1 Ammei penyüsha aptuh, Oh Lebanon; ammei cedar püthü awi hahtükhen!
Oh Lebanonlei nyupüthü, cedar püyingei jep lingtü nyupüthü, Mechem tüngpüyapü peihenshang, am meshük thephen? nyüha hük hapeü bühshingkü tüngpükei tüngkahen.
Ngei jom Ijip leipü müei leihen, hatü Assyria leipü thailanghen. Ngei jom Gilead hatü Lebanon kahdokei müei leihen, hatü hapa kahdok kü jom mon maei nyuhen.
Kahshangthülei aongtuh, hatü taukta leiyei shem vetuh; shejüang ngei ha kü mongmeihen, hatü ngei kü müknyinshekhang shuohhen shei Shembüpai enyüke.
Mehenangkü ammi Lebanon kü nemeipü dükpü nangkü am kao dükphahen; hatü ammi yemhimakthü jütükpü nangkü am nyemhühen. Mehenangkü ammi hangkunyü iy yenhüteke; ammi kahdoknyü mahtükteke; Chingnyüthü hatü halei nyupüthü jütükteke.
Mehenangkü ammi jatthü longi leipü aetei yahteke, aoei nyupü shennyakthüi am leipü aetei yahlangphahen. Mehenangkü ammi hangkunyü kü iy yenhüteke; Ammi kahmükthü, chingnyüthü hatü halei nyupüthü mahtükteke.
Ngelei mongshih awlom keiha bahhen, hatü chüpü Sheol-ao shamtükhen; Hapai kahdok kü vampü hahying kemei lühtükhen, hatü kahshangthü chongnyiam shingao aw kü jaktükhen.
Deihhümao, chem hepak kü Assyriayü Lebanon leipü cedar pü keiha, nethe meipü kaothü vamei phaüao dhümshi; hapa shao lupai vangsho thahhen mü nyuhampeih.
Theptuh, Oh awkaongpüthü; Mehenangkü cedar püthü dodaiteke; müknyinpü püthü mahtükkemteke! Theptuh, Oh Bashan longkham püthü! Yingnyü phaü agtükkemteke!
Hapa nyih kü, ngei Judah amü jahpandok kü aw daipükei nevaijü hah meanpü yimnyüdok awi shaampükei nyuhen; jomi ngeihpü shonpü jatthü peü laknyong lakdah shei mahtükhen, shejao Jerusalemü pinnyülei shing kü thaiyei chingchinghen.