ZEKHARIAH 10:6 - DAÜLANGPÜ LAIHING (BSI)

⁶ Ngei Judah am phang wong kohhühen, hatü Israel am phang yanghen. Ngei jom kü bampü nangkü jom shemei müei leihen; ngei chemao jom neyaktükpükei nyuhen; Mehenangkü ngeiyü Shembüpa, jomei Kahvang, hatü jomi phoppü kü ngei janghen.

ZEKHARIAH 10:6 Referans Kwoze

ZEKHARIAH 13:9

Hatü ngei ha shing hük aopai aw kü shukhen, hatü hon hi ngin daüpükei daütükhen. Jomi ngelei men kü nyükhen, hatü ngei jom kü janghen. “Jomü ngelei nanglakthü” shei ngei ehen, “Shembüpayü hamei Kahvang” shei jomi ehen.

ZEKHARIAH 10:12

Shembüpa kü ngei jom wong kohhühen, hatü jom büpalei men kü kamhen shei Shembüpai enyüke.

JEREMIAH 3:18

Hathü nyih kü Judah am phang Israel am phang mü dhaohen, hatü jom chemi ngei chebü chepa am kü mükjüp shuohpü kahdokei apshaphi kahdok leipü leikahen.

ZEKHARIAH 8:11

“Shejao shaang ngei aoei nyupü nanglakthü kü peihdaipü nyihthü kü kei nenopih” shei Jeiyong Shembüpai enyüke.

HOSEA 1:11

Judah nanglakthü hatü Israel nanglakthü mongjemhen, hatü jomi jom shing mübü hük jehen, hatü jomi hapa kahmük yahhen hatü dapüshepü nyuhen; mehenangkü hapa Jezreel nyih-ü longpü nyih vaikahen.

EZEKIEL 36:37

Shembüpa Kahvangi hapakei enyüke: Shao chem ngei Israel ami phepü kü mong shuohhen, hatü jom kü ha dükhen: Ngei jomei nanglak mikhong keiha,

ISAIAH 41:10

Hanangkü amphong tenyem; mehenangkü ngei amphong mü nyüpeih; amphong tehan; mehenangkü ngeiyü ammei Kahvang; Ngei amphong wong kohhühen; ngei am kü sheühhen, ngelei aokpü laki ngei am shongei tuhhen.

MIKA 7:16

Jatthüi ha eehen, hatü jomei wong laaiyei jom veühen, jomi jomei ju kü laki shümlanghen, hatü jomei dhaong kü dhühlanghen.

MIKA 5:8

Jakob nanglak aopüthüyü jatthü chi kü, nanglak longi chi kü, phaüyem chi kü mailang hük keiha; mithü khong kü mailang cheha kei jom kü laongei shükhen, hatü bhin mü bhin mü shaaktükhen, hatü üpaiyao jom neyanghen.

MIKA 4:13

“Paotuh hatü shouptuh, Oh Zion nela; mehenangkü ngei nüng kü nyiamvaung yahphahen. Ngei nüng kü melangnyiam ladok shuohhen, hatü nüngi jatthü longi khih mü mangtükhen.” Jomi iy-aongmashaei dangpü mopthü nüngi kahdoknyü peü shak kü Shembüpa kü shuohtükhen.

HOSEA 2:23

Ngei ngelei nanglakthü kahdok kü shingnüngei tuhhen, hatü dahüshehühen; hatü ngei, “Nebamnyih” shei eshuohpüthü küngei bampü huhen. Ngei, “Ngelei nanglak nevai” shei eshuohpüthü kü, “Amphong ngelei nanglakthü” shei nyükhen; hatü jomi, “Nüngü hamei Kahvang” shei ehen.

ISAIAH 14:1

Shembüpai Jakob kü shinshangei deihhen, hatü shao chem büpai Israel am jehen, hatü büpai jom jomei kahdokei chingchingei nyuhühen. Kung amao jom mü shephen, hatü Jakob phang mü mongjemhen,

EZEKIEL 39:25

Hanangkü Shembüpa Kahvangi hapakei enyüke: Ngei shaang wüpküp leipü Jakob müei leihen, hatü Israel nanglak peü kü ngei shinshanghen, hatü ngei ngelei daülangpü men kü nyakeikenhen.

EZEKIEL 37:16

“Shennyak ha, peshow hük yah-ei hapa kü, ‘Judah ongching’ shei nyangtuh. Shao peshow lebü hük yah-ei hapa kü, ‘Israel ongching’ shei nyangtuh,

EZEKIEL 36:11

hatü ngei am kü hangku hatü yemhimak daphahen. Jom daeisheyei betjük jükhen, hatü meyangpü hepak kü keiha chingchingei nyuhühen, hatü sheleipü kao nyeishi daeishehen. Shejüang ngeiyü Shembüpa Kahvang khih shei amphongi nyinghen.

JEREMIAH 31:31

Ngei Israel hatü Judah am phang mü vangpüshuwpü ja hük linghen nyih ngoikünyüke shei Shembüpai enyüke.

JEREMIAH 31:20

“Ephraimü ngei bampü ha, ngei monghahpü hapeü nevaipü je? Ngei büpa khüei ejao shaang thahshi ngei büpa deihnyeih. Hanangkü büpa kü ngei mong kü nemei-i deihnyeih. Ngei hingmei büpa küphahji huhen” shei Shembüpai enyüke.

JEREMIAH 31:1

“Hahepak kü ngeiyü Israel phangthü peüei Kahvang vaihen, hatü jomphongü ngelei nanglak vaihen shei Shembüpai enyüke.”

JEREMIAH 30:18

Shembüpai hapakei enyüke: “Ngei ngelei nanglakthü jomei kahdokei leishihhen, hatü jom nyushing peü kü phahjihen; Bentükpü shing kü chingnyü shao lingei leihen, hatü ongshem hapalei shing kü vehühen.

JEREMIAH 23:6

Büpalei nyihthü kü Judah yanghen, hatü Israel am nyiushemmei kü nyuhen. Büpa kü, “Shembüpayü jenei daülangpüba” shei nyükhen.

MENVIH KESHO 89:21

Ngelei lak düngei büpa mü nyuhen, ngelei laki büpa düngei wong kohhühen.

MIKA 4:6

Shembüpai enyüke, “Hapa nyih kü ngei lakkholanopüthü thaihen; hatü wüpküpei daipüthü, hatü ngei hanghi shuohpüthü thaihen.

OBADIAH 1:18

Jakob am phang aw keiha, hatü Joseph am shem awlom keiha nyuhen; shejao Esau am shem hahtang kei nyuhen, hatü jomü aw kü jakhen hatü hahtükhen. Esau am phang yangei nechongkahen shei Shembüpai enyüke.

HOSEA 1:7

Shejao Judah nanglakthü kü ngei bampü huhen, hatü ngei jom yanghen, hatü hayü lah-i, yani, vehoki, koyeithüi nevaijü koyei veshanthüi nevai, shejao Shembüpa, jomei Kahvangi yanghen” shei e.

ISAIAH 11:12

Büpai jatthü kü khüamlung hük huhen, hatü wüpküpei nyupü Israel am thailanghen, hatü Judah am kahmük vaungjung ali kü haidaipü peü leilanghen.

ISAIAH 54:4

Tenyem, mehenangkü am veü nepongpih; mongteshang, amphong hangnehipih; Mehenangkü am thehila hepak kü veütükpü betükhen, hatü am vaümnyü vaiyei tuhphongpü deih-ei nedanghen.

ISAIAH 54:8

Ahshi mongshihpü nangkü kansho hük shing ngei ngelei dhe am toueipü jodaipeih, shejao nedohnetenpü bampai ngei am kü shinshanghen shei am yangpü Shembüpai enyüke.

ZEKHARIAH 1:16

Hanangkü Shembüpai hapakei enyüke: Ngei shinshangei deihpü nangkü Jerusalemei nyokei leitepih, haleingelei phopshem vehen, shei Jeiyong Shembüpai enyüke.

ZEKHARIAH 9:16

Hapa nyih Shembüpa, jomei Kahvangi jom yanghen; mehenangkü jomü büpalei nanglak mi khong nyüke. Ong athen kübü douvang yaong keiha, jomi büpalei kahmük kü nyahen.

JEREMIAH 30:20

Jomei hapeüthüyü shelei nyupükei nyuhen, hatü jomei thaihiyu chongkhenei linghen; hatü jom kü shüveipüthü kü ngei hanghi shuohhen.

HOSEA 14:9

Üami nahnya, jomi ha yaonyüke, üami yepaoknya, büpai hapa nyingaoknyüke. Shembüpalei lemthüyü daülangi nyüke; Daülangpüthü ha kü kamnyeih, shejao mangthü ha kü huluh shuohnyeih.”

MIKA 5:3

Hanangkü nyüha üpa büm nekongi nyüpa, pinnyülei yeshang mangbüh thahshi, hatü büpalei aopü jeihinaüthü nyokei Israel am mü mangshep thahshi büpai Israel am yaktükhen.