YOUNG LAI 1:5 - DAÜLANGPÜ LAIHING (BSI)

⁵ Pinnyülei vepathüang shembü leidai, pinnyü kü khüpüthüang daeishenyüke; Mehenangkü pinnyülei mang ahshi longpü nangkü, Shembüpai pinnyü shangponghü, pinnyülei moihiyangthü sheteishangei wüpküpei deilangteke.

YOUNG LAI 1:5 Referans Kwoze

EZEKIEL 9:9

Büpai ngei kü, “Israel hatü Judah amei mangü ahshi-üng ahdaiteke; kahmük kemeilei jüteipai maei hatü Jerusalemü iy-aongmashateipai madaiteke. Jomi, ‘Shembüpai kahmük yaktükteke; Shembüpai meheyao ne-eenyih’ shei enyüke.

JEREMIAH 39:9

Veshan mübü Nebuzaradani chingnyülei tuhpü nanglakthü büpa tuhphongpü shennyakthü hatü halei aoei nyupüthü Babylon wüpküpei müei dai.

YOUNG LAI 3:46

Hamei vepathü kemei ham khüei jomei ju longi kateke;

YOUNG LAI 2:17

Shembüpai mehe dükhen shei tem, büpai ha dükteke; Büpai shelei mebü epü keiha, phahji neshiüi am mahtükteke. Büpai ammei vepathü kü aokpü danghüteke; Am dopü nangkü jom kü mongong shuohteke.

YOUNG LAI 1:18

Shembüpayü shahhing, shejao ngei büpai epü khüei yaong; Banghümao, am nanglakthü, ngei ponghahpü kü veihümao; Ngelei thehilathü kemei wüpküpei deilangteke.

JEREMIAH 23:14

Shejao Jerusalem am thibüthü khongkü nyeinya nemeipü dou ngei eepeih. Jomi mükbongjuyung düknyüke, hatü shahshem kü kamnyüke; Jomi douten dükpüthülei lak wong kohhünyüke; hapai üpayao mang kübü nyokei neleinyu. Ngei touei jom peü Sodom am keiha, hatü Jerusalemü Gomorrah kei nyüke.

JEREMIAH 12:7

Ngei ngelei shem yakphongpeih, ngei ngelei mükjüp tuhphongpeih: Ngei ngelei mongdangi bampüba vepathülei lak kü shuohtükpeih.

JEREMIAH 5:29

Henüng keipü douthü kü ngei jom kü hanghi neshuohhen je? hatü hapa keipü jat kü ngei bhüh neyemhen je? shei Shembüpai enyüke.

ISAIAH 63:18

Kanja shing mon nüngei nanglakthüi daülangpü shing khüamei nyuteke, shejao hamei vepathüi hapa shing nyeütükteke.

MENVIH KESHO 89:42

Nüngi büpalei vepathü kü aokpü danghü; nüngi büpalei vepathü peü mongonghüteke.

MENVIH KESHO 80:6

Nüngi ham kü hamei chingyowthüi ne-ienelemhen mü leihü; ham kü vepathüi nyinyüke.

SHAHKÜP 31:29

Ngei didaipheikü amphongü yahlak neshiüi tendaihen hatü ngei epü shahkung kübü lepdaihen khih shei ngei nyingnyüke. Ngoikahen nyih kü am kü shanghah peikahen; mehenangkü ammi Shembüpa touei mang dou dükhen hatü ammei laki lingei büpa mongshihhühen.

ISAIAH 22:5

Manghkhang Kahjilei shangponghen, vepai neühahhen hatü nyemhen nyih hük Shembüpa, Jeiyong Kahvangei lakei nyüke. Chingnyü bhamthü laamtükhen, hatü kahshangthülei sheühpü yiüei lenhen.

JEREMIAH 10:20

Ngelei ashakshem mangtük; hapalei vü kemei phentük. Ngelei hapeüthü ngei toueipü lüdaikem; hajük kü hathü neshiü. Ngei kü ashakshem vephahen üpayao aoei neshiü, nevaijü ngei loishing dhüm chanphahen üpayao neshiü.

YOUNG LAI 1:8

Jerusalemi ahshi nemei-i mang thahteke, hanangkü pinnyü-ü nedaüpü eelanyongnya leidaiteke. Üami pinnyü kü dhüm shuoh, hathüiyao pinnyü yakphongteke; Mehenangkü jomi pinnyü bümkong, hatü mahng theppü, hatü veüpong kü eeteke.

EZEKIEL 9:10

Shejao ngei jom kü nephahjihen; jomi mih kü mehe dük, ngei jom kao ha dükhen” shei e.

2 ONGPATHÜ 21:15

mehenangkü jomei bühipa Ijip kübü vamei leipü nyih kübü shinnyih thahshi jomi ngei touei mang dük, hatü ngei mongshih vamhüteke” shei Shembüpai eteke.

YOUNG LAI 1:16

Hanangkü ngei youngnyüpeih; ngelei mük kü mükphi yennyüpeih. Ngei nyiushem meihühen, ngei mongyanghühen üpayao neshiü; Ngelei hapeüthü lakkong nyüke; Mehenangkü vepathüi aoklangteke.