YOUNG LAI 1:21 - DAÜLANGPÜ LAIHING (BSI)

²¹ Nyiushemmei neshiüi ngei theppü jomi danteke. Ngelei vepathüi ngei shanghahpü danteke; Nüngi ngei kü ha dükpü nangkü jom mongongnyüke. Ngei ponghahpükei ngelei vepathüi ponghahhen, nüngi lahpü nyih koei peikei.

YOUNG LAI 1:21 Referans Kwoze

YOUNG LAI 1:8

Jerusalemi ahshi nemei-i mang thahteke, hanangkü pinnyü-ü nedaüpü eelanyongnya leidaiteke. Üami pinnyü kü dhüm shuoh, hathüiyao pinnyü yakphongteke; Mehenangkü jomi pinnyü bümkong, hatü mahng theppü, hatü veüpong kü eeteke.

YOUNG LAI 2:15

Ammei ching peih-ei longteipüthüi, “Hapayü dendoh nethe meipü, hatü kahdoknyü peüei mongongmongle chingnyü je?” shei peüi lak apei ngaüm dhiyei Jerusalem kü nyinyüke.

YOUNG LAI 1:22

Jomei mang dou kemei nüng touei peihütuh; Ngelei mang nangkü nüngi ngei kü dükpü keiha, jom kao hapakei dükeishuoh. Ponghahpai ngei thepnyüpeih, hatü ngei mongkü tüngnyüpeih.

YOUNG LAI 1:16

Hanangkü ngei youngnyüpeih; ngelei mük kü mükphi yennyüpeih. Ngei nyiushem meihühen, ngei mongyanghühen üpayao neshiü; Ngelei hapeüthü lakkong nyüke; Mehenangkü vepathüi aoklangteke.

JEREMIAH 50:11

Amphongi ngelei mükjüp aetei yahpü nangkü hah tenpü mohoh keiha mongongjao, hatü koyei kei ngeüwong anei vaüjao,

MENVIH KESHO 35:15

Shejao mechem ngei shanghah pongpa, jom peü mongongshi thaiyei ngei khüei eelapeih. Ngei nenyingpü shennyaktenthü peiyei nedoh-i ngei kü lak shihpeih.

YOUNG LAI 1:4

Zionlei aongpü lemnyüao youngteke; Mehenangkü üpaiyao hapa lemnyü kü mohitap kao nelingleinyu. Pinnyülei penyüsha vüngmaki küpdai, haleipü ngongpathüao youngnyüke; haleipü nelathüao mongshangnyüke, hatü pinnyü-ü shahyakpü mongshang kü nyüke.

YOUNG LAI 1:2

Vangnyak kü pinnyüi shahyaki thepnyüke, pinnyülei omdhaong kü mükphi yennyüke. Pinnyülei nyanaü anüng üpaiyao pinnyü nyiushem meihühen neshiü. Pinnyülei mongkhen küphüthüi pinnyü yutük, peü pinnyülei ve leidaiteke.

JEREMIAH 51:24

“Ammei müki eeshi ngei Babylon hatü halei nyupüthü kü jomi Zion kü nemeipü dükpü nangkü ngei ha shemhen” shei Shembüpai enyüke.

SHAKEI VAMPÜ 18:6

Pinnyüi shuohpükei pinnyü kao yah-eishuoh, hatü pinnyülei dou kü shing nyi shemeishuoh; pinnyüi vukpü pati kü ühivan shing nyi vukeishuoh.

JOEL 3:14

Haja dok kü haja Baong Hanpü Kahjilei nyüke! Baong Hanpü Kahjilei Shembüpalei nyih yopailei nyüke.

EZEKIEL 26:2

Shennyak ha, mehenangkü Tyre ami Jerusalem nangkü, “Aha, jatthü kü showpü penyüsha bendaiteke, hatü hapa shaden ngei kü apei nyüke; sheyü pinnyü-ü mangtükteke, ngei daeisheyei leihen” shei eteke.

JEREMIAH 51:49

Babylon ami kahdoknyü kemei jüpü keiha Israel amao jütükpü nangkü shaang Babylon am dohen.

JEREMIAH 50:31

“Ngei nüng khüei nyüpeih, Oh changmeipü Babylon! Nüng hanghihen nyih hatü hepak ngoiteke” shei Shembüpai enyüke.

JEREMIAH 50:29

Lahhilaong nopüthü peü kü Babylon hahhen nyüktuh. Hükao neyangtüki shinei baümtap vetuh. Pinnyülei dou kü shao nyokei yah-eishuoh; pinnyüi mih kü dükshuohpükei pinnyü kao dükeishuoh. Mehenangkü pinnyüi Shembüpa, Israel amei Daülangpü Hük khüei yaongteke.

JEREMIAH 50:15

Shing peü lemei thep nyüktuh! Pinnyü vepathü touei shakei vamhen, jomei shangdü hatü bham dodaihen. Hapayü Shembüpai bhüh yempü vaipü nangkü pinnyü kü bhüh yemtuh; pinnyüi mih kü dükshuohpü keiha pinnyü kao dükeishuoh.

JEREMIAH 48:27

Güh-ei, bhahlah-ei neyepjao Israel amü am shingvaishi mihnyiyangnyai kei nyupeih; shejao mechem ami jom nang ehenshang yaüeilungei ngaüm dhihampeih.

JEREMIAH 30:16

Shejao üami am lühtükpa jomao lühtükhen, hatü ammei vepathü jom peü wüpküpei daihen. Üami am leipü aeteishepa jom kao aeteishehen, hatü üami am kü shüvei, jom kao shüveihen.

MENVIH KESHO 38:16

Ngei doei nyushing kü, “Ngei shak kü hathüi mongte-onghü, hatü techangmeihü” shei ngei phopnyüpeih.

MENVIH KESHO 37:13

shejao Shembüpai nemeipüthü kü nyinyeih, mehenangkü jomei nyih ngoiteke shei büpai nyingei nyüke.

ISAIAH 14:5

Shembüpai nemeipü amei lenshuoh nevaijü lüng bhagtük;

ISAIAH 14:6

mehenangkü büpa mongshihpai nedoh-i nanglakthü kü bheiteke, hatü mongshihpai jatthü kü nephahji-i shüveiyei vanglem lemteke.

YOUNG LAI 2:16

Nüngei vepathü peüi nüng khüei jomei ju kanyüke; Jomi jomei bha vükei, hümei, “Hami pinnyü neütüktih! Ham omdanei nyupü nyih-ü ha hih, hatü hami hapa eetepih!” shei lennyüke.