ZEKHARIAH 10:5 - DAÜLANGPÜ LAIHING (BSI)

⁵ Jomphongü vehok kü hampathü kei nyuhen. Chingyangshong nyaühut kü vepathü nyeütükhen; jomi hokei koyei veshanthü neütükhen; Mehenangkü Shembüpa jom mü nyüke, hatü jomi koyei kü uopüthü veühühen.

ZEKHARIAH 10:5 Referans Kwoze

HAGGAI 2:22

hatü ongchingthü khaptükhen, hatü jatthülei ongching wong ngei mahtükhen; ngei koyei kharithü hatü ha müpüthü, koyeithü hatü ha kü uopüthü jomei yannah kü-üng mahkemhen” shei etuh.

ZEKHARIAH 12:8

Hapa nyih, Shembüpai Jerusalem kü nyupüthü büpalei inyüshungi küpshi yangei tuhhen; jomphong khongkü peü mü wong nekohpübayü David kei nyuhen, hatü David am phangü Kahvang kei, Shembüpalei phongshanü jomei mübü vaihen.

ZEKHARIAH 9:13

Ngei Judah am vunglah kei küpeih, hatü Ephraim am lahhan kei nopeih. Ngei Zion shennyakthü hampalei yanlu kei lingtü Greek am khüei hokhühen.

MENVIH KESHO 20:7

Hanei ami koyei khari kü, hatü hanei ami koyei kü mongnyangnyüke, shejao hami Shembüpa, hamei Kahvangei men kü hinglemnyeih.

2 TIMOTI 4:7

Ngei vehok meipü hoktepih, ngei mokpü lemsho laitepih, ngei hinglemei nyutepih.

2 KORINT 10:4

Mehenangkü hamei vehok phunglangü kahdoknyü hangkulei phunglang nevai, shejao vepalei dung mangaokhen Kahvangei ngan nyüpeih.

PHONGSHANTHÜ DOU 7:22

Hanangkü Mosa kü Ijip amei kihikon lemphü nyuh, hatü büpa shah hatü dou kü longi wong kohshi nyuteke.

LUK SHAHSHA APPÜ 24:19

“Mehe douthü?” shei büpai jiji kü phe. Jijinyi-i, “Nazareth am Jisu nang” shei e. “Büpayü thibü hük, shah kü hatü dou kü Kahvang hatü nanglak peü touei wong kohshi nyuhampeih,

MATHI 4:3

Hahepak kü Kahshih-i büpa touei peiyei büpa kü, “Nüngü Kahvang Ha shejema, hathü yaongi aan leihen ngeükhüam shuohtuh” shei e.

ZEKHARIAH 14:13

Hapa nyih kü, Shembüpai shanghah longpai jom kü honghen; shennyak ieyei laophülei chingyow kü shingeilethen hatü hüki hük khüei lak nohen.

ZEKHARIAH 14:3

Hahepak kü peihdaipü nyihthü kü kei Shembüpa daiyei hapa jatthü khüei hokhen.

ZEKHARIAH 12:4

Hapa nyih ngei jomei koyeithü peü nyemhühen hatü ha kü uopüthü ngatükhühen” shei Shembüpai enyüke. Ngei Judah am phang kü mük hingshi veishi nyuhen, shejao jatthülei koyeithü mükphüngtükhen.

MIKA 7:10

Hahepak kü ngelei vepai ha eehen, hatü ngei kü, “Shembüpa, nüngei Kahvang melei nyüpa shei epüthü veüpai dhe kü jümlanghen. Ngelei müki lekei pinnyü lomohpü eehen, hatü shaangao pinnyü-ü lemnyüvang kübü nyaühut kü nyeüpükei nyeütükhen.

AMOS 2:15

Lah nopüthüiyao neyangaokhen, hatü shangshi mokpüthüi jom dangkao neyangaokhen, nevaijü koyei dokshangei uopüthüao jomei büm dangkao neyangaokhen.

EZEKIEL 38:15

apshaphi tailu shing leipü nüng hatü jatthü longi koyei dok shangkü uotü longpü veshan khongnyü;

ISAIAH 41:12

Amphongi ammei vepathü yemjao ammi jom nedanghen; Üami am khüei hoknya mahhen, hatü kong leidaihen.

ISAIAH 25:10

Shembüpalei lak hapa kahshangei haühen; shejao Moab amü kahcheü ngümshingei hahtang kü ngümpükei ngümtükhen.

ISAIAH 10:6

Kahvang nenyingpü jat hük khüei ngei büpa shomnyeih, ngei mongshihpü nanglak khüei jomei mophimo aetei leihen, hatü chingshong leipü nyaühut kü kei nyeütükhen ngei büpa shomnyeih.

ISAIAH 8:9

Chemi vehok ngeü antuh, nanglakthü, hatü nyemtuh! Am tailu kahmükthü bangtuh. Hokhen temtuh, shejao nyemtuh! Hokhen temtuh, shejao nyemtuh!

MENVIH KESHO 45:3

Nüngei yanlu laaptuh, Oh wong kohpü ongpa; nethe meipü müknyinshekhang ow owtuh.

MENVIH KESHO 33:16

Ong hükü laophülei veshanthüi neyangnyih, hatü hampa hük laophülei wongi neyangaoknyih.

MENVIH KESHO 18:42

Vanglük shaw kü ngei jom kü bhihla kü kei bheitü deishih; ngei jomphong chingshong leipü nyaühut kei yaktükpeih.

2 SAMUEL 22:43

Ngei jomü kübhih leishi nihtük; Ngei jomü chingshong leipü nyaühut kei nyeüei shuoptük.

2 SAMUEL 22:8

Hahepak kü kahdok kheü hatü jen; vangsho chongnyiam yaongthü kheü hatü jen; Mehenangkü büpa mongshih-ei nyuteke.

1 SAMUEL 16:18

Büpalei chongphobüthü khongkü shennyak hüki, “Bethlehem am Jesselei cheha hük ngei eeyei nyüpeih. Büpai kesho meishi harp vüngei loknyeih; büpayü monglongshi, nethe meishi vehokbü meipü, hatü büpai shah vang tetshi eaoknyeih. Shembüpa büpa mü omshi nyüke” shei e.

JOSHUA 10:42

Joshua-i hathü ong kemei hatü jomei kahmükthü ve shanhük kü hahtükkem; mehenangkü Shembüpa, Israel amei Kahvangi Israel am khüambakei hokteke.

JOSHUA 10:14

Shembüpai hangkulei shah bangpü hapa nyih kei mechemao shelei nenyu, hatü ha nyih mü leitü nenyu. Hingmei Shembüpai Israel am khüambakei hokteke.

SHAHKÜP 20:1

Mechem amphongi ammei vepathü mü hoknüng daihen hatü koyei, koyei kharithü hatü veshanthü am mü nyeishi eehenshang, ammi jom kü tenyem; mehenangkü Ijip leipü am müei leipü Shembüpa, ammei Kahvang am mü nyukahen.

SHAKEI VAMPÜ 19:17

Hapheikü ngei vangsho phongshan hük vanghenyü kü yaongshi ee, hatü ngeü longpai büpai vangsho jiamei pipü shangouthü kü, “Peikei, Kahvangei mo longpü kü thaikei,

2 TIMOTI 4:17

Shejao ngei homei shahjangmei changshi baonghen, hatü Kung ami ha danhen shingvaishi Shembüpa ngei mü nyu, hatü ngei kü wong shuohpeih, hatü ngei mailangei jusha kübü yangpeih.

PHONGSHANTHÜ DOU 18:24

Shaang Ephesialei Alexandria leipü Jehoda am Apollos shei menpü pei. Büpayü shah meishi eaokpü laihing meishi nyingpü shennyak nyu.

MATHI 28:20

hatü ngei am kü epü lemphü dükhen jom kü nyuh-eishuoh, hatü kahdoknyü dohpü ngoishi ngei amphong mü düngei nyukahen.”

MENVIH KESHO 44:5

Nüng homei hamei vepathü hungei leitüknyeih; nüngei men homei hamei vepathü shouptüknyeih.

ISAIAH 41:25

Pehephi leipü hük ngei vamhüpeih, hatü büpa pei; büpayü heongphi leipü men homei nyükpeih. Büpai vanglem lembüthüyü shemshak kü shihtü shütükhen; dük shükbüi ashem kü nyeüpükei nyeütükhen.

MIKA 5:8

Jakob nanglak aopüthüyü jatthü chi kü, nanglak longi chi kü, phaüyem chi kü mailang hük keiha; mithü khong kü mailang cheha kei jom kü laongei shükhen, hatü bhin mü bhin mü shaaktükhen, hatü üpaiyao jom neyanghen.

2 ONGPATHÜ 9:33

Büpai, “Pinnyü yepei shükei shanshih” shei e. Hanangkü jomi pinnyü yepei shükei shanshih, hatü pinnyülei iy bhamba kü, hatü koyeithü kü phaatteke. Jehu-i büpalei koyei hatü koyei kharithüi pinnyülei mahng kü nyeüteke.

ISAIAH 31:1

Üami Ijiplei sheühpü yemei yiünya, üami koyeithü kü mong nyangnya, üami koyei kharithü kü monglemnya, hatü koyei veshanthü khong kü monglemnya, shejao üami daülangpü Israel Kahvang kü neveinya, nevaijü SHEMBÜPAleipü sheühpü neyemnya, onyükei.