YOUNG LAI 1:4 - DAÜLANGPÜ LAIHING (BSI)

⁴ Zionlei aongpü lemnyüao youngteke; Mehenangkü üpaiyao hapa lemnyü kü mohitap kao nelingleinyu. Pinnyülei penyüsha vüngmaki küpdai, haleipü ngongpathüao youngnyüke; haleipü nelathüao mongshangnyüke, hatü pinnyü-ü shahyakpü mongshang kü nyüke.

YOUNG LAI 1:4 Referans Kwoze

JEREMIAH 9:11

Ngei Jerusalemü benei shüngpü dou leitükhen, mahuthü nyuishing leitükhen, hatü Judah jilathü shennyak neshiüi lavüngtoiyei leitükhen.

JEREMIAH 14:2

“Judah-i mahng thepnyüke, hatü jomei chingnyüthü wong kemdaiteke. Jomphongü dhe magdaitü kahdokei lemshi nyüke, hatü Jerusalem am theppü shangei aongnyüke.

JEREMIAH 10:22

Bangtuh! Shahjang peikünyüke– Apshaphi kahdok leipü mophicheü longpü hük Judah kahdok lavüngtoiyei mahu nyuishing vaiyei tuhphonghen peikünyüke.

MIKA 3:12

Mehenangkü am tata kü Zionü kah kü han hokpükei hokei yaktükhen, Jerusalemü nyüp yakshing leitükhen, phopshemü pheni luplanghen.

YOUNG LAI 5:13

Nethethü aa keiha kol kü hah ngümnyüke, hashihthü pügo-i chettü kamteinyüke.

ISAIAH 3:26

Zion penyüshathü mahng thephen, hatü younghen; hapa chingnyü-ü bümkong nehahneyingi kahdokei uoshi nyuhen.

YOUNG LAI 1:21

Nyiushemmei neshiüi ngei theppü jomi danteke. Ngelei vepathüi ngei shanghahpü danteke; Nüngi ngei kü ha dükpü nangkü jom mongongnyüke. Ngei ponghahpükei ngelei vepathüi ponghahhen, nüngi lahpü nyih koei peikei.

LEVI 26:22

Ngei am touei meishih nyahmang shuohhen, hatü ammei hapeüthü hatü yemhimakthü hahtükhen, hatü am nanglak ajüki mon leihühen,

YOUNG LAI 5:14

Viüpathü chingnyü penyüsha kübü lüdaiteke, nethethüi kesho nyahhai neloki dohdaiteke.

HOSEA 2:13

Baal kü vong büpü ayingshü jakei mopü nyihthü shingvaishi, hatü ngei petüktü hon-ow owtü chühimai changei daipü nangkü ngei pinnyü kü hanghi shuohhen” shei Shembüpai enyüke.