ZEKHARIAH 12:5 - DAÜLANGPÜ LAIHING (BSI)

⁵ Hahepak kü Judah am phangthüi jom nyingi, “Jeiyong Shembüpa, jomei Kahvang homei Jerusalem nanglakthüyü longi wong kohhüpü khih” shei ehen.

ZEKHARIAH 12:5 Referans Kwoze

ZEKHARIAH 10:12

Shembüpa kü ngei jom wong kohhühen, hatü jom büpalei men kü kamhen shei Shembüpai enyüke.

JOEL 3:16

Shembüpai Zion Kahshang leipü ngüngnyüke, hatü Jerusalem leipü lennyüke; kahdok vangsho kheünyüke. Shejao Shembüpayü laophülei nanglak loishing, hatü Israel nanglakthü sho joshing vaihen.

MENVIH KESHO 18:32

Hapayü ngei wong kohhüpü, hatü ngelei lem yangei tuhpü Kahvang khih.

MENVIH KESHO 144:1

Shembüpa ngelei Yaongnyü kü vihtuh; mehenangkü büpai ngelei lak ponghok vanshenghen, hatü ngelei lakjaangthü kü hokeivehen nyuhnyüke.

MENVIH KESHO 18:39

Mehenangkü nüngi ngei kü vehok shingvaishi wong kohhen shünglok lokhü; nüngi ngelei vepathü ngei phangkü dungtükpeih.

ISAIAH 28:6

Shahphenpü uoshing kü uopüthü shingvaishi büpayü shahhing laangha vaihen, hatü penyüshalei thepju kü vepa kü khangei yaongpüthü shingvaishi wong vaikahen.

ZEKHARIAH 12:6

Hapa nyih kü, ngei Judah amü jahpandok kü aw daipükei nevaijü hah meanpü yimnyüdok awi shaampükei nyuhen; jomi ngeihpü shonpü jatthü peü laknyong lakdah shei mahtükhen, shejao Jerusalemü pinnyülei shing kü thaiyei chingchinghen.

ZEKHARIAH 10:6

Ngei Judah am phang wong kohhühen, hatü Israel am phang yanghen. Ngei jom kü bampü nangkü jom shemei müei leihen; ngei chemao jom neyaktükpükei nyuhen; Mehenangkü ngeiyü Shembüpa, jomei Kahvang, hatü jomi phoppü kü ngei janghen.

JEREMIAH 33:26

ngei Jakob hatü ngelei chongphobü Davidei hühihathü yaktükhen, hatü ngei Abraham, Isak hatü Jakobei hühihathü shak kü vanglem lemhen büpalei hathü khong kübü hükao nejehen. Mehenangkü ngei jom dahüshehühen hatü jom kü phahjihen.

JEREMIAH 30:21

Jomei mübü jom khong kübü nyuhen, jomei vanglem lembü jom kübü vamhen. Ngei büpa yopailei heihhen, hatü büpa ngei ngoiyei heihhen, ngei nenyükpü kü ngei touei üpa heihaokhen? shei Shembüpai enyüke.

ISAIAH 60:17

Melangnyiam nangjei ngei hon leikahen, nyiam nangjei ngin, Pü nangjei melangnyiam, yaong nangjei nyiam leikahen. Chingmeivangmeiyü am veibü, hatü daülangshemshepeyü ammei shembü vaishi ngei jehen.

ISAIAH 32:1

Veituh, ong hüki daülangshemshepai, hatü vanglem lembüthüi shahhingi vanglem lemkahen.

ISAIAH 29:10

Mehenangkü Shembüpai amphong kü shükshi shihen laangha shuohteke; Thibüthüi büpai ammei mük kü shaktükteke, hatü manghkhang eepüthüi ammei shangjing kü jümtükteke.

ISAIAH 1:26

Sheleipü keiha ngei am kü shahphenbüthü, hatü chongpangpü nyihthü kü keiha shahnying venbüthü nyokei yahphahen. Hapheikü am kü Daülangshemshepü Chingnyü, Monglemaokpü Chingnyü shei nyükhen.

ISAIAH 1:23

Nüngei vanglem lembüthüyü khüei yaongpüthü, gühpathülei mongjempathü leidaiteke. Peüi yawhdou kü kennyüke, hatü thintho phei changnyüke. Jomphongi hashihhathü khüamnebaknyu; Shahphen shingei vaümnyüi epü kü nebangnyu.

ISAIAH 1:10

Shembüpalei shah bangtuh, amphong Sodom am vanglem lempüthü; Jenei Kahvangi venpü bangtuh, amphong Gomorrah nanglakthü!

MENVIH KESHO 46:1

Kahvangü jen loishing hatü wong, shanghah kü shaangpü shaang sheühbü.

SHAHPHENBÜTHÜ 5:9

Ngelei mongdangü Israel am haüpü wongpüthü mü, hatü lanei shuohpü nanglakthü mü nyuhampeih, Shembüpa men longtuh!

ZEKHARIAH 12:4

Hapa nyih ngei jomei koyeithü peü nyemhühen hatü ha kü uopüthü ngatükhühen” shei Shembüpai enyüke. Ngei Judah am phang kü mük hingshi veishi nyuhen, shejao jatthülei koyeithü mükphüngtükhen.

ZEKHARIAH 14:14

Judah amao Jerusalem yanghen shingvaishi hokhen. Jomi ngeihpü shonpü jatthülei mophimo– hon, ngin hatü ashakvihathü longi aetei yahhen.

ISAIAH 28:5

Hapa nyih Shembüpayü aoei nyupü shennyakthü shingvaishi müknyinshekhangpü chüyük, hatü nethe meipü ong athen vaihen.

ISAIAH 45:24

Jomi ngei nang hapakei ehen: “Shembüpa kü monha daülangpü, hatü wong nyüpeih.” Üami büpa khüei yaongnya, büpa touei peiyei veü ponghen.