ZEKHARIAH 10:9 - DAÜLANGPÜ LAIHING (BSI)

⁹ Ngei jom jatthü touei yantüklangmao, tailu kahdokeiyao jomi ngei deih-ei danghen, jom hatü jomei hapeüthü yangei nyuhen, hatü müeileihen.

ZEKHARIAH 10:9 Referans Kwoze

EZEKIEL 6:9

Hahepak kü nedi-i wüpküpei nyupüthüi mekei jomei mükbongjuyungpü mongdang homei ngei toueipü yandaipa, hatü jom hanghihüpa, ha deih-ei danghen. Haphei küang jomi thahpü mang hatü jiühitnalaipü douthü kü jiühitei deihhen.

MIKA 5:7

Jakob nanglak aopüthüyü shennyak longi khongkü Shembüpai shompü nyien kei nyuhen, hatü shennyak hangku danei nenyupü phenha shang kübü vanglah kei nyuhen.

HOSEA 2:23

Ngei ngelei nanglakthü kahdok kü shingnüngei tuhhen, hatü dahüshehühen; hatü ngei, “Nebamnyih” shei eshuohpüthü küngei bampü huhen. Ngei, “Ngelei nanglak nevai” shei eshuohpüthü kü, “Amphong ngelei nanglakthü” shei nyükhen; hatü jomi, “Nüngü hamei Kahvang” shei ehen.

JEREMIAH 31:27

Ngei Israel hatü Judah phang kü hangku hatü yemhimak li chemi haihen hepak ngoikünyüke shei Shembüpai enyüke.

ISAIAH 65:23

Jomi angsha kü dou dükei nenyuhen, nevaijü denshohvanlohhen hapeü nebühhen; Jomü Shembüpai moihimanpü nanglakthü vaihen, hatü jomei hühihathüao hapakei nyuhen.

ISAIAH 65:9

Ngei Jakob kübü hühihathü, hatü Judah leipü ngelei kahshangthü mükjüp yahhenthü vamhühen; Ngei jepü nanglakthüi hathü mükjüp yahhen, hatü ngelei chongphobüthü halei nyuhen.

ESTHER 8:17

Ongpalei shahkungnyü daipü chingnyü hatü kahmük peü kü Jehoda amü moeitapei mongongmonglepü nyuteke. Jehoda am kü nyempai lebü jatthü longshishingi Jehoda am leidai.

NEHEMIAH 1:9

shejao amphong mong lepei ngelei shahkung bangei hathü dükjema, amphong kahdoknyü junghijang peü lemei haishi nyujao ngei am thaiyei leiyei ngei kü khümhen jepü shingei tuhhen shei epü shah deih-ei dangnyüke.’

JEREMIAH 51:50

Am meshüki yan kübü yangei nyüpa, Pheiyei nenyu-i lüdaikemtuh! Tailu kahdok leiyao Shembüpa ngei deih-ei dangtuh, hatü Jerusalem ammei mongei deihtuh.

AMOS 9:9

Mehenangkü ngei ngeükhüam shuohhen, hatü ngei Israel am jatthü touei aungsheen kü sheenpükei sheenhen, shejao aungbhang hükao chongei nevühen.

ROM SHAHSHA APPÜ 11:24

Mehenangkü am nyingnyoi kü nenyupü olive nganyü kao dakei nyingnyoi kü nejiüi nyingnyoi kü nyudaipü sheipü olive pü kü hapaokjema, meshük nyeishi laophülei olive pü kü nyingnyoi kaothü leiyei hap-aokhenang!

PHONGSHANTHÜ DOU 8:4

Shaang üam yanei daipa, hathüi shing hük kübü hük shei hapa shah baongei dai.

PHONGSHANTHÜ DOU 8:1

Hatü jomi büpa jüpü kü Sauli monghamei jiüphei shei deih. Ha nyih Jerusalem leipü attoi khüei shüveidoidei nemei-i chongpang, hatü phongshanthü mü lenei peü Judea hatü Samaria kahmükei yandaikem.

ISAIAH 44:21

Hathü deih-ei dangtuh, Oh Jakob, amphongü ngelei chongphobüthü, Oh Israel. Ngei amphong lingpeih; amphongü ngelei chongphobüthü; Oh Israel, ngei amphong nebetükpih.

ISAIAH 64:4

Nüng kü hinglemei omdanpüthü kü nüngi dükpü keiha mepa kahvangiyao dükpü jung, üpalei dhaongiyao mangdan, hatü üpalei mükiyao mang-ee.