YOUNG LAI 2:4 - DAÜLANGPÜ LAIHING (BSI)

⁴ Büpai ham kü vepai kei lahhani kap; büpalei lakdah-i vepai kei ham kü kapteke. Ham monghampüthü kemei büpai jütük; Zion nelalei ashakshem kü büpai aw kei mongshih bahhü.

YOUNG LAI 2:4 Referans Kwoze

JEREMIAH 7:20

Hanangkü Shembüpai hapakei enyüke: Ngei mongshih hatü lohpü hapa shing, hangkuthü, yemhimakthü, pühivungthü hatü betjükvungjük kü khüpeilanghen; hapa kü aw bahhen hatü ha nemethen.

EZEKIEL 24:25

Hatü nüng, shennyak ha, mechem ngei jomi wong dangpü, jomei mongong hatü jomei müknyinshekhang, jomei mük kü meipü, hatü jomei mongi lümpü phopshem hatü jomei hapeüthü yah-ei lüdaihenshang,

JEREMIAH 21:5

Ngei ngelei lak haongei, wong kohpü lak noei mongshih longpai am khüei hokhen.

ISAIAH 42:25

Hanangkü büpa mongshihpü jom kü khüppeih, hatü vehok mangpü heüpeih. Awlomi jom jümlangjao, jomi hapa nenyingaok; awi jom jangtükjao, jomi hapa mongdangei neyah.

JEREMIAH 30:14

Ammei mongkhen küphü peüi am betükteke; jomi am nang deihshi neshiü. Vepa hüki keiha ngei am kü üppeih, hatü nemeipü ami keiha am kü hanghi shuohpeih; mehenangkü am pungpü ahshi longshi, hatü ammei mang longi ahshi nyüke.

JOB SHAHSHA APPÜ 6:4

Mehenangkü Jeiyong Kahvangei lahhan ngei kü shüei nyüke; ngelei laanghai leü nemeipü yingtükteke; Kahvang nyempühanpü peü ngei khüei mon nyüke.

NAHUM 1:6

Büpa mongshihjü üpa yaongaokhenang? Büpa nemei-i mongshihpü üpai nenaokhenang? Büpa mongshihpü awlom kei vamnyüke; büpa tou kü yaongnyüthüao bhihla kei nihdainyeih.

NAHUM 1:2

Shembüpayü mükhakpü, bhüh yempü Kahvang nyüke; Shembüpai bhüh yemnyüpeih, hatü mongshih maei nyüpeih. Shembüpai büpalei vepathü khüei bhüh yemnyeih, hatü büpalei vepathü khüei mongshih jaoei tuhnyeih.

EZEKIEL 36:18

Hanangkü hapa kahdok kü jomi iy yenhüpü nangkü, hatü jom sheihpü lajeithü nangkü ngei ngelei mongshih jom kü khapshuohpeih.

EZEKIEL 22:22

Awbhaongei nyiam nyaüpü keiha am halei nyaühen, shejüang ngei, Shembüpai am kü ngelei mongshih khüpphopü khih shei ammi nyinghen.”

EZEKIEL 6:12

Tailuei nyupüthü chami dihen, yopailei nyupüthü yani mahhen, hatü nedi-i yangpüthü shaühile homei dikemhen. Hapakei ngei mongshihpü jom shangkü nyuhen.

EZEKIEL 5:13

Ngei hü mangshem thahshi ngei mongshihpü hatü lohpü nyukahen. Hathü peü vamphei küang, ngei Shembüpai hathü ham kü ephütepih shei nyingei peihen.

YOUNG LAI 4:1

Mekei daülangpü hon dheshihlaümang leidaipa! Phopshem yaongthü mekei chingshongei haidaipa!

YOUNG LAI 3:3

hatü helu shoei leiyei leiyei ngei kü üppeih.

YOUNG LAI 2:5

Vepai kei Shembüpai Israel am mahtükteke; Büpai jomei ongshemthü, hatü penyüshathü peü bentükkem, hatü büpa Judah nanglak kü thephiyoung dahü.

JEREMIAH 36:7

Üpai nyingpa, Shembüpalei mongshih longpü hapa nanglak khüei shuohhen shei baongpü nangkü jomi Shembüpa touei mang lah-ei jom mang lem kübü mong lepei leikahen aokpeih” shei e.

JEREMIAH 21:12

Oh David am shem, Shembüpai hapakei enyüke: “Nepnüng dhom ieyei shahhing dou düktuh; Shüveipüthülei lak leipü gühlangshuohpü shennyakthü yangtuh. Hei nevaijema ammi dükpü mang nangkü ngei mongshih vamhen, hatü üpaiyao nemetaokhen mü aw kei bahhen.

JEREMIAH 4:4

Shembüpa touei am shuw japtüktuh, ammei mongdang kübü shuw japtüktuh, Oh Judah nanglak hatü Jerusalemei nyupüthü, hei nevaijema ammi dükpü mang nangkü, ngelei mongshih aw kei vamhen, hatü ha üpaiyao nemetaokhen.”

ISAIAH 63:10

Shejao jomi büpa khüei yaong, hatü büpalei Laangha Daülangpü mongmanghü; Hanangkü büpa jomei vepa leipeih, hatü büpai jom khüei hokpeih.

ISAIAH 63:6

Ngei mongshih-ei jatthü peü shouptükpeih, ngei mongmangei jom peü ngümtükpeih, hatü jomei iy kahdokei yenhüpeih” shei Shembüpai enyüke.

2 SHÜPPÜKENGPÜ 34:25

Mehenangkü jomphongi ngei yakphong hatü lebü kahvangthü kü moila shuohpai jomi dükpü doui ngei mongshih vamhüteke; ngelei mongshih hapa shing kü khüphühen hatü hapa nedohhen.

2 SHÜPPÜKENGPÜ 34:21

“Daituh hatü ngei hatü Israel am aopüthü hatü Judah shingvaishi hapa dangpü laitapei mehe nyangei nyüpa ha Shembüpa kü phetuh; Shembüpalei shahthü jenei bühipathüi nedükpü nangkü Shembüpalei mongshih longpü jen kü khüpphahen khih; hapa lai kü nyangei nyupükei jomi nedükang” shei e.

MENVIH KESHO 37:14

Nemeipüthüi taopathü, hatü nehahneyingpüthü vüshihhen, hatü kangshangi kampüthü jühen yan nonyüke hatü lah künyüke.

JEREMIAH 10:20

Ngelei ashakshem mangtük; hapalei vü kemei phentük. Ngelei hapeüthü ngei toueipü lüdaikem; hajük kü hathü neshiü. Ngei kü ashakshem vephahen üpayao aoei neshiü, nevaijü ngei loishing dhüm chanphahen üpayao neshiü.

EZEKIEL 20:34

Ngei amphongü lebü nanglakthü khong kübü tukei ngaihen hatü kahmükthülei haidaipü ngelei laklu wong longpai mongshihpai thaiyei leihen;

LEVI 26:17

Ngelei dhe am khüei yaakshingkü ammei vepathüi am neütükhen; ammi jiühitpüthüi am shak kü vanglem lemhen, hatü am kü üpaiyao nechangpü kü am nyemei nyaihen.

SHAHKÜP 32:22

Ngelei mongshih awlom keiha bahhen, hatü chüpü Sheol-ao shamtükhen; Hapai kahdok kü vampü hahying kemei lühtükhen, hatü kahshangthü chongnyiam shingao aw kü jaktükhen.

1 SAMUEL 28:16

Samueli, “Shembüpa nüng toueipü lepdaiphei kü hatü nüngei vepa vaidaiphei kü mehekei nüngi ngei kü phenya?

JOB SHAHSHA APPÜ 19:11

Büpai ngei khüei mongshih an, hatü ngeiyü büpalei vepa leihüpeih.

MENVIH KESHO 7:13

büpai laophülei dihen leü kohpü lahhilaong temteke; büpai laophülei lahhan temnyüke.

JEREMIAH 42:18

Jeiyong Shembüpa, Israel Kahvangi hapakei enyüke: Ngelei mongshih Jerusalemei nyupüthü kü khüpshuohpü keiha, mechem am Ijiplei yiüei nyuhen ngelei mongshih khüpphahen. Amphongü thaüvaütükpü dou, nyembenüng, eela hatü yaüeilungtükpü dou leihen. Ammi hapa shing sheyü ne-eehen.

YOUNG LAI 1:13

Büpai shanglemeipü aw shom, hatü hapai ngelei vang mongei bah; Büpai ngelei lem kü tai haen, hatü kahdokei shüei vü; Büpai ngei yakphong, hatü helu tüngei tuhphong.

YOUNG LAI 4:11

Shembüpai mongshih wong kempai mongshih anei büpai Zion kü aw bahhü, hatü hapalei chongnyiam hahtük.

EZEKIEL 7:14

Jomphongi amit vüngtü lemphü temlangmao, üpaiyao vehokei nedaihen; mehenangkü ngelei mongshih peü kü nyuhen.

EZEKIEL 13:13

Hanangkü Shembüpa Kahvangi hapakei enyüke: “Ngei mongshihpai mangpü yinglükleisho shomhen, hatü ngei mongmangpai vang keihühen, hatü shü vüshihpai hapa bentükhen.