ZEKHARIAH 10:2 - DAÜLANGPÜ LAIHING (BSI)

² Yaongnaüyathüi lueilemei enyüke; Phongyompüthüi shahshem manghkhang eenyüke; jomi shahshem manghthü tetnyüke. jomi angsha nyiushemmei shuohnyüke. Hanangkü mi yombü neshiüpü mithü hanghipükei shennyakthü paüeiyonei longteinyüke.

ZEKHARIAH 10:2 Referans Kwoze

MATHI 9:36

Mechem büpai khongnyü eepa, büpai jomphong kü shinshangei deih; mehenangkü jomphongü ponghahpü hatü sheühbü neshiüi mi yombü neshiüpü mithü kei nyuteke.

HABAKKUK 2:18

Yaongnaüya kü mehe nanglei nyüpa? Mehenangkü hayü lingbüi lingpü khih. Hayü lajei hük mon, shahshem nyuhbü mon nyüke. Mehenangkü hapa lingbüi büpai linghahpü dou kü hinglemnyüke, büpai shah ne-eaokpü yaongnaüya lingnyüke.

HOSEA 3:4

Hapa keiha Israel ami nyih longi longhiong neshiüi, moila neshuoh-i, hatü daülangpü yaongthü nevaijü yaongnaüya nevaijü lajeithü neshiüi nyuhen.

EZEKIEL 34:5

Mi yombü neshiüpü nangkü jom haidai, hatü paüei daijapü nangkü phaüyemthüi hathü jüei hahtükkem.

JEREMIAH 27:9

Hanangkü am kü, “Amphong mechemao Babylon ongpa chongnephopih” shei epü thibüthü, tetpüvanpüthü, mangh manghteipüthü, lashüh dokpüthü hatü phongyompüthülei shah tebang.

KAHBHAO 31:19

Shaang Labani mimum japhen dai, hatü Racheli chepalei shem kahvang lajei güh-ei lüdai.

EZEKIEL 34:8

Ngeiyü vanyangyem Kahvang shei Shembüpa Kahvangi enyüke; mi yombüthü neshiüpü nangkü mithüyü phaüyemthülei het leidaiteke. Mehenangkü ngelei mi yombüthüi ngelei mithü neyemi jom mon moh-ei hahtü ngelei mithü nehaümpü nangkü,

MIKA 2:12

Shejao, Oh Israel, ngei hingmei am peü thailanghen, Ngei hingmei-üng Israel am aoei nyupüthü peü chemi thailanghen. Mi khaok kü mi thaiyei tuhpükei, ammei kahdok ngelei nanglaki maei nyuhen.

EZEKIEL 21:29

Ammi eepü manghkhang peü shahshem, ammi teteivanpü peü kemei shahshem, Mahhen nyupü nemeipüthü, hanghihen dohpü nyih hatü hepak ngoidaitü nyupüthülei ngaümtüng kü ha baphen.

EZEKIEL 21:21

Mehenangkü Babylon ongpai hapa lem nyi phaakpü lembaongei yaongtü phongyomhen; büpai laophülei lajei kü pheyeiyuhen; hatü moila shuohpü yemha dhen yah-ei phongyomhen.

YOUNG LAI 2:14

Ammei thibüthüi am kü shahshem, hatü lueilemei manghkhang eeteke; Ammei mang ngaiyei ne-e-i chongvenpai am lueilemteke. Jomei shah-i am shahshem, hatü lempung kü müteke.

JEREMIAH 51:23

nüng mü mi hatü mi yombüthü jütükpeih, nüng mü kahling am hatü mohohbaongthü jütükpeih, nüng mü governorthü hatü lakchongbüthü jütükpeih.

JEREMIAH 50:17

Israel amü mailangi changshuohpü nangkü yandaipü mithü kei nyüke. Shongei büpayü Assyria ongpai lühtükpeih; shompülei büpalei vangü Nebukadnezzar ongpai shaitükpeih.

JEREMIAH 37:19

Nüng kü, ‘Babylon ongpai nüng nevaijü hapa kahdok khüei nehokpih’ shei teteivanei epü thibüthü melei daipa?

JEREMIAH 29:8

Mehenangkü Jeiyong Shembüpa, Israel Kahvangi hapakei enyüke: “Am mü chemi nyupü thibüthü hatü phongyompüthüi am kü lueilemhen mü tenyu, hatü jomi manghpü manghthü kü tebangtei;

JEREMIAH 28:15

Hapheikü Jeremiah thibüi Hananiah thibü kü, “Bangtuh, Hananiah! Shembüpai nüng neshomshomi shahshem kü hinglemhen mü nüngi hapa jat yawhlangteke.”

JEREMIAH 23:17

Ngei yakphongpüthü kü jomi düngei, “Am mü chingmei nyuhen” shei enyüke, hatü mongdang vaanpüthü peü kü, “Mepa shanghah-ao nepeiküpih” shei enyüke.

JEREMIAH 14:22

Nüng nevaipheikü Oh Shembüpa, hamei Kahvang, lebü jatthülei lajeithüi vang keihüaokhen je? Nevaijü vangshothüi vanglah haihüaokhen je? Hami nüng kü monglemnyeih, mehenangkü ha dükpeyü nüng mon.

JEREMIAH 14:13

Hahepak kü ngei eteke, “Oh Shembüpa Kahvang! Halei thibüthüi nanglakthü kü, ‘Ammi yan ne-eepih, nevaijü münghishaü nenyuküpih, shejao ngei hapa kahdok kü chingmeivangmei mon shuohhen’ shei enyüke.”

JEREMIAH 10:8

Jom peü sholi neshiüpü ngapathü; jom keyü yahlak neshiüpü pü lajeithüi nyuhpeih.

JEREMIAH 8:11

Jomi ngelei nanglakthülei makaw kü wongshi neshiüpükei deihshi shaphongnyüke. Meishi neshiüshiüi, “Meishi nyüke” shei enyüke.

JEREMIAH 6:14

Jomi ngelei nanglakthülei makaw kü wongshi neshiüpükei deihshi shaphongnyüke; Meishi neshiüshiüi “meishi nyüke” shei enyüke.

ISAIAH 46:5

Ngei mü hükkei leihühen amphongi ngei üpa mü sheteiphenhen? Hatü ngei mü shetteihen nangkü ngeiyü üpa kei khih shei ehen?

ISAIAH 44:9

Üami lajeithü lingnya, jomü yahlak neshiü, hatü jomi monghahpü kahvangthü nanglei neshiü. Üami hapa kahvang kü khümnya, jomphongü mükphüngpa hatü ngapathü hatü jomphong veü danghen.

JOB SHAHSHA APPÜ 21:34

Hanangkü mekei etü yahlak neshiüpü shah-i nüngi ngei nyiumeihühenang? Nüngi shuohpü shahnyok kemei angsha hatü shahshem mon khih!

JOB SHAHSHA APPÜ 13:4

Shejao amphongü shahshemi hangei yahtü nyüke; am peü yahlak neshiüpü dinbüthü khih.

1 ONGPATHÜ 22:17

Hahepak kü Mikaiah-i jangei, “Mi yombü neshiüpü mithü keiha Israel am kemei shanghishong kü nyaidaikemi eenyüke, hatü Shembüpai, ‘Hathü nanglakthülei mübü neshiü; hanangkü jom peü nyemleidaikem’ shei enyüke” shei eteke.

SHAHPHENBÜTHÜ 18:14

Hahepak kü Laish kahdok veinüng daipü shennyak nga-i jomei jeihinaüthü kü, “Hapa shemei ngongpalei ow, shemongei khümteipü kahvang hatü ngini jümei lingpü lebü lajei nyupü nyingla? Ammi hapa kü mehe dükhen deihhümao” shei e.

BHEI-IE 27:17

jom she kü daihen hatü leihen, hatü Shembüpalei nanglakthü mi yombü neshiüpü mikhong kei nenyuhen shingvaishi jom müei daihen hatü müei leihen shennyak hük jeshih” shei eteke.

MARK 6:34

Büpa yungphaang ngoijajü khongnyü longpü hük büpai ee, hatü büpai jomphong kü shinshangei deih; mehenangkü jomphongü mi yombü neshiüpü mithü kei nyuteke, hatü büpai jomphong kü douthü longi nyuhhen chongpang.

JEREMIAH 23:32

Shahshem mangh tetei eteipüthü kü ngei khünyüpeih shei Shembüpai enyüke. Jomi ngelei nanglakthü kü shahshem eyei lemnyongei mülangnyüke, shejao ngei jom neshom nevaijü neje. Jomi maaniyao nanglakthü nanglei nedanghünyu shei Shembüpai enyüke.

ZEKHARIAH 11:17

Oh mithü yakphongpü aung neleipü mi yombü onyükei! Yanlui büpalei bhagchong, hatü mük lakdahphi kü baphütuh! Büpalei bhagchong juwtüktuh, büpalei mükdah chemjalak kü phüngtüktuh.”

SHAHKÜP 13:2

büpai epükei yashanyale nevaijü thamapü dou jiüei vamjema, hatü büpai, “Jeni lebü kahvangthü phei müshah, (ammi mangnyingpü kahvang) hatü jeni hathü kü khümshah” shei eküjema,

ISAIAH 41:29

Hathü kahvangthü peü yahlak neshiü; jomei douthüao kong, jomei lajeithü wong neshiü hatü kong khih.

ISAIAH 44:25

Ngei lak-ow veipüthü ngapa leitüknyeih, hatü phongyompüthüi tetpü ngashah leitüknyeih. Ngei nahpülangpüthülei kihikon yaktüknyeih, hatü ngashah yoishah leitüknyeih.

JEREMIAH 27:10

Jomi am kü shahshem teteivanei enyüke hatü hapai am ammei kahdok leipü tailuei daihen hean benhen; ngei am changtükhen hatü am mahhen.

JEREMIAH 27:14

Babylon ongpa chongtepho shei epü thibüthülei shah tebang; mehenangkü jomi am kü shahshem teteivanei enyüke.