ZEKHARIAH 10:7 - DAÜLANGPÜ LAIHING (BSI)

⁷ Ephraim nanglakthüyü hampathü kei nyuhen, hatü jomei mong yiü yingpükei mongonghen. Jomei hühihathüi ha eehen, hatü mongonghen; jomei mongdangi Shembüpa kü mongonghen.

ZEKHARIAH 10:7 Referans Kwoze

ZEKHARIAH 9:15

Jeiyong Shembüpalei inyüshungi jom yanghen, jomi nyeilah kü shoupei mangtükhen; Jomi nükchokyiümok am kei thepju kü lenhen, hatü vepathü iy yenhühen. Chilimji leipü iy moila shuohpü moidü touei langpükei yenkahen.

1 PETER 1:8

Ammi büpa ne-eejao büpa kü bamnyüke, hatü ammi shaang büpa ne-eejao, ammi büpa kü hinglemnyüke hatü eyei neaokpü hatü müknyinshekhang mongongi am mongongnyüke;

PHILIPPI 4:4

Shembüpa kü düngei mongongtuh; shao ngei enyeih, “Mongongtuh.”

PHONGSHANTHÜ DOU 2:26

Hanangkü ngelei mongei mongongpeih, hatü ngelei jui mongmeipeih; nyeishi ngelei bümao monglempü kü nyuhen;

JOHAN 16:22

Hanangkü shaang am tüngnyüke, shejao shao ngei am eehen, hatü am mongonghen, hatü am leipü ammei mongong üpaiyao neyahlanghen.

LUK SHAHSHA APPÜ 1:47

hatü ngelei laanghai Kahvang, ngei yemleipü kü mongongnyeih;

ZEKHARIAH 9:17

Jom meshük veinyuhüshi hatü dhe meishi chongkahen! Hahyingi nethethü hatü yiünaüi nelathü wong kohhühen.

ZEPHANIAH 3:14

Mongongpai loktuh, Oh Zion nela; Wongmü lentuh, Oh Israel! Ammei mong kempai mongong mongletuh, Oh Jerusalem nela!

HABAKKUK 3:18

shejao ngei Shembüpa kü mongonghen; ngei yemleipü Kahvang kü ngei mongmeihen.

JEREMIAH 32:39

Ngei jom meihen shingvaishi jomi ngei kü nyemhen nangkü mongdang hük dou hük shuohhen.

ISAIAH 66:14

Ammi ha eetü ammei mongkü mongongkahen; ammei bümao phenha longpükei nyuhen, hatü hapai-üng Shembüpalei lakü büpalei chongphobüthü mü nyüke, hatü büpalei mongshih büpalei vepathü mü nyüke shei nyinghen.

ISAIAH 38:19

Ngei shinnyih dükpü keiha yemmü nyupüthüi mon nüng kü men vihnyeih; Büpai laophülei hühihathü kü nüngei shahhing jung enyüpeih.

MENVIH KESHO 104:15

hatü hangku mongonghühen yiü, dhe nyanghen mainga, hatü hangkulei mongdang wong kohhühen hahying vamhünyeih.

MENVIH KESHO 102:28

Nüngei chongphobülei hapeüthü yangei nyuhen; jomei hühihathü nüng nyushingei chonglingei nyuhen.

MENVIH KESHO 28:7

Shembüpayü ngelei wong, hatü ngelei inyüshung; ngelei mongi büpa kü hinglemnyeih, hatü ngei sheühpü dang. Mongongpai ngelei mong mateke, hatü kesho lokei ngei büpa kü menvih shuohhen.

MENVIH KESHO 13:5

Shejao nüngi bampü kü ngei hinglemnyeih; nüngei yemleipü kü ngei mongongnyeih.

1 SAMUEL 2:1

Hapheikü Hannah-i phopei eteke: “Ngelei Shembüpa kü mongongnyeih; ngelei mong Shembüpa kü shangei anshihnyeih. Ngelei jui vepathü kü naamnyi nyinyüpeih; mehenangkü nüngi yangpü nangkü ngei mongongnyeih.

KAHBHAO 43:34

Mechem Josephei nükdü leipü hathü kü hahying deiyei shihpa, aopüthü meyü Benjamin kü phaihan nga nyeishi shihteke. Hanangkü jomphong büpa mü mongongshi hahyingteke.

KAHBHAO 18:19

Mehenangkü mehe jiüpü hatü shahhing ha dükei Shembüpalei lem kü kamhen shingvaishi büpai laophülei hapeüthü hatü shem am kü nyuhhen venhen ngei Abraham jepeih; shejüang Shembüpai Abraham kü mehe lahpa, ha koei peihen” shei e.

PHONGSHANTHÜ DOU 13:33

ha jomei hapeüthü jen kü büpai Jisu dipü kübü yangei leishihpai dhaümteke. Nyipabü Menvih Kesho kü ha nyangei nyüke: “Nüngü ngelei Ha, shinnyih ngei nüngei Pa leitepih.”

PHONGSHANTHÜ DOU 2:39

Mehenangkü ha lahpeyü am, ammei hapeüthü hatü tailuei nyupüthü, üam kü Shembüpa, jenei Kahvangi nyük, hathü peü shingvaishi nyüke,

MENVIH KESHO 90:16

Nüngei chongphobüthü kü nüngei douthü, hatü jomei hapeüthü kü nüngei dhemeilaüma hushih.

MENVIH KESHO 33:21

Büpa kü ham mongongnyeih, mehenangkü hami büpalei daülangpü men kü hinglemnyeih.

ISAIAH 54:13

Ammei hapeüthü peü kü Shembüpai nyuhhen, hatü chingmeivangmei longpü ammei hapeüthü mü nyuhen.

EZEKIEL 37:25

Ngei ngelei chongphobü Jakob kü shuohpü kahdok, chebü chepa am nyuhampü kahdokei jom nyuhen. Jom hatü jomei hühihathü halei den kü nyuhen, hatü ngelei chongphobü David keipü ong hüki jom kü den kü ong vaihen.

JOEL 2:23

Mongongtuh, Oh Zion nanglakthü, Shembüpa, ammei Kahvang kü mongongtuh. Büpai am kü jiüshangi shongpü vang shomteke, büpai shongpü hatü pheipü vang sheleipü kei changshi shomteke.

ISAIAH 25:9

Hapa nyih kü jomi, “Hingmei büpayü jenei Kahvang, jeni büpa kü hinglem, hanangkü büpai jen yangteke. Büpayü jeni hinglempü Shembüpa; jen mongongshah, hatü büpalei yemleipü kü jen mongmeishah” shei ehen.

ZEKHARIAH 12:8

Hapa nyih, Shembüpai Jerusalem kü nyupüthü büpalei inyüshungi küpshi yangei tuhhen; jomphong khongkü peü mü wong nekohpübayü David kei nyuhen, hatü David am phangü Kahvang kei, Shembüpalei phongshanü jomei mübü vaihen.