YOUNG LAI 1:3 - DAÜLANGPÜ LAIHING (BSI)

³ Shangpong yakyingi maei, aa keiha shem kübü yanei Judah am wüpküpei daiteke; Pinnyü shaangü mihjat mihli mü nyiumeishing nedangi nyüke; Pinnyü shangpong yakyingpü chi kü pinnyü kü changpüthüi pinnyü she yeiteke.

YOUNG LAI 1:3 Referans Kwoze

YOUNG LAI 2:9

Pinnyülei pe shaden kahmongei shüdaiteke; jomei nyiam pe khih mü nihdaiteke. Pinnyülei longhiongthü peü wüpküpei daiyei lebü jatthü chi kü nyüke. Hajük kü shahkungnyü nenyuhneven; thibüthüi sheyü SHEMBÜPAleipü manghkhang ne-eehen.

EZEKIEL 5:12

Amphong khong kübü phaihan jem kü hükü tüngpüaipai hatü shaühile homei dihen; phaihan hükü chingnyü haoei deiyei mih-ei yani mahhühen, hatü shompü phaihan hükü ngei vanglük kü domtükhen hatü ngei ha pheikü yan noshi changhen.

JEREMIAH 52:15

Ongpalei veshan mübüi longi taopathü hatü chingnyülei tuhphongpü shennyakthü mü lahhinei dou dükpüthü, hatü Babylon am mü shepdaipüthü hanei wüpküpei müei dai.

JEREMIAH 52:8

shejao Babylon am veshanthüi Zedekiah ongpa kü changei daiyei Jeriko kahjilei büpa she yei. Büpalei veshanthüi büpa tuhtü nyaidaikem,

JEREMIAH 39:9

Veshan mübü Nebuzaradani chingnyülei tuhpü nanglakthü büpa tuhphongpü shennyakthü hatü halei aoei nyupüthü Babylon wüpküpei müei dai.

JEREMIAH 24:9

Ngei jomü kahdoknyü jatthü peü touei nyemhübenüng, mang dou leihühen, ngei metouei jom changei deishihhen, halei jomü peüi yaüpülungpü, mihnyi pü, eelanyongnya dou hatü thaüvaüthemthe leihühen.

JEREMIAH 16:16

Shaang ngei nyah yepbüthü longi nyükhen shomnyüpeih, hatü jomü ha nanglakthü nyah kei yephen. Hapheikü ngei sikari shennyakthü nyükhen, hatü jomi hapa nanglakthü kahshang, shangching hatü yaongvak peü leipü jüei leihen.

JEREMIAH 13:19

Negeb leipü chingnyüthü üpaiyao aphen neshiüi küptükhen. Judah am peü dhaomü wüpküpei deilangteke.

2 ONGPATHÜ 25:21

Hamath kahdok Riblahlei ongpai jom kü üp, hatü jütük. Hanangkü Judah am laophülei kahdok leipü wüpküpei dai.

2 ONGPATHÜ 25:11

Nebuzaradani chingei tuhphongpü nanglakthü, neaoknethangpü shennyakthü peü wüpküpei müei dai.

2 ONGPATHÜ 25:4

Babylon am ching shinei nyulangmao ongpalei pe yopailei bham nyi kübü peshaden homei bham benei ongpa hatü veshanthü peü yanüng nyaidaikem. Jom Arabah lemei nyaiyei dai,

2 ONGPATHÜ 25:5

shejao Babylon am veshanthüi ongpa kü changei daiyei Jeriko Kahjilei büpa yep, hatü veshanthü büpa yakphongtü yandaikem.

SHAHKÜP 28:48

Hanangkü am aeiyeileyei, bümkong hatü taoeinangei Shembüpai am khüei shompü ammei vepathü amphongi chongphohen. Am mangmahkem thahshi büpai am shangponghühen.

YOUNG LAI 4:15

“Lüdaituh! Amphong nedaüpüthü! Ngei kü tehongpha!” shei nanglakthüi lenteke. Hanangkü jomphongü benhayaha, shing nelingi longteipü am leiteke, hatü lebü jatthüi, “Jom hammü nenyuaokpih” shei eteiteke.

YOUNG LAI 5:5

Yemhimak kei hamei bhagchong kü pang paitü nyiujao nyiumei neshiü.