YOUNG LAI 1:2 - DAÜLANGPÜ LAIHING (BSI)

² Vangnyak kü pinnyüi shahyaki thepnyüke, pinnyülei omdhaong kü mükphi yennyüke. Pinnyülei nyanaü anüng üpaiyao pinnyü nyiushem meihühen neshiü. Pinnyülei mongkhen küphüthüi pinnyü yutük, peü pinnyülei ve leidaiteke.

YOUNG LAI 1:2 Referans Kwoze

MENVIH KESHO 6:6

Mahng thepai ngei nyiudaiteke, Yajeih ngelei shinshingü mükphi-i maei nyunyeih; ngelei shole mükphi kü hingdaiteke.

MIKA 7:5

Ammi chingnyü kü hingtelem, ammei küphü hük kü mongtelem. Nüngei nyüha touei dangkao mehe enya nüngi lituh, hatü nüngei ju yomtuh.

YOUNG LAI 1:21

Nyiushemmei neshiüi ngei theppü jomi danteke. Ngelei vepathüi ngei shanghahpü danteke; Nüngi ngei kü ha dükpü nangkü jom mongongnyüke. Ngei ponghahpükei ngelei vepathüi ponghahhen, nüngi lahpü nyih koei peikei.

YOUNG LAI 1:19

Ngei ngelei mongkhenthü kü nyük, shejao jomi ngei kü nesheüh. Ngelei ngongpathü hatü pahijeithüi hahying yemei longteipai chingshongei diyei nyüke.

YOUNG LAI 1:9

Pinnyü nedaünelangpeyü pinnyülei büm-ow kü khashi nyüke; Ngoikahen nang pinnyüi deih-ei nelenyu; Pinnyü dopü nyemshi hanshi; üpaiyao pinnyü nyiushem meihühen neshiü. Pinnyülei vepathüi neüshuohpü nangkü, “Oh Shembüpa, sheühshih” shei enyüke.

JEREMIAH 30:14

Ammei mongkhen küphü peüi am betükteke; jomi am nang deihshi neshiü. Vepa hüki keiha ngei am kü üppeih, hatü nemeipü ami keiha am kü hanghi shuohpeih; mehenangkü am pungpü ahshi longshi, hatü ammei mang longi ahshi nyüke.

JEREMIAH 13:17

Shejao nüngi ven nebangjema, nüng changmeipü nangkü ngelei laanghai joshi thephen. Ngei shahyaki thephen, hatü ngelei mük kü mükphi yenhen; mehenangkü Shembüpalei mithü wüpküpei deilangteke.

JEREMIAH 9:1

Oh ngelei shangjing paoh yunglok vailangmeyü, ngelei mük kü paoh mükphi yunglok vailangmeyü, ngelei nanglakthü jütükpü nangkü nyakhingai thüngei ngei thephen vaipeih.

JEREMIAH 4:30

Oh ching nyaipü am, am mehe düknya? Mehekei ammi ow hakla hatü hon-ow ownya? Mehekei ammi mük kü long nyiotü, ammei mükkam longhünya? Angsha kü am nela lingteinyu khih. Ammei chühimaithüi am yakphongteke; jomi am jühen yemnyüke.

MENVIH KESHO 31:11

Ngelei vepathü homei chingyowthüiyao ngei nyonghüteke; Ngeiyü küphüthüi nyembenüng dou kei leidai; Chingyangshongei ngei eetü nyaidainyüke.

SHAKEI VAMPÜ 17:16

hatü nüngi eepü vaung an, jomphong hatü yemhai hapa büm yupü nyüha kü jiühithen; jomi pinnyü lavüngtoiyei bümkong tuhhen; jomi pinnyülei phai hahtükhen hatü aw kü jaktükhen.

SHAKEI VAMPÜ 17:13

Jom an peü mükhong hük kü mongjemtü yemha kü ngan hatü wong shuohnyüke.

HOSEA 2:7

Pinnyüi maithü changei daihen, shejao phei nethahhen, hatü jomphong yemhen shejao nedanghen. Hahepak kü pinnyüi ehen, “Ngei ngelei shongpü baha touei nyokei leishah; mehenangkü shaangpü laphen meyü sheleipü-üng meipü khih.”

EZEKIEL 16:37

am mong hüshempü ammei chühimaithü, ammi bampü hatü jiühitpüthü ngei peü leipü thaihen; ngei am khüei peü leipü hathü thaihen, hatü ammei bümkong nyem-eenüng ngei ammei ashakviha nyiuktükhen.

YOUNG LAI 2:11

Theppai ngelei mük poukdaiteke; ngelei nanglakthü mahdaipü nangkü ngelei mongkü tüngnyüke. Hashihthü hatü aküngnaühathü chingyangshongei shomeiyingnyüke.

JEREMIAH 3:1

Baha hüki laophülei nyüha mü yanjü, pinnyüi büpa toueipü yanei daiyei lebü baha mü doi lüdaipheikü shao büpai pinnyü touei nyokei leihen je? Hapa keipü kahdok sheih-ei neshiüpü je? Ammi chühimai longi mü mükbungjuyungteke, hatü am ngei touei leiaokhen je? shei Shembüpai enyüke.

KANDOK 19:7

Taopa hük kü laophülei nenhisheni dangkao jiühitjema, büpalei küphüthüi meshükang jiühithenang! Büpai jom kü nyükei müjajao jom meleiyao neheüpih.

JOB SHAHSHA APPÜ 7:3

Len longi ngei kong kü nyupeih, hatü ya longi shangpong kü nyuei daipeih.

JOB SHAHSHA APPÜ 6:15

Shejao ngelei mongjempathüi vang nekeijü jepdaipü yungyen keiha ngei kü lueilemteke.

MENVIH KESHO 126:5

Üami mükphi yenei hainyüpa, mongongpai leneiwongei vetnyüpeih.

JEREMIAH 2:25

Nüngei la kü tüngshi, hatü üng üshi temoktei. Shejao nüngi, “Ngei kung amei kahvang bamnyeih, ngei hathü pheikü daihen hih” shei nüngi eteke.

MENVIH KESHO 69:21

Jomi hahying nangjei leü nemeipü shuohnyüke, hatü ngei yung lejü thiok yung yahphünyüke.