü jungpeih.

ISAIAH 53:3

Büpayü hangkuthüi ne-ienelemi yaktük; mongong hatü shangpongpü shennyak hük. Üpaiyao büpa kü nevei-i peüi laophülei dhe jolangkem, peüi büpa yaktük, hatü jeni büpa kü lümeivaüei nedeih.

ISAIAH 49:7

Yemleipü Shembüpa, daülangpü Israel Kahvangi jatthüi jiühitei yaktükpü vanglem lembüthülei chongphobü kü hapakei enyüke: “Ongthüi nüng eeyei yaongkahen, longthüi nüng eeyei aümei khümhen; Mehenangkü monglemaokpü Shembüpa, daülangpü Israel Kahvangi nüng jepeih.”

ISAIAH 30:26

Mechem Shembüpai laophülei nanglakthülei makaw thünghen, hatü büpai ma yahhüpü makaw meihühen; hapa nyih lennyü vanghenyü kei khanghen, hatü vanghenyü-ü nyih nyet helushoei hepü keiha shing nyet nyahen.

MENVIH KESHO 82:6

“Amü kahvangthü khih” shei ngei etepih, am peü Jaipübalei hapeüthü;

HOSEA 1:7

Shejao Judah nanglakthü kü ngei bampü huhen, hatü ngei jom yanghen, hatü hayü lah-i, yani, vehoki, koyeithüi nevaijü koyei veshanthüi nevai, shejao Shembüpa, jomei Kahvangi yanghen” shei e.

MÜLANGPÜ 14:19

Kahvangei vangsho phongshan üpa Israel veshanthü shekü kampa, jomei ngaümphei lemei leiteke, hatü jom shekü kamei nyupü phum shemnyü jom ngaümpheilei leiyei,

MÜLANGPÜ 33:2

Ngei am shekü vangsho phongshan hük shomhen hatü Kanan am, Amor am, Hit am, Perizz am, Hiv am, hatü Jebus am peü changtükhen.

LEVI 26:8

Am shennyak pa nga-i kho hük kü changhen; hatü am shennyak kho hüki haja an kü changhen; ammei vepathü ammei yannah kü mahhühen.

JOSHUA 23:10

Büpai lahpükei Shembüpai amei med kü hokteke hatü am shennyak hüki-üng haja hükao changtükaok.

MENVIH KESHO 8:5

Nüngi büpa vangsho phongshanthü mü ajüki phangpa kü ling, hatü nüngi büpa kü müknyinshekhang hatü vangdhümi athen thenhü.

ISAIAH 31:4

Shembüpai ngei kü hapakei enyüke: “Mailangi het yemei vaüshingkü, mi yombüthüi chemi vaülangmao, jom vaüpai shei mailang nenyempükei, nevaijü nenyülüppükei, Jeiyong Shembüpai Zion Kahshang, hatü haleipü shangtaothü nangkü hokhen yiükahen.

ZEKHARIAH 9:14

Hahepak kü Shembüpa jom shak kü vamhen; büpalei lahhan klang keiha kaphen; Jeiyong Shembüpai amit vünghen, hatü büpa pehephi leipü alüngleple kei mokhen.

ISAIAH 33:24

Zionlei nyupü üpaiyao, “Ngei tüngei hih” shei ne-ehen. Halei nyupü shennyakthü kü jomei mang tüktükhen.

ZEKHARIAH 10:7

Ephraim nanglakthüyü hampathü kei nyuhen, hatü jomei mong yiü yingpükei mongonghen. Jomei hühihathüi ha eehen, hatü mongonghen; jomei mongdangi Shembüpa kü mongonghen.