ZEKHARIAH 12:4 - DAÜLANGPÜ LAIHING (BSI)

⁴ Hapa nyih ngei jomei koyeithü peü nyemhühen hatü ha kü uopüthü ngatükhühen” shei Shembüpai enyüke. Ngei Judah am phang kü mük hingshi veishi nyuhen, shejao jatthülei koyeithü mükphüngtükhen.

ZEKHARIAH 12:4 Referans Kwoze

ZEKHARIAH 12:3

Hapa nyih, mechem kahdoknyü jatthü peü pinnyü khüei thaihen, ngei Jerusalemü jat peü shing nejenlenpü yaongnyü hük leihühen. Üami ha nohen kheteihenshang, jom nyingi mangshi ma yahhen.

SHAHKÜP 28:28

Shembüpai amphong ngapüyoipai, mükphüngpai hatü sholi nethahnengoi-i leitükhen.

ZEKHARIAH 12:6

Hapa nyih kü, ngei Judah amü jahpandok kü aw daipükei nevaijü hah meanpü yimnyüdok awi shaampükei nyuhen; jomi ngeihpü shonpü jatthü peü laknyong lakdah shei mahtükhen, shejao Jerusalemü pinnyülei shing kü thaiyei chingchinghen.

PHONGSHANTHÜ DOU 17:30

Peihdaipü hepak kü hapakei nenyingpeyü Kahvangi hei-üng tuhphongpeih, shejao shaang büpai shing peü leipü hangkuthü kü mong lephen shahkung shuohnyüke.

ZEKHARIAH 14:15

Aihük chamhilemi koyeithü, utthü, gaduthü hatü jomei baümtapei nyupü yemhimakthü peü dihühen.

ZEKHARIAH 12:11

Hahepak kü Jerusalem kü theppü youngpeyü Megiddo Kahji Hadad-Rimmon kü theppü youngpükei longshi nyukahen.

ZEKHARIAH 10:5

Jomphongü vehok kü hampathü kei nyuhen. Chingyangshong nyaühut kü vepathü nyeütükhen; jomi hokei koyei veshanthü neütükhen; Mehenangkü Shembüpa jom mü nyüke, hatü jomi koyei kü uopüthü veühühen.

ZEKHARIAH 9:8

Shejao üpaiyao daitü lei, daitü lei shei nelongteihen shingvaishi ngei ngelei kahmük yomhen. Üamiyao sheyü jom kü neshüveihen; mehenangkü ngelei müki lekei ha eetepih.

DANIEL 9:18

Nüngei dhaong shaangshih, Oh ngelei Kahvang, hatü banglangshih. Nüngei mük vamei nüngei men epü chingnyü bentüklangtükpü kü veituh. Hami nüng kü phepeyü ham daülangpü leipü nangkü nevai, shejao nüngei phahji longpü nangkü phenyüpeih.

EZEKIEL 39:20

Ngelei nükdülei amphongi koyei hatü halei uopüthü wong kohpü shennyak hatü veshanthü lemphüli moh-ei hahhen” shei Shembüpa Kahvangi enyüke.

EZEKIEL 38:4

Ngei nüng shinhühen hatü nyiamphaaki nüngei ju kü kenhen, hatü ngei nüng mü nüngei veshanthü, koyeithü hatü koyei veshanthü, jom peü phunglang ow changshi temtü khongnyü longpü, jom peüi inyüshung, yanlu notükkemtü müei daihen.

JEREMIAH 24:6

Ngei ngelei müki hathü kü mei shingvaishi veihen, hatü ngei hathü hapa kahdokei müei leihen. Ngei jom lingei leihen, shejao jom neshaaktükpih; ngei jom sheiphonghen, shejao nebhitükpih.

ISAIAH 37:17

Nüngei dhaong shaangshih, Oh Shembüpa, hatü bangtuh; Vanyangyem Kahvang kü eelayei shompü shahthü kü banghümao.

ISAIAH 24:21

Hapa nyih kü Shembüpai shangeipü vangsho nganthü, hatü kahdoknyü leipü ongthü kü hanghi shuohhen.

NEHEMIAH 1:6

shaang ngei nyakhingai thüngei nüngei chongphopüthüi Israel nanglakthü shing, nüng khüei Israel ami thahpü mang lah-ei phopnyüpeih; nüngei dhaong shaangshih, nüngei müki veishih hatü ngei phoppü danlangshih. Ngei hatü ham shemi mang thahteke.

2 SHÜPPÜKENGPÜ 7:15

Shaang ngelei mük vamhen, hatü hapa shingei phoppü kü ngelei dhaong shaanghen.

2 SHÜPPÜKENGPÜ 6:40

Shaang, Oh ngelei Kahvang, hapa shingei phoppü kü nüngei müki veituh, hatü nüngei dhaong shaangtuh.

2 SHÜPPÜKENGPÜ 6:20

Nüng kü khümhen shei epü shing hapa phopshem kü nyihnüng yanüng shei mük vamei veishih. Hapa shing philei nüngei chongphobüi phoppü danlangshih.

2 ONGPATHÜ 6:18

Mechem Aram am büpa touei yiüjapa, Elisha-i Shembüpa kü phopei, “Hathü shennyakthülei mük phüngtüktuh” shei e. Hanangkü Elisha-i phepü keiha büpai jomphongei mük phüngtük.

2 ONGPATHÜ 6:14

Hanangkü büpai koyeithü, koyei kharithü, hatü veshan longi halei shom. Jomi nyak kü heih-ei hapa chingnyü shonteke.

1 ONGPATHÜ 8:29

“Ngelei men hatouei nyuhen” shei nüngi epü shingkü nüngei chongphobüthüi hapa shingei phoppü nüngi danlangphahen shangmü nyakhingai thüngei nüngei müki hapa Phopshem philei veishi nyukei.

ZEKHARIAH 12:5

Hahepak kü Judah am phangthüi jom nyingi, “Jeiyong Shembüpa, jomei Kahvang homei Jerusalem nanglakthüyü longi wong kohhüpü khih” shei ehen.