ZEKHARIAH 10:11 - DAÜLANGPÜ LAIHING (BSI)

¹¹ Jomi shangpongpü yungching homei daihen, hatü ngei yungching yungmok kü bheihen, hatü chülohpü Nile jepdaihen. Changmeipü Assyria am chongei vühen, hatü Ijip amei wong mahdaihen.

ZEKHARIAH 10:11 Referans Kwoze

EZEKIEL 30:13

Shembüpa Kahvangi hapakei enyüke: Ngei lajeithü mangtükhen, hatü Memphis leipü yaongnaüyathü dohtükhen. Hajük kü Ijip kü longhiong nenyuhen; Hapa keiha ngei Ijip am kü nyempühanpü shuohhen.

ISAIAH 43:2

Mechem am yung homei daihen, ngei am mü nyuhen; hatü mechem am yungdang homei daihen, yungi am bhongei neshanlanghen. Mechem am awbhaong kü kamei daihen, awi am kü nekethen; awlomi am kü nelihen.

SHAKEI VAMPÜ 16:12

Vokpabü vangsho phongshani büpalei nükshung longpü Euphrates yungyen kü khüp, hatü heongphi leipü ongpa kü lem temhen shingvaishi hapa yung jepdai.

ZEPHANIAH 2:13

Büpai apshaphi khüei lak haonghen, hatü Assyria am mahtükhen; Nineveh-ü shingkong leitükhen, hatü bhih kahdok keiha vantükhen.

ISAIAH 51:10

Yungching chüpü ilangmong jeptükpü, hatü laophüi yanglangpüthü homei daihen shingvaishi ilangmong homei lemnyüshong lingpeyü nüng nevaipü je?

ISAIAH 14:25

Ngei ngelei kahdokei Assyria am ngümtükhen; ngelei kahshangei ngei büpa la-i shoupei shantükhen. Büpalei kenh ngelei nanglakthü leipü bhühtükhen, hatü büpalei hanggovih jomei bhagchong leipü yailanghen.

MENVIH KESHO 114:5

Oh yungching, nüng nyaidaihen mü, Oh Jordan, nüng nyokei leihen mü mehe vampa?

MENVIH KESHO 114:3

Yungchingao veitü nyaidai, Jordan yungyenao neyeni yaongdai.

EZRA 6:22

Nyih nyet thahshi jomi mongongshi Daw Neshihpü Aan Mo hahteke; mehenangkü Israel Kahvangei shem lingei leipü kü Assyria ongpai sheühhen mü büpalei mong yeiyahüpü kü jom mongongpai mateke.

2 ONGPATHÜ 2:14

Büpai Elijah leipü vüjapü ashak yah-ei yung kü bheitü, “Elijahlei Shembüpa Kahvang melei nyüpa?” shei e. Mechem büpai yung kü bheipa, hahepak kü laknyong lakdah kü yung handaitü büpa kahvan kü kamei lei.

2 ONGPATHÜ 2:8

Hahepak kü Elijah-i büpalei ashak yah-ei temtü yung kü bhei, hatü jiji kahvan kü yung manghomdai thahshi laknyong lakdah philei yung handai.

ISAIAH 51:9

Paotuh, paotuh, wong antuh, hatü ham yangshih, Oh Shembüpa; Paotuh, peihdaipü nyihthü kü keiha, meyangmeyangpü denshemthü kü keiha. Rahab khih mü nihtükpü hatü dragon kü peiyei hümtükpeyü nüng nevaipü je?

KAHBHAO 8:1

Shejao Kahvangi Noah hatü büpa mü jahas mongei nyupü yemhimakthü deih-ei dang, hatü Kahvangi vanglük lükhüei yung jepei leishih.

ISAIAH 19:16

Hapa nyih kü Jeiyong Shembüpai Ijip am khüei lak noshingkü jomphongü nyüha kei nyempai kheühen,

ISAIAH 44:27

Ngei shah phahük mon ejü yungchingao jepdainyeih.