ZEKHARIAH 10:4 - DAÜLANGPÜ LAIHING (BSI)

⁴ Judah am khong kübü vanglem lembüthü, mübüthü, hatü veshan mübüthü ngelei nanglakthü kü vanglem lemhen vamkahen.

ZEKHARIAH 10:4 Referans Kwoze

ZEKHARIAH 9:10

Ngei Ephraim leipü koyei kharithü, hatü Jerusalem leipü vehok koyeithü yahlanghen, hatü vehok phunglang mangtükhen shei Shembüpai enyüke. Büpai jatlithü kü chingmeivangmei baonghen; Büpa vanglem lempü yungching kübü yungching ngoishi, hatü Euphrates yungyen kübü kahdok dohpü ngoishi nyuhen.

ZEKHARIAH 9:8

Shejao üpaiyao daitü lei, daitü lei shei nelongteihen shingvaishi ngei ngelei kahmük yomhen. Üamiyao sheyü jom kü neshüveihen; mehenangkü ngelei müki lekei ha eetepih.

BHEI-IE 24:17

Ngei büpa eenyüke, shejao shaang nevai; Ngei büpa kü veinyeih, shejao yopailei nevai. Jakob kübü litha hük vamkahen; Israel kübü lenshuoh hük vamkahen. Büpai Moab amei mübüthü, hatü Shethlei hapeüthü kemei ngümtükhen.

SHAKEI VAMPÜ 17:14

Jomi Mi Cheha khüei vehok hokhen, hatü Mi Chehai jom neühen; mehenangkü büpayü shembüthü khongkü Shembüpa, ongthü khongkü Ongpa, hatü büpa mü nyupüthüyü nyüklangpü, jelangpü hatü hinglempüthü.

2 TIMOTI 2:4

Veshan dousho kü chongphopü hüki büpa dok kübü veshan lakchongbü mong hahhühen nangkü büpai nanglakei shahhidou kü ne-omteinyih.

MATHI 9:38

hanangkü hah vethen shingvaishi hah vetbü Shembüpa kü nanglak shomhen phoptuh” shei e.

JEREMIAH 1:18

Shejao shinnyih ngei nüngü kahmük peü khüei, Judah ongthü, ngongpathü hatü kahmük kü nyupü nanglak khüei yaonghen penyü showtükpü chingnyü, nyiam shemnyü hatü melangnyiami lingpü bham kei leihütih.

ISAIAH 54:16

Veituh, yan shükbüi lingpü, kahnyak kü aw bahhüei vanglük yüphüpü, hatü hapa nadang kü lahhilaong jiüshi linghüpeyü ngei hih. Jühen nangkü lahhilaong noteipü veshanthüao ngei lingpeih.

ISAIAH 49:2

Büpai ngelei ju yannah keiha lingpeih, büpalei lakmongei ngei jolangpeih; büpai ngei nyülükpü lahhan kei leihüpeih, büpalei lahhan tuw mongei ngei jolangpeih.

ISAIAH 19:13

Zoan am mübüthüyü ngapa leidaikemteke; Memphis am longhiongthüyü mongnyong kohdaiteke, Jat kü shongkaong vaipüthüi Ijip am lemnyong kü mülangteke.

MENVIH KESHO 118:22

Shem vepüthüi yaktükpü yaong shongkaong yaong longpü leipeih.

EZRA 9:8

Shejao shaang kanja mongkü Shembüpa, hamei Kahvangi phahji huei ham yangei tuh, hatü hapa daülangpü shingei lakbowlayangei tuhpeih, hatü hamei Kahvangi hamei mük kü vangngai shuoh, hatü aa kübü bümei leihüpeih.

1 SAMUEL 14:38

Hanangkü Sauli mübüthü peü kü, “Hatouei thaikei, hatü shinnyih mehe mang thahpüshang yemshah” shei e.

KAHBHAO 49:24

Shejao büpalei lahhan jiüshangi, hatü büpalei lak wong kohshi nyüke. Hapayü wong kohpü Jakob Kahvang laki, hatü Mi Yombü, Israel amei Yaongei men kü nyüke.

LUK SHAHSHA APPÜ 20:17

Shejao büpai jomphong kü veitü, “Lai kü nyangei nyupü hapayü mehe lappüang?” “Shem vepüthüi yaktükpü yaong shemshouk kü shongnyü yaong leipeih.”

EPHESIA 2:20

Amphongü phongshanthü hatü thihivamthü chongnyiam shangkü lingpeih; Khrista Jisu büpa nyingi shemshouk kübü shongnyü yaong leipeih.

1 PETER 2:6

Laihingi ha enyüke: “Veituh, ngei Zionlei jetükpü, hatü douvang yaong hük tuhnyeih, hatü üpai büpa kü hinglem, mechemao veü neponghen.”

JEREMIAH 51:20

Nüngü ngelei vehok phunglang, nüng mü ngei jatthü ngümtükpeih, nüng mü ngei ongchingthü mahtükpeih,

ISAIAH 28:16

Hanangkü Shembüpa Kahvangi, “Veituh, ngei Zionlei chongnyiam yaong, hatü dokhen yaong hük, chongnyiam shing wong kohhen shingvaishi douvang shongkaong yaong hük tuhnyüpeih. Üpai hapa kü hinglemhenshang, neshanghahhen.