YOUNG LAI 1:1 - DAÜLANGPÜ LAIHING (BSI)

¹ Chemü shennyak maei nyupü chingnyü, shaang mekei lavüngtoidaipa! Pinnyü chemü jatthü peü mü longpü vaihampü, shaang mekei vaümnyü kei leidaipa! Pinnyü chemü ongchingthü shak kü onglanyü vaihampü shaangü aa leidaiteke.

YOUNG LAI 1:1 Referans Kwoze

ISAIAH 3:26

Zion penyüshathü mahng thephen, hatü younghen; hapa chingnyü-ü bümkong nehahneyingi kahdokei uoshi nyuhen.

EZRA 4:20

Jerusalem kü wong kohpü ongthü nyuei Euphrates heshüphi kü vanglem lemei lat hatü bom jom kü shuoh-ei nyuhampü khih.

1 ONGPATHÜ 4:21

Solomoni Euphrates yungyen kübü Philistia kahdok hatü Ijip amei viong thahshi kü nyupü ongchingthü kü vanglem lem. Hapa jatthüi büpa kü bom shuoh, hatü jomphongü büpalei den kemei kü büpalei nanglakthü leiteke.

ISAIAH 54:4

Tenyem, mehenangkü am veü nepongpih; mongteshang, amphong hangnehipih; Mehenangkü am thehila hepak kü veütükpü betükhen, hatü am vaümnyü vaiyei tuhphongpü deih-ei nedanghen.

ZEPHANIAH 2:15

Hapayü monghamshi nenyemnehani nyupü chingnyü, jomei wong kü monglemei hapakei e, “Ham mon, üamao ham kei neshiü.” Mehekei shaangü yemhimak paümshing chingkow leidaipa? Ham kü peihpüleipü peüi shiinyüke, hatü ngaüm dhinyüke.

YOUNG LAI 5:16

Hamei shangjing leipü hon athen vüdai, Onyükei, hami mang thahteke.

ISAIAH 22:2

Chingnyü kemei bukpüshaanpü, vaüpü eepü hatü moppücheüpai maei nyüke. Ammei nanglak mahpeyü yani, nevaijü vehok kü mahpü nevaiang.

2 ONGPATHÜ 23:35

Ijip ongpai yüpü bom shuohhen shingvaishi Jehoiakimi nanglakthü kü laophü laophü kü mop peipü aimü hon hatü ngin shathai thaiteke.

SHAKEI VAMPÜ 18:7

Pinnyü laophü nyingi duhah-ei, hatü nyiumei kü nyupükei pinnyü kü hanghi mongshang yah-eishuoh. Pinnyülei mongei pinnyüi, ‘Ngei onglanyü kei vanglem lemnyeih, ngeiyü vaümnyü nevai, hatü ngei mongshang mechemao nepongpih’ shei enyüke.

EZEKIEL 26:16

Hahepak kü yungkungei nyupü ongthüi laophülei ong uoshing kübü shühhen; hatü jomi jomei bhagthuh bhühtükhen hatü hoitükpü ashakviha nyiuktüktü kheüei kahdokei uohen. Ammei lashüh shangba eeyei longi nyempai kheüpü nedohhen.

YOUNG LAI 4:1

Mekei daülangpü hon dheshihlaümang leidaipa! Phopshem yaongthü mekei chingshongei haidaipa!

YOUNG LAI 2:10

Zion nela khong kübü behethüi sheyü ju kübü shah nevami kahdokei uoshi nyüke; Jomei shangjing kü bhihla nyiotü, hatü dhoila ashaki jümtü nyüke. Jerusalem nelathüao kahdokei dhe aümei shanyüke.

YOUNG LAI 2:1

Shembüpa mongshihpai Zion phumnyaki jümtük. Büpai Israel am dhemeilaümapü vangsho leipü kahdokei vütük. Büpa mongshihpü nyih büpai laophülei lashoup shingao betük.

JEREMIAH 50:23

Kahdoknyü mangtükpü koaklak mekei shaangü ha mangdaipa! Jatthü khong kao mekei Babylonü lavüngtoiyei leidaipa!

JEREMIAH 40:9

Shaphanei cheha Ahikam, Ahikamei cheha Gedaliah-i jomphong hatü jomei veshanthü kü lah-ei e, “Babylon am chongphohen ammi tenyem. Hapa kahdokei nyutuh; Babylon ongpa chongphotuh; shejema am meishi nyuhen.

JEREMIAH 9:11

Ngei Jerusalemü benei shüngpü dou leitükhen, mahuthü nyuishing leitükhen, hatü Judah jilathü shennyak neshiüi lavüngtoiyei leitükhen.

ISAIAH 52:7

Phongmokbü hüki kahshangthü homei chingmeivangmei baongei, shahjangmei kotü yemleipü baongei Zion am kü, “Ammei Kahvangü Ongpa” shei peipü la meshük nethe meipa!

ISAIAH 52:2

Bhihla kaongtüktuh; yaongtuh, hatü ong uoshing kü uotuh, Oh Jerusalem. Ammei üng kübü nyiamvü shetüktuh, Oh wüpküpei nyupü Zion nela.

ISAIAH 14:12

Nüng mekei etü vangsho leipü vüpa! Oh nepnüng litha, nepnüngei hapeü! Chem jatthü bhih-ei maanei shanshihpü nüng shaang mekei etü kahdokei shüktükpa!

MENVIH KESHO 122:4

Halei jatthü peinyüpeih, Israel am kü shuohpü shahkung keiha Shembüpalei men vihhen Israel jatthü peinyüpeih.

NEHEMIAH 9:37

Hamei mang nangkü, halei vampü mop kemei ham shak kü vanglem lempü ongpalei lakei thahdainyu khih; jomi hamei büm, yemhimak shak kü jomi mongpükei nonyüke. Hamü longi shanghah kü nyüpeih.

NEHEMIAH 5:4

Shao lebüthüi, “Kah hatü nyalingngupai kahthü kü ongpai thaipü kahphulat shuohhen lop luhen khih” shei e.

2 ONGPATHÜ 23:33

Mechem Pharaoh Neko-i büpa Hamath kahdok Riblahlei khoklat kü tuhpa, büpai vanglem lempü dohdaipeih; hanangkü büpa Jerusalemei vanglem nelemaok, hatü Judah am kü ngin dok 3, 000 hon dok 30 bom yüei yahhampeih.

ISAIAH 50:5

Jeiyong Shembüpai ngelei dhaong appeih, hatü ngei khüei neyaong, nevaijü ngei nyokei neleidai.

2 SHÜPPÜKENGPÜ 9:26

Büpai Euphrates kübü Philistia kahdok hatü Ijip viong thahshi kübü ongthü peü shak kü vanglem lem.

ISAIAH 49:21

Hahepak kü ammi ammei mongei, “Ham kü naüthü hajükjük üpai bühphopa? Ngeiyü naüthü mahdaitü kong mü nyuhampeih; Ngeiyü wüpküpei daiyei yaktükpü kei nyuhampeih. Hathüyü üpai bühpa? Ngei monha nyupeihhathü hashihthü meleipü peiküpa”? shei ehen.

JEREMIAH 31:7

Shembüpai hapakei enyüke: “Jakob nangkü mongongpai kesho loktuh; jatthü khongkü peü mü shongpüba kü menvih kesho loktuh, hatü, ‘Oh Shembüpa, aoei nyupü nüngei Israel nanglak yangtuh’ shei etuh.”

JEREMIAH 42:2

Jeremiah thibü kü, “Chingmeilemlingei hami phepü kü nüngi banglangshih hatü Shembüpa, nüngei Kahvang kü aoei nyupü nanglakthü shing phopshih. Nüngiyao shaang eenyüke, chemü ham longi nyupeih, shejao shaang maani mon aoei nyüke.

EZEKIEL 5:5

Shembüpai hapakei enyüke: Jatthü peü jiam kü hatü kahmükthüi shonei yahtü ngei chonglingei tuhpeyü Jerusalem ha hih.

LEVI 26:31

Ngei ammei chingnyü mangtükhen; ammei khümshing lavüngtoiyei tuhphonghen, hatü ammei vong meipü moila ngei neyahhen.

LEVI 26:33

Ngei mih jatthü touei am haitükhen, hatü am khüei yan nohen, hatü am kü changhen; ammei kahdok hatü chingnyüthü lavüngtoiyei leitükhen.

JEREMIAH 44:2

Jeiyong Shembüpa, Israel Kahvangi hapakei enyüke: “Ngei Jerusalem hatü Judah jilathü kü koei peipü shanghahthü ami ammei müki lekei eeteke. Shinnyih hathü kemei lavüngtoiyei, shennyak neshiüi nyüke;

JEREMIAH 44:6

Hanangkü ngelei mangpü mongshih bhuei vampeih hatü hapai Judah jilathü hatü Jerusalem chingyangshong kü bahhüpeih, hatü shinnyih nyupü keiha lavüngtoiyei leitükpeih.”

YOUNG LAI 1:19

Ngei ngelei mongkhenthü kü nyük, shejao jomi ngei kü nesheüh. Ngelei ngongpathü hatü pahijeithüi hahying yemei longteipai chingshongei diyei nyüke.

EZEKIEL 26:2

Shennyak ha, mehenangkü Tyre ami Jerusalem nangkü, “Aha, jatthü kü showpü penyüsha bendaiteke, hatü hapa shaden ngei kü apei nyüke; sheyü pinnyü-ü mangtükteke, ngei daeisheyei leihen” shei eteke.