ZEKHARIAH 1:5 - DAÜLANGPÜ LAIHING (BSI)

⁵ Ammei ambü ampa shaang melei nyüpa, hatü thibüthü denden nyunyu hiang?

ZEKHARIAH 1:5 Referans Kwoze

CHONGVENBÜ 12:5

Nüng vakhivien kü kamhen nyemdaihen, hatü nekamneyaongaoki leidaihen. Nüng sheyü shosho pungdaihen; sheyü laknolathan neaoki leidaihen, hatü mehe yahlak hahlakao nena-i leidaihen. Hapheikü shennyakü nedohnetenpü nyuishing yemei lüdainyeih, hatü hapheikü chingyangshongei mahng theppü chongkahen.

CHONGVENBÜ 12:7

kahdoki lingpü büm kahdokei leidai shekü, hatü Kahvangi shuohpü laangha büpa touei manglüdai shekü nüng Lingbü deih-ei dangtuh.

HEBREW 9:27

Shennyak hük mekei chem mon dihen demtük, hatü hapheikü shahphenpü nyüpa,

PHONGSHANTHÜ DOU 13:36

Mehenangkü Davidi büpalei den kü Kahvangei mükhong dükpheikü büpa di, chebü chepa am mü mahng vü, hatü büpalei büm mahngshalei shedai.

JOHAN 8:52

Jehoda ami büpa kü, “Nüng keyü kahshih nyüke shei shaang hami nyingteke. Abraham didai, hapa keiha thibüthüao didaiteke, shejao nüngi, ‘üpai ngelei shah bangnya, mechemao dipü ne-eepih’ shei enyüke.

CHONGVENBÜ 1:4

Denhivan peinyüpeih, hatü hapa peihdainyeih, shejao kahdoknyü lakshing nyunyüpeih.

MENVIH KESHO 90:10

Hamei yangnyu-ü bong pejempüan mon; nevaijü wong kohjema büali mon nyüke; hayao shanghah hatü mongmang mon, nyihthü lomi lüdai, hatü ham lüdainyeih.

JEREMIAH 36:28

Lebü laidü hük yahtuh hatü Judah ongpa Jehoiakimi aw kü jaktükpü shongpü laidü kü nyupü shahthü peü halei nyangtuh.

YOUNG LAI 5:7

Hamei bühipai mang thah, shejao shaang jom neshiü, hatü shaang hami jomei mang lat ponghahnyeih.

1 SAMUEL 25:1

Shaang Samuel di hatü Israel am kemei thaiyei büpa kü mahng thep, hatü jomi Ramah leipü büpalei shemei mahng vüphong. Hapheikü David layaongei Paran jahpanei dai.

2 ONGPATHÜ 13:14

Shaang Elisha nemei-i tüng, hatü hapa dinshan kübü neyangaokhen mü nyushingkü Israel ongpa Jehoash-i büpa thümnüng yiüei büpa kü, “Opa! Opa! Israel amei koyei khari hatü koyei veshan” shei thep.

2 ONGPATHÜ 13:20

Elisha di, hatü mahng vütük. Shaang Moab ami bong ieyei ünyü hepak kü peiyei ching hahhamteke.