TITUS 3:5 - DAÜLANGPÜ LAIHING (BSI)

⁵ büpai jen yangpeih. Hapayü jeni daülangpü dou dükpü nangkü nevai, shejao hapayü büpalei phahji shangshi Laangha Daülangpai jen ja bühpü kü daütüktü jen ja leihüei yangpeih.

TITUS 3:5 Referans Kwoze

2 TIMOTI 1:9

Jenei dou aimü nevai shejao büpalei mükhong hatü phahji aimü büpai jen yangpeih, hatü daülangpü nyükpü homei jen kü nyükpeih. Hapa phahjiyü denshemthü chongpang shekü Khrista Jisu kü büpai jen kü shuohpeih,

1 KORINT 6:11

Am haneiyü hapakei nyuteke. Shejao amphongü paütük, daütük hatü amphongü Shembüpa Jisu Khrista hatü jenei Kahvang Laangha men kü dahshakhüteke.

1 PETER 3:21

Hapa yungü shaang am yangpü baptükpü lajei nyüke– hapayü büm kübü mag daüpü nevai, shejao Kahvang touei chudeih mongdeih meipai Jisu Khrista yangei leipü homei vangteipü hük nyüke.

1 PETER 1:3

Kahvang hatü jenei Shembüpa Jisu Khristalei Pa moihimantuh! Jisu Khrista dipü kübü yangei leipü homei büpa phahji longpai büpai jen kü yangnyuyem monglempü kü jen kü ja bühpü hük shouhteke,

ROM SHAHSHA APPÜ 12:2

Ammi hapa kahdoknyü kü tevukdai shejao ammei mong ja leipai jeilei yeiyatuh, shejüang Kahvangi mehe mong, mehe mei, mehe yah-aokbenüng hatü changpüshapü nyüpa, ha baong hanei nyingaokhen.

EPHESIA 2:4

Shejao Kahvang, üpa phahjipü kü shemmei nyüpa, büpa bampü longpü mepai jen kü büpai bam, ha homei,

EPHESIA 5:26

shejüang shah homei yungi paüei daüpai pinnyü daülangi leihen;

MENVIH KESHO 51:10

Ngei kü daülangpü mongdang hük lingshih, Oh Kahvang, hatü ngelei mongkü ja, hatü jiüpü laangha hük shihshih.

ROM SHAHSHA APPÜ 11:6

Shejao hapayü phahji homei vaijema, hapayü mechemao dou homei nevai, hei nevaijema phahjiyü hajük kü phahji nevaikahen.

HEBREW 4:16

Hanangkü jen nashingkü yahyang shinshang hatü phahji danghen shingvaishi hapa phahji ong uoshing touei monglongei peishah.

KOLOSI 3:10

hatü Lingbülei lajei aimü nyingpühingpü kü ja leiyei shennyak ja owteke.

MENVIH KESHO 86:15

Shejao nüngü phahji yahyangpü Kahvang, Oh Shembüpa, mongshihhen youngmü, bampü hatü shahhing epü kü bhashahshi nyüke.

GALATIA 2:16

shejao shennyak hüki shahkungnyü dükpai nevai, shejao Jisu Khrista kü hinglempü homei dahshaknyeih shei jeni nying. Khrista kü hinglempai jen dahshakpü danghen shingvaishi jeni Jisu Khrista kü hinglemei peiteke, hatü hayü shahkungnyü douthü dükpai nevai; mehenangkü üpaiyao shahkungnyü douthü dükpai dahshakei neaokpih.

ROM SHAHSHA APPÜ 3:20

Mehenangkü shahkungi epü douthü dükpai hangku üpaiyao büpa touei dahshakei neaokpih; mehenangkü shahkungnyü homei mang nyingpü peinyüpeih.

1 PETER 2:10

Chem amphongü nanglak nevai-i nyupeih, shejao shaangü Kahvangei nanglakthü; chem amphongü phahji nedangi nyuhampeih, shejao shaang amphongi phahji dangteke.

EPHESIA 4:23

hatü laangha kü ammei mong ja leihen,

ROM SHAHSHA APPÜ 3:28

Mehenangkü shahkungnyüi shuohpü douthü ne-omi shennyak hük hinglempai dahshaknyeih shei hami enyüpeih.

ROM SHAHSHA APPÜ 9:11

Kahvangi jepü nedoh-i daihen mükhong kü hapa yeshang nyi bühshekü nevaijü mei nevaijü ten dükshekü,

LUK SHAHSHA APPÜ 1:78

mehenangkü jenei Kahvangi phahji yahyangpü homei, ha homei vangsho leipü vanghe vangngai jen kü khanghen,

LUK SHAHSHA APPÜ 1:54

Büpai laophülei phahji deih-ei dangtü laophülei chongphobü Israel am kü sheüh;

LUK SHAHSHA APPÜ 1:50

Büpalei phahjiyü büpa kü nyempüthü shing hüdenhalenshi nyüke.

MIKA 7:18

Nüng keiha lebü Kahvang neshiü, Oh Shembüpa, Nüngi aoei nyupü laophülei nanglakthülei mang tüknyüke; Nüng denden mongshih-ei nenyunyu, shejao düngei ham kü bampü huhen mongongnyüke.

MENVIH KESHO 143:2

Nüngei chongphobü shahphenshingei tedei; mehenangkü üpayao nüng touei daülangpü neshiü.

MENVIH KESHO 130:7

Oh Israel, Shembüpa kü monglemtuh! Mehenangkü Shembüpa mü bampü nyüke, hatü büpa mü yemleihen wong longpü nyüke.

JOB SHAHSHA APPÜ 25:4

Mekei etü Kahvang touei shennyaki daülangpü leiaokhen? Nyüi bühpü hangkuli büpa touei daülangi leiaokhen je?

TITUS 3:4

Shejao mechem Kahvang jen Yemleipübalei phahji yahyang hatü bampü shakei vampa,

ROM SHAHSHA APPÜ 9:30

Shejema jeni mehe ehen? Kung am üami daülangshemshepü yemei nedai, hathüi hinglempai daülangshemshepü dangteke;

ROM SHAHSHA APPÜ 9:16

Hanangkü hapayü hangkui mongpü nevaijü khepü kü nevai, shejao phahji hupü Kahvang kü kohshi nyüke.

ROM SHAHSHA APPÜ 4:5

Shejao dou ne-omi nemeipüthü dahshakhüpü Kahvang kü üami hinglemnya, hapakei hinglempü kü daülangshemshepü shei ieyeilemnyeih.

LUK SHAHSHA APPÜ 1:72

Hapakei hamei bühipa kü büpai lahpü phahji huteke, hatü büpalei daülangpü vangpüshuwpü deih-ei dangteke.

ISAIAH 57:12

Am daülangshemshepü hatü ammei douthü ngei shakei vamhühen, hatü hapai am kü nanglei neshuohhen.

HEBREW 6:6

mang thah-ei vüdainya, jom nyipabü mong lepei leihenü neaokbenüng; mehenangkü jomi nyingshangi Kahvang Ha shao shophang kü aphünyüke, hatü büpa nyonghünyüke.

MENVIH KESHO 86:5

Mehenangkü nüngü meipü, hatü mang tükpü, Oh Shembüpa, nüng kü nyükpüthü peükü bampü bhashahshi shuohnyüke.

MENVIH KESHO 62:12

hatü bampeyü nüngei, Oh Shembüpa. Mehenangkü laophülei dou aimü nüngi peü kü shemnyeih.”

JOB SHAHSHA APPÜ 15:14

Hingmei shennyak daülangi leiaokhen je? Nevaijü nyüi paipü moi daülangi nyuaokhen je?

JOB SHAHSHA APPÜ 9:20

Ngei pungpü neshiüjao ngelei jui-üng ngei nyonghen; ngei kü eela neshiüjao ngeiyü pungpeih shei büpai nyongphahen.

SHAHKÜP 9:5

Hapayü am changpüshapü hatü daülangpü kü hapa kahdok am kü shuohnyu nevai, shejao ha jatthüi mang thahpü nangkü, hatü ammei bühipa Abraham, Isak hatü Jakob hathü kü lahpü jiühühen nangkü Shembüpa, ammei Kahvangi jom changtükpeih.

EZEKIEL 36:25

Ngei am kü daülangpü yungi haihen, hatü nedaünelangpü lemphü kübü, hatü ammei lajeithü peü kübü ngei am daütükhen.

MATHI 3:11

Mong leppü nangkü ngei amphong yungi baptüknyeih, shejao ngei mao nyeishi wong kohpü hük üpa ngei pheikü peikünya, ngei büpalei lathuh nohen dangkao nechang, büpai amphong Laangha Daülangpü hatü awi baptükphahen.

ROM SHAHSHA APPÜ 11:14

hapayü ngelei nanglaki mükhühhühen hatü jom hanei dangkao yanghen.

HEBREW 10:22

kenhingpü mongdang hatü hinglempü lekpü kü nemeipü chudeih kübü daüdaipü mongdang mü daülangpü yungi jenei büm paütüktü jeni Kahvang yopailei peishah.