TITUS 3:8 - DAÜLANGPÜ LAIHING (BSI)

⁸ Üami Kahvang kü hinglemei pei, hathüiyao doumei kü lanei shuohhen shingvaishi nüngi hathü kü dhaümshi dükkahen ngei nanyüpeih; hathü dou longi meipeih, hatü peü shing nanglei nyüpeih.

TITUS 3:8 Referans Kwoze

TITUS 3:14

Nyihjeih nadang lanaokhen shingvaishi, hatü meheyao nanglei neshiüi nenyuhen shingvaishi doumei kü lanei shuoh-ei dükhen nanglakthü kü nyinghütuh.

TITUS 2:14

Büpai jen mang peü kübü angei leihen, hatü büpai laophü shing lompü vaihen nangkü doumei dükhüpü nanglakthü daühühen shingvaishi büpai jen shing laophülei yangnyu shuoh.

TITUS 1:9

Büpayü nyuhpüvenpü meipü yah-ei nyuh-aokhen, hatü hapa mü nejiüteipü yaktükaokhen shingvaishi nyuhpü aimü hinglemhen shah kü wongshongi shümpü shennyak vaihen vongbong.

TITUS 3:1

Nanglakthü kü vanglem lempü hatü wong nopüthü phangkü nyuhen, ven danhen, doumei lemphü tempülempü nyuhen,

1 PETER 1:21

Üpai büpa dipü kübü yangei leishih, hatü büpa müknyinshekhanghü, büpa homei ammi Kahvang kü hinglempeih, hanangkü ammi hinglempü hatü monglempü Kahvang kü nyüpeih.

1 TIMOTI 1:15

Hapayü dhao mü yah-aokbenüng hingshangpü shah: Khrista Jisu-ü mangthü yangnüng kahdoknyülei yiü, ha khongkü ngei peü mü nemeipüba.

ROM SHAHSHA APPÜ 4:5

Shejao dou ne-omi nemeipüthü dahshakhüpü Kahvang kü üami hinglemnya, hapakei hinglempü kü daülangshemshepü shei ieyeilemnyeih.

JOHAN 12:44

Hahepak kü Jisui lenei, “Mechem shennyak hük ngei kü hinglemnya, büpai ngei kü mon hinglemnyu nevai, shejao üpai ngei shom büpa kao hinglemnyeih.

JOHAN 5:24

“Hingmei mü ngei am kü enyeih, üpai ngelei shah banghen hatü ngei shompüba kü hinglemhen yangnyuyem nyüpeih, hatü shahphenpülei nepeihen, shejao dipü kübü yangnyuyem touei lüdaiteke.

JOB SHAHSHA APPÜ 22:2

Shennyak hük Kahvang touei nanglei nyüpü je? Kon kohpü shennyak büpa shing nanglei nyüpü je?

PHILEMON 1:11

Sheleiyü büpa nüng touei yahlak neshiüi nyuhampeih, shejao shaangü büpayü jiphen shingvaishi nanglei nyüpeih.

MENVIH KESHO 78:22

mehenangkü jomi Kahvang kü hingnelem, hatü büpai yangpü ngan kü mongnelem.

KANDOK 21:28

Shahshem denpeyü mahdaihen, hatü üami ha kü banghenshang den kü dihen.

2 KORINT 4:13

“Ngei hinglem, hanangkü ngei epeih” shei laihingei nyangei nyupükei hapa aihük laangha ham kao nyupü nangkü hamao hinglemnyeih hatü hami enyüpeih.

PHONGSHANTHÜ DOU 12:15

Jomphongi pinnyü kü, “Nüngü ngadainyu khih!” shei e. Shejao pinnyüi hapayü hingmei hih shei nedoh-i e. Jomphongi, “Hapayü büpalei vangsho phongshan vaihen hih” shei eteke.

EPHESIA 4:28

Gühpathüi gühpü yaktüktuh; halei meyü taopathü kü lemhük dangkao shuoh-aokhen mü laophülei laki shahhing kü dou düktuh.

1 TIMOTI 2:8

Hanangkü shing peü kübü shennyakthüi mongshih nevami nevaijü shah nedaktei-i lak haongei nyemphop shei ngei deihnyüke;

1 TIMOTI 5:10

Pinnyülei doumei kü peüi denpü shuoh-aokshampü, hapeüthü meishi longaokpü, yen kü bampü hupü, daülangpüthülei la phuopü, shanghahpüthü kü sheühpü, hatü lem peü kü doumei dükpü kü lanei shuohpü vaihen khih.

2 TIMOTI 1:12

hatü ha tata kü ngei shangpongnyeih. Hei shejao ngei neveünyih; mehenangkü ngei üpa kü hinglem, ha ngei nying, hatü hapa nyih shingvaishi ngei mehe büpa kü nangei tuhphong, büpai ha yomaokhen shei ngei monglempü nyüpeih.

TITUS 2:7

Doumei peü kü nüng nyingi lappü meipü hutuh, hatü nüngi nyuhpü kü shahhing, hatü mih yepei leiaokhen mü nyuhtuh,

HEBREW 10:24

hatü bampü hatü doumei dükhen nangkü hüki hük mü nangthongteishah.

MATHI 20:4

hatü büpai jomphong kü, “Amphongao ngelei nyalingngupai kahlei shatuh, hatü am kao jiüpü aimü nanglat shuohhen” shei e. Hanangkü jomphongao shateke.