ZEKHARIAH 11:3 - DAÜLANGPÜ LAIHING (BSI)

³ Mi yombüthü theppü bangtuh; jomei het ühshing mangtükteke! Mailangthü ngüngpü bangtuh; Mehenangkü Jordan yingnyü kowtükteke.

ZEKHARIAH 11:3 Referans Kwoze

JEREMIAH 50:44

Jordan yingnyü leipü mailang hük vamei phenha nipü shing yemei daipü keiha, ngei Babylon am ngangahük kü haleipü changtükhen; ngei hapa shak kü üam jehenshang hathü tuhphonghen. Ngei lepü üpa nyüpa, hatü üpai ngei kü chengaokhen? Ngei khüei yaongaokhen mi yombü üpa nyüpa?

PHONGSHANTHÜ DOU 7:52

Mepa thihivam kü ambü ampai neshüveipa? Jomi Daülangpü Hük peikahen shei tetpüthü peü jühampeih, hatü shaang amphongü büpa yuhahpü hatü jüpü am leiteke.

MATHI 15:14

Jom hei-üng tuhphongtuh. Jomü mükphüngpü lem mübüthü. Mükphingpa hüki lebü mükphüngpa müjema jijiphen kahshalei vühen” shei e.

ZEKHARIAH 11:8

Len hük mongkü ngei mi yombüthü jom jem changtük; mehenangkü jomi ngei kü jiühit, hatü ngeiyao mongshih.

ZEPHANIAH 3:11

Hapa nyih, ammi ngei kü nejiüpü dükpü nangkü amneveühüpih; mehenangkü amphong khong kübü changmeipüthü ngei changtükhen. Hajük kü am ngelei daülangpü kahshangei nechangmeihen.

ZEPHANIAH 3:3

Pinnyülei lakchongbüthüyü ngüngpü mailangthü khih; pinnyülei shahphenbüthüyü phu-ao neao-i hahteipü shuwthü khih.

ZEPHANIAH 1:10

“Hapa nyih kü” Shembüpai enyüke, Ammi Jerusalem Nyah Shaden kübü vaüpü ngeü hük, hatü jila ja kü vaüpü eepü, hatü shangtaothü bhaokpü ngeü danhen.

AMOS 8:8

Hapa nangkü kahdok nekheühen je? hatü halei nyupüthü peü mahng nethephen je? Kahdoknyü kemei Ijip leipü Nile yungyen keiha aongtü shü, aongtü shüei nyuhen.”

JOEL 1:13

Dhoila ashak ümtuh hatü theptuh, Oh ngongpathü; youngtuh, am moidülei chongphopüthü. Peikei, vangnyak dhoila ashak ümtü phoptuh, amphong ngelei Kahvang chongphopüthü; Mehenangkü Shembüpalei phopshem kübü hahying, hatü yiü moila shümlangteke.

HOSEA 10:5

Samarialei nyupüthüi Beth-Aven leipü mohoh lajei hahtükpü nangkü nyemhen. Haleipü nanglakthü hatü lajei chongphopü ngongpathüi haleipü müknyinshekhang yandaipü eeyei mahng thephen.

JEREMIAH 49:19

Jordan yingnyü leipü mailang hük vamei phenha nipü shing yemei daipü keiha, ngei Edom am ngangahük kü haleipü changtükhen; ngei hapa shak kü ngei üam jehenshang hathü tuhhen. Ngei lepü üpa nyüpa hatü üpai ngei kü chengaokhen? Ngei khüei yaongaokhen mi yombü üpa nyüpa?

JEREMIAH 26:6

ngei hapa shemü Shiloh kei leitükhen, hatü hapa chingnyü-ü kahdok shak kübü jatthü khongkü thaüvaütükpü dou hük leitükhen.

JEREMIAH 7:4

‘Hapayü Shembüpalei shem, Shembüpalei shem, Shembüpalei shem’ shei lueilempü shahthü kü hingtelem.”

JEREMIAH 2:30

Angsha kü ngei ammei nanglakthü kü shüveipü khih, shejao jomi yeanpü neyahnyu. Aeipü mailangi keiha ammi ammei thibüthü ammei yani jütükpeih.

JEREMIAH 2:15

Mailangthüi jom kü ngüngnyüke, jomi wongmü ngüngteke. Jomi büpalei kahdok hatü chingnyüthü shennyak neshiüi lavüngtoiyei leitükteke.

ISAIAH 65:15

Ammei menü ngei jepüthüi thaüvaüteihen shingvaishi tuhphonghen, hatü Shembüpa Kahvangi am dihühen; shejao büpa chongphopüthü kü büpai lebü men shuohhen.

MENVIH KESHO 22:21

Mailangei ju kübü ngei yangtuh. Nyayalei vaungjaang kübü ngei yangtuh.

ISAIAH 5:29

Jomei ngeü mailang keiha, mailang cheha keiha jomi ngeü annyüke; jomi ngüngtü yemhathü yepnyüke, üpaiyao neyangaokhen mü jomi yah-ei lüdainyüke.

ZEKHARIAH 11:2

Theptuh, Oh awkaongpüthü; Mehenangkü cedar püthü dodaiteke; müknyinpü püthü mahtükkemteke! Theptuh, Oh Bashan longkham püthü! Yingnyü phaü agtükkemteke!

EZEKIEL 19:2

hatü eyeishuoh: Mailangthü chi kü anyü-ü mailang chenyü kei nyuhampeih. Pinnyüi mailang chebaongthü chi kü pinnyülei cheha haümei longpeih.