ZEKHARIAH 1:4 - DAÜLANGPÜ LAIHING (BSI)

⁴ Amphongü ambü ampa am kei tenyu; shongpü thibüthüi jom kü, “Am nemeipü lemthü kübü, hatü douten dükpü kübü leptuh” shei eshuohhamteke shei Jeiyong Shembüpai enyüke. Shejao jomi ngei epü kü dhaong nenonyu, hatü venpü neyahnyu shei Jeiyong Shembüpai enyüke.

ZEKHARIAH 1:4 Referans Kwoze

MENVIH KESHO 78:8

Shejao jomü chebü chepa am kei mong vaanei khüei yaongpü, Kahvang kü jomei mong lanei neshuohpü, nevaijü jomei laanghabüpa kü hingnelempü am nevaihen.

EZEKIEL 33:11

Ngeiyü vanyangyem Kahvang shei Shembüpa Kahvangi enyüke, ngei mang shennyak hük dipü kü mongneongnyih, shejao mang shennyak hük laophülei lem kübü mong lepei leiyei yangnyu yem dangei nyupü eehünyeih. Oh Israel phang, ammei mang lemthü kübü mong leptuh, mehekei am dihenang?

JEREMIAH 35:15

Leiyei leiyei ngei chongphopü thibüthü am touei shompeih, hatü jomi am kü, ‘Am peü laophülei mang lemthü kübü mong leptuh hatü ammei dükhiling yeiyatuh, hatü lebü kahvangthü chongphoei ha pheikü temü. Shejüang am hatü ammei bühipa kü shuohpü kahdokei nyuaokhen’ shei eteke. Shejao ammi ngei epü kü mong neshuoh nevaijü ha nebang.”

ZEKHARIAH 1:3

Jeiyong Shembüpai hapakei enyüke shei eyeishuoh: “Ngei touei mong lepei leikei, hatü ngei am touei lepkahen” shei Jeiyong Shembüpai enyüke.

1 PETER 1:18

Ammei bühipa kübü dangpü yangnyu lem kong kübü am angei leipeih shei ammi nyingei nyüke, hatü hayü mahdaihen hon hi ngin homei nevai,

PHONGSHANTHÜ DOU 26:20

shejao shongpüba kü Damaska, hapheikü Jerusalem, hatü Judea kahmük kempülei hatü Kung am kao jom mong lepei Kahvang touei leihen, hatü jom mong leppü doui huhen epeih.

PHONGSHANTHÜ DOU 3:19

Hanangkü mong leptuh, hatü ammei mang thitei yaktükphahen shingvaishi Kahvang touei lepei leituh,

MIKA 2:6

“Teteivanei chongtevenkei” “hathü dou nang tetpüvanpü te-ekei, meheyao hanghi nepeiküpih shei jomei thibüthüi enyüke.”

AMOS 5:24

Shejao shahhingpa yungyen kei yenhütuh; Daülangshemshepü mechemao nejeppü yunglok kei yenhütuh.

HOSEA 14:1

Oh Israel, Shembüpa, ammei Kahvang touei mong leptuh. Ammei mangi am dopeih!

JEREMIAH 44:16

“Shembüpalei men kü nüngi ham kü epü shah nebangpih!

JEREMIAH 26:5

hatü ammi nebangjao ngei am touei leiyei leiyei shompü ngei chongphopü thibüthülei shah nebangjema,

JEREMIAH 18:11

Hanangkü shaang Judah nanglakthü kü hatü Jerusalemei nyupüthü kü Shembüpai ha enyüke shei etuh: Veituh! Ngei am shing shanghah hük temnyüpeih hatü am khüei küpjan hük lingnyüpeih. Hanangkü ammei mang lemthü kübü am peüi mong leptuh, hatü ammei lem hatü dükhiling ja lingei leituh.

JEREMIAH 3:12

Daituh, hatü hapa shah apshaphi kahmük kü baongtuh hatü etuh: Mong leptuh, Oh hingnelempü Israel, shei Shembüpai enyüke. Ngei nüng kü mongshih-ei neveipih; mehenangkü ngeiyü phahjinyeih, shei Shembüpai enyüke; ngei den kü mongshih-ei nenyupih.

ISAIAH 31:6

Oh Israel am, amphong longi nemei-i büpa khüei mang thahteke, shejao büpa touei mong lepei leituh.

NEHEMIAH 9:30

Bong longi nüngi jom mü nenteiaokei heihpeih. Nüngei laanghai nüngei thibüthü homei jom kü shahvüng shuoh, shejao jomi ha nebang. Hanangkü nüngi jom lebü jatthülei lak kü shuohtükpeih.

NEHEMIAH 9:26

Shejao jomi ven nedani nüng khüei yaong; jomi nüngei shahkung ngaümpheilei tuhphong. Jomi nüng touei mong lepei leihen shahvüng shuohpü thibüthü jütük; jomi nüng kü ne-ienelemi nyembenüng mang thah.

NEHEMIAH 9:16

Shejao jom, hamei bühipathüi changmei, hatü jomei ngaümvang haüei nüngei shahkungthü nebang;

EZRA 9:7

Hamei bühipathülei nyih kübü shinnyih thahshi hami mang longpü thahteke; hamei mang tata kü ham, hamei ongthü, hamei ngongpathü kemei shinnyihpü keiha kung amei ongthü kü shuoh, yani mah, wüpküpei dai, mop aetlangkem, hatü hai danghüpeih.

2 SHÜPPÜKENGPÜ 34:21

“Daituh hatü ngei hatü Israel am aopüthü hatü Judah shingvaishi hapa dangpü laitapei mehe nyangei nyüpa ha Shembüpa kü phetuh; Shembüpalei shahthü jenei bühipathüi nedükpü nangkü Shembüpalei mongshih longpü jen kü khüpphahen khih; hapa lai kü nyangei nyupükei jomi nedükang” shei e.

2 SHÜPPÜKENGPÜ 30:7

Amphongü Shembüpa, ambü ampalei Kahvang kü hingnelempü ambü ampa, anjei anaüthü kei tenyu; hanangkü büpai jomphongü lavüngtoiyei leitükpü ammi eeteke.

JEREMIAH 4:1

Am mong lepei leijema, Oh Israel, ngei touei am lepei leijema, Ammi ngei toueipü jiühitnalai dou yaktükjema, hatü neleplüki nyujema,

JEREMIAH 23:22

Shejao jom paoh ngelei thaihiyu kü omlangmeyü jomi nanglakthü kü ngelei shah ehen, hatü jomei nemeipü lem hatü douten kübü lepei leihah shepeih.

EZEKIEL 20:18

Ha nangjeiyei ngei jomei thehilathü kü ammei nyühipathülei vanglem kü tekam, jomei shahkung kü tedai, nevaijü jomei lajeithü homei am nedaü-i telei shei epeih.

EZEKIEL 33:4

hatü hanei-i ha dantü, ha shahvüng kü nehaka-i nyupü nangkü vepa peiyei büpa jütükjema, büpa mahpü iy büpalei shangjing kü kohen.

ZEKHARIAH 7:7

Mechem Jerusalem kü shennyak maei hatü hapa ngeihpü shonpü jilathü hatü Negeb hatü heshüphi kahshangla kü nyupüthü mophimo-i maei nyiushemmei kü nyupa, Shembüpalei shah shongpü thibüthü homei nebaongangpü je?”

2 SHÜPPÜKENGPÜ 30:6

Ongpai shah shuohpükei lai kopüthü Israel hatü Judah peü lemei ongpa hatü büpalei lakchongbüthülei lai hapakei nyangtü koei dai. “Israel nanglakthü, Shembüpa, Abraham, Isak hatü Jakob Kahvang touei mong leptuh, shejüang Assyria ongpalei lak kübü yangpü am touei büpa lepkahen.

JEREMIAH 3:14

Ngei touei leikei, Oh hingnelempü hapeüthü; mehenangkü ngeiyü nüngei shembü; Ngei nüng yahhen, hük chingnyü leipü, hatü nyi shemong leipü, hatü ngei nüng Zionlei müei leihen, shei Shembüpai enyüke.

JEREMIAH 25:8

Hanangkü Jeiyong Shembüpai hapakei enyüke: Ammi ngelei shah nebangpü nangkü,

EZEKIEL 14:6

Hanangkü Shembüpai hapakei enyüke shei Israel am phang kü eyeishuoh: “Mong leptuh hatü lajeithü leipü lepei leidaikei; jiühitnalaipü douthü peü yakphongtuh!”

DANIEL 9:6

Nüngei men kü hamei ongthü, hamei longthü hatü hamei bühipathü hatü kahmük kü nyupü nanglakthü kü nüng chongphopü thibüthüi epü shah hami nebang.”