TITUS 3:3 - DAÜLANGPÜ LAIHING (BSI)

³ Mehenangkü jenao chemü ngapa, ven nedanpü, lawlüppü hatü yahhahhüpü hatü mongongmongle lemphülei aa vaishi nyuhampeih. Jenao ten dükpü, mükhakpü, jen kao jiühithahpü hatü jeni mih kü jiühitpü kü yangnyu nyuhampeih.

TITUS 3:3 Referans Kwoze

KOLOSI 1:21

Chem amphongü Kahvang kübü yanei ammei mongei ve lingei douten dükteke.

ROM SHAHSHA APPÜ 6:17

Shejao Kahvang men vihtuh, mehenangkü am chemü mangei aa vaishi nyujao am kü shuohpü nyuhpüvenpü kü mong kempai ven bangteke,

KOLOSI 3:7

Hapa yangnyu kü nyushi amphongao chem hapa lemthü kü kamhampeih.

ROM SHAHSHA APPÜ 6:22

Shejao shaang amphong mang kübü bümei leiyei Kahvangei aa leiteke, hatü hapalei nanglei ammi dangpeyü daühüpü hatü ha kübü vampeyü yangnyuyem nyüke.

1 PETER 1:14

Ven danpü hashihthü keiha nenyingi shelei am kü nyupü ten yahhahhüpü kü tevukdai.

KANDOK 9:6

Amphong nelinehapü tuhphongtuh, shejüang am yem mü nyuhen; nyingpühingpü lem kü kamtuh” shei enyüke.

2 KORINT 12:20

Mechem ngei peihenshang, ngei napükei am nenyuphahen, hatü ammi napükei ngei nenyukahen vaaishang shei yingei deihnyüke; Üpai nyingpa, depülaopü, mükhühteipü, mongshih anpü, laophü shing mon deihpü, yaüeilungpü, mihla epü, changmeipü hatü bukpüshaanpü nyuhen khih shei ngei yingei deihnyüke.

JOHAN 8:34

Jisui jomphong kü, “Hingmei ngei am kü enyeih, mang thahpü peü mangei aathü hih.

MATHI 21:29

Büpai, “Ngei neshapih” shei e, shejao pheishi büpa mong yeiya hatü kahlei sha.

MENVIH KESHO 36:2

Jomei mang yemei nedangaokpih, hatü hapa nenyonghüpih shei jomei mükhimongi jom yawhlangnyeih.

JAKOB 1:26

Hanei ami laophü nyingi vaipü am shei deihjema, hatü laophülei yei neshümaokjema, büpa vaipeyü angsha, hatü laophü nying luhahnyüke.

GALATIA 6:3

Üami menüngao nevaipü kü lemhük vaipükei deihnya, laophü nyingi luhahnyüke.

LUK SHAHSHA APPÜ 21:8

Büpai e, “Am lemnyong kü nemühen lituh; mehenangkü longshi shing ngelei men kü, ‘Ngeiyü büpa hih’ hatü ‘Hepak ngoiteke’ shei eshi peikahen. Ammi jom phei tedai.”

SHAKEI VAMPÜ 18:2

Büpai ngeü longpai nyükei e: “Doteke, doteke longpü Babylon! Hapayü kahshihthü nyushing leidaiteke, mang laangha hatü jiühitbenüng outhü nyushing, mang laangha hatü jiühitbenüng yemhathü nyushing.

SHAKEI VAMPÜ 13:14

hatü hapa yemhalei men kü nyangeihepü dükpai yani ma yahjao meidaipü yemhalei lajei linghen eyei kahdoknyülei nyupüthü luhahteke;

SHAKEI VAMPÜ 12:9

Hapa longpü Dragon, aivang mebü biü, üpa kü Shepe nevaijü Satan shei nyük, kahdoknyü kemei luhahpüba– büpa hatü büpalei phongshanthü kemei kahdoknyülei shükei shanshih.

ISAIAH 44:20

Büpai depla hahnyüke; büpalei dhennyong mongnyongi büpa lemnyong kü mülangnyüke, hatü büpa nyingi neyangaok-ü nevaijü “Ngelei lakdah lemei nopü lajeiyü Kahvang nevai, shahshem khih” shei nedeihnyu.

OBADIAH 1:3

Ammei changmeipü thentoimongdangi am luhahteke; Am yaongvak kü chingchingpüthü, hatü kahshang shaopülei shem vepüthü. Ammei mongkü am nyingi, ‘Üpai ham chongei shüei vüaokhen?’ shei enyüke.

KANDOK 8:5

Amphong ngapathü, kenhinghen kon yahhahtuh; amphong yoipathü, danaokpü kon yahhahtuh.

ROM SHAHSHA APPÜ 6:6

Hapa mang büm mangtükhen hatü hajük kü jen mangei aa nevaihen shingvaishi jenei yangnyu chang büpa mü shophang kü aptükteke shei jeni nyingnyüke.

ROM SHAHSHA APPÜ 6:12

Hanangkü ammi mangi yahhüpü ven banghen mü mangi ammei didaihen büm kü vanglem telemhü.

ROM SHAHSHA APPÜ 11:30

Chem amphongao Kahvangei ven nedani nyu, shejao jom ven nedanpü nangkü shaang ammi phahji dangpeih,

2 TIMOTI 3:6

Jomphong khongkü haneiyü shemthülei peiyei wong nekohpü nyühathü yepei yahtü jomei mang hanggo kohünyüke, hatü jomi lümpü lemphü lemei dainyüke.

2 TIMOTI 3:13

Shejao nemeipü hatü mih kü vinei dükpüthü, mih kü lawlüppüthü nemeipü kübü nemeipüba leidaihen.

TITUS 1:16

Jomi Kahvang nyingnyeih shei enyüke, shejao jomei doui büpa yaktüknyüke. Jomphongü jiühitbenüng, ven nedanpü hatü doumei shingvaishi mounghibhang kü nejiüpüthü nyüke.

TITUS 2:12

Hapai jen kü Kahvang nenyingpü yangnyu, kahdoknyü lümpü vaüpü kübü yanhen nyuhnyüke, hatü shaangpü den kü ungei-aeipü yangnyu, kangshangpü hatü Kahvang nyingpü yangnyu nyuei,

KAHBHAO 38:9

Shejao Onani hapeüthü büpalei nevaihen shei nyingei mechem büpai chejeilei nyüha mü jemhenshang, hapeü nevamhühen shangmü büpai kong kü shakei yentük.

KAHBHAO 39:16

Chepaha mangleija thahshi pinnyüi büpalei ashak pinnyü mü tuh.