YOUNG LAI 2:1 - DAÜLANGPÜ LAIHING (BSI)

¹ Shembüpa mongshihpai Zion phumnyaki jümtük. Büpai Israel am dhemeilaümapü vangsho leipü kahdokei vütük. Büpa mongshihpü nyih büpai laophülei lashoup shingao betük.

YOUNG LAI 2:1 Referans Kwoze

MENVIH KESHO 132:7

“Jeni büpa nyushingei peishah; jeni büpalei la tüngei khümshah.”

1 SHÜPPÜKENGPÜ 28:2

Hahepak kü David ongpai yaongtü, “Ngei epü bangtuh, ngelei jeihinaüthü hatü nanglakthü. Ngei Vangpüshuwpü Pela düngei tuhhen, Shembüpa, jenei Kahvang kü phopshing shem hük vehen küpjan deihshi nyupeih; hatü ha vehen nangkü tempülempü nyupeih.

LUK SHAHSHA APPÜ 10:18

Büpai jomphong kü, “Klang keiha vangsho leipü Satan vüpü ngei eepeih.

MATHI 11:23

Hatü Kapernaum am! Am vangsho thahshi longei aonghen je? Nevai, amü molo awlei shüei shaamhen. Am kü dükpükei yashanpü douthü Sodom am kü düklangmeyü shinnyih thahshi jom nyuhah shepeih.

JOEL 2:2

Hapayü vangnyak hatü vang yimpü nyih hük, phumnyaki jümpü shangmang nyih hük vaikahen! Vang mangei kahshangthü banglangpü keiha, longpü, hatü wong kohpü veshanthü kei shouk peikünyüke; Aivang den kao jom mechemao hapakei nenyu, nevaijü ngoikahen denhivan kao hapakei nechongkahen.

EZEKIEL 30:18

Mechem ngei Ijip amei wong mangtükhen, Tahpanheslei nyihnüngü vangnyak leidaihen, hatü hapalei changmeipü wong dohdaihen. Pinnyü kü phumnyaki jümhen, hatü haleipü jilathü wüpküpei yah-ei daihen.

MENVIH KESHO 99:5

Shembüpa, jenei Kahvang vihtuh; büpalei la tüngei khümtuh. Büpayü daülangpüba!

LUK SHAHSHA APPÜ 10:15

hatü am Kapernaum am, am vangsho thahshi aonghen deihnyu je? Nevai, amü molo awlei shükei shanshihhen.

EZEKIEL 24:21

‘Shembüpa Kahvangi Israel am phang changmeihen wong dangpü, ammei mük kü meipü, ammei mongi lümpü phopshem ngei sheihtükhen hatü ammi tuhphongpü hapeüthü yani mahhen.

YOUNG LAI 4:1

Mekei daülangpü hon dheshihlaümang leidaipa! Phopshem yaongthü mekei chingshongei haidaipa!

YOUNG LAI 1:1

Chemü shennyak maei nyupü chingnyü, shaang mekei lavüngtoidaipa! Pinnyü chemü jatthü peü mü longpü vaihampü, shaang mekei vaümnyü kei leidaipa! Pinnyü chemü ongchingthü shak kü onglanyü vaihampü shaangü aa leidaiteke.

ISAIAH 64:11

Hamei bühipai nüng kü menvih shuohhampü hamei daülangpü Phopshemü awi shamtükteke, hatü hamei veinyuhüpü shingthü peü lavüngtoidaiteke.

2 SAMUEL 1:19

Oh Israel, nüngei müknyinshekhang kahshangei jüei shükshi nyüke! Wong kohpü hampathü mih-ei lak kü dodaiteke!

1 SAMUEL 4:21

Pinnyüi hapa naü kü Ikabod, lappai, “Israel kübü müknyinshekhang yandaiteke” shei men; mehenangkü Kahvangei Vangpüshuwpü Pela yahlang; chepahalei chepa hatü chepahayao didai.

YOUNG LAI 2:17

Shembüpai mehe dükhen shei tem, büpai ha dükteke; Büpai shelei mebü epü keiha, phahji neshiüi am mahtükteke. Büpai ammei vepathü kü aokpü danghüteke; Am dopü nangkü jom kü mongong shuohteke.

EZEKIEL 19:12

Shejao mongshih-ei hapa bhiyei kahdokei yaktükpeih. Heong vanglüki hapa kü jentü betjük kemei kaongtük; hapalei pükaothü kaudai hatü awi hahtük.

1 SAMUEL 4:22

Pinnyüi, “Israel kübü müknyinshekhang yandaiteke; mehenangkü Kahvangei Vangpüshuwpü Pela yahlangteke” shei e.

MENVIH KESHO 89:45

Nüngi büpalei nethe den shohtük; nüngi büpa veüpongi jümhü.

JEREMIAH 30:14

Ammei mongkhen küphü peüi am betükteke; jomi am nang deihshi neshiü. Vepa hüki keiha ngei am kü üppeih, hatü nemeipü ami keiha am kü hanghi shuohpeih; mehenangkü am pungpü ahshi longshi, hatü ammei mang longi ahshi nyüke.

YOUNG LAI 1:12

Ngei kü veihümao, amphong peihpü leipüthü; Shembüpa, büpai mongshih anei ngei kü shuohpü hanghi kei üpaiyao nepongangpih.

YOUNG LAI 4:11

Shembüpai mongshih wong kempai mongshih anei büpai Zion kü aw bahhü, hatü hapalei chongnyiam hahtük.

EZEKIEL 13:13

Hanangkü Shembüpa Kahvangi hapakei enyüke: “Ngei mongshihpai mangpü yinglükleisho shomhen, hatü ngei mongmangpai vang keihühen, hatü shü vüshihpai hapa bentükhen.