ZEKHARIAH 12:1 - DAÜLANGPÜ LAIHING (BSI)

¹ Hapayü Israel am nangkü Shembüpalei shah nyüke: Shembüpa, üpai vangshothü paanei kangei deishihpa, üpai kahdoknyü chongnyiam lingpa, hatü üpai hangkuli kü laangha lingpa, büpai enyüke:

ZEKHARIAH 12:1 Referans Kwoze

ISAIAH 42:5

Shembüpa Kahvang, üpai vangshothü ling, hatü hathü paanei deishih, üpai kahdoknyü paanei deishih, hatü halei lemphü vamhünya, üpai nanglakthü kü ngü shuohnya, hatü halei kamteipüthü kü yangnyu shuohnya, büpai hapakei enyüke:

JEREMIAH 51:15

Büpai laophülei ngani kahdoknyü lingpeih; büpalei kihikoni kahdoknyü chongnyiam lingpeih, hatü büpalei danaokpü koni vangshothü paanei deishihpeih.

ISAIAH 57:16

Ngei düngei nethaüvaühen nevaijü ngei düngei mongshih-ei nenyuhen, Hei nevaijema ngei lingpü hangkulei laangha mahdaihen, hatü hangkuli ngü kemdaihen.

HEBREW 12:9

Anyei vaishi jen kü ungei-aeihen jenü hangku nyühipa nyüpeih, hatü jeni jom kü dhüm shuohnyeih. Shejema jeni laanghathülei Pa kü nyeinya dhüm shuoh-ei nenyuhen je?

ISAIAH 48:13

Ngelei laki kahdoknyü chongnyiam yaong sheipeih, ngelei lakdah-i vangshothü paanei deishihpeih; Mechem ngei hathü kü nyükhen, jom peü chemi yaongnyüpeih.

ISAIAH 44:24

Ngeiyü Shembüpa, am Yangbü, Wom mongei am Lingbü, Ngeiyü Shembüpa, lemphüli Lingbü, Ngei moni vangshothü paanei lingpeih, ngei lomjai kahdoknyü laiyei lingpeih.

CHONGVENBÜ 12:7

kahdoki lingpü büm kahdokei leidai shekü, hatü Kahvangi shuohpü laangha büpa touei manglüdai shekü nüng Lingbü deih-ei dangtuh.

BHEI-IE 16:22

Shejao Mosa hatü Aaron nyi-i kahdok philei dhe thaungei shatü lenei, “Oh Kahvang, hangkuli peüei laangha shak kü Kahvang, shennyak hüki mon mang thahjü khong peü kü nüngi mongshihhen je?” shei e.

KAHBHAO 2:7

Hapheikü Shembüpa Kahvangi kahdok leipü ashem hanei yah-ei shennyak hük ling, hatü büpalei shongsha kü yangnyu ngü dushuoh, hatü hapa shennyakü yem leiteke.

EZEKIEL 18:4

Nyühipa vaituh, hashih vaituh, yangnyu kemei ngelei shei nyingtuh: Shennyak üpai mang thahnya, hapa shennyak mon dihen.

JEREMIAH 38:16

Shejao Zedekiah ongpai Jeremiah kü joei lah-ei, “Jen kü ngei shuohpü vanyangyem Kahvang men kü ngei nüng nejütükpih, nevaijü nüng jühen yempüthü kü neshuohpih” shei e.

JEREMIAH 30:16

Shejao üami am lühtükpa jomao lühtükhen, hatü ammei vepathü jom peü wüpküpei daihen. Üami am leipü aeteishepa jom kao aeteishehen, hatü üami am kü shüvei, jom kao shüveihen.

JOB SHAHSHA APPÜ 26:7

Büpai heongphi kong kü sheüshi tuhnyüke, hatü kahdoknyü shingkong kü sheüshi nyüke.

JEREMIAH 10:12

Shejao Kahvangi büpalei ngani kahdoknyü lingpeih; büpalei kihikoni kahdoknyü chongnyiam lingpeih, hatü büpalei danaokpü koni vangshothü paanei deishihpeih.

ISAIAH 51:13

Amü am Lingbü Shembüpa, vangshothü paanei deishihpü, kahdoknyü chongnyiam yaong haübü betükteke. Amü am kü shüveipüthülei mongshih eeyei, am mahtükhen khih shei nyihjeih nyempü vüngpai maei nyunyüke. Shejao am kü shüveipüthülei mongshih melei nyüpa?

ISAIAH 45:18

Shembüpai hapakei enyüke: Üpai vangshothü lingpa, büpayü Kahvang; Büpa, üpai kahdoknyü shükpa, hatü lingpa, büpai ha lingpeih; Büpai hapayü kong mü tuhhen nelingangpih, shejao halei hangkuli nyuhen nangkü lingpeih. “Ngeiyü Shembüpa, lebü Kahvang neshiü” shei büpai enyüke.

ISAIAH 45:12

Kahdoknyü hatü halei nyupü hangku ngei lingpeih. Ngelei laki mon vangshothü paanei deishihpeih; hatü haleipü lithathü peü ngelei lakmongei tuhnyüpeih.

ISAIAH 40:22

Büpai kahdoknyü toilangpü shangkü ong uoshing kü uoshi nyüke, hatü haleipü shennyakthüyü shoukha melaü kei nyüke. Ashak paanpü keiha büpai vangshothü paanhüpeih, hatü nyuhen shingvaishi ashakshem paanei vepü keiha büpai hathü paanhüpeih.

ISAIAH 40:12

Üpai laophülei lakei yungching notü shet-aoknya? nevaijü laophülei lakkhami vangshothü shetaoknya? Üpai mühdow kü shihtü kahdoknyü noei aoknya? nevaijü kahshang hatü shangtaothü dok kü shihtü dokaoknya?

MENVIH KESHO 104:2

Ashak ümpü keiha vangngai-i jümshi nyüke. Nüngi ashakshem paanpü keiha vangshothü paanei deishih;

MALAKI 1:1

Malaki thibü homei Israel am touei peipü Shembüpalei shah:

ZEKHARIAH 9:1

Shembüpalei shah Hadrakh kahdok, hatü Damaska am khüei nyüke. Mehenangkü Israel jat keiha Aram amei chingnyüao Shembüpa lompü nyüke.

JOEL 3:21

Jomei iy yenpü bhüh ngei yemhen, hatü ngei nejiüpü am neyanghen; Mehenangkü Shembüpa ngei, Zionlei nyunyüpeih.”

JOEL 3:19

Shejao Ijipü shingkong leihen, Edomü bhih kahdok leidaihen; Mehenangkü jomi Judah kahdok hahteke, hatü mang neshiüpü nanglakthü jüteke.

YOUNG LAI 2:14

Ammei thibüthüi am kü shahshem, hatü lueilemei manghkhang eeteke; Ammei mang ngaiyei ne-e-i chongvenpai am lueilemteke. Jomei shah-i am shahshem, hatü lempung kü müteke.

JEREMIAH 50:34

Jom Yemleipüba wong kohshi nyüke; Jeiyong Shembüpayü büpalei men. Büpai hingmei jom kü khüambakei ehen, shejüang büpai kahmük kü nyiushemmei koei peiaokhen, shejao Babylon am shing nelingi tuhhen.

JEREMIAH 30:10

“Hanangkü nüng tenyem, Oh ngelei chongphobü Jakob; nüng tehan, Oh Israel shei Shembüpai enyüke. Mehenangkü ngei tailu leipü am yanghen, hatü jom wüpküpei nyupü kahdok leipü ammei hühihathü yanglanghen. Shao Jakobü chingmeivangmei nyiushemmei nyuhen, hatü üpaiyao jom nenyemhühen.

JOB SHAHSHA APPÜ 37:18

Büpai kei nyiam kei vaanshi nüngi vangshangthü paanei deishih aoküla?

KAHBHAO 1:8

Kahvangi hapa shingkong kü, “Vangshang” shei men, hatü om dhü, hatü dhom shei nyipabü nyih nyuteke.

MENVIH KESHO 134:3

Shembüpa, vangsho hatü kahdok lingbüi Zion leipü am kü moihimanhen!