TITUS 3:2 - DAÜLANGPÜ LAIHING (BSI)

² üpa kao ten ne-ehen, depülaopü nenyuhen, inyainyemi nyuhen, hatü peü touei nenteiaokpü huhen eyeishuoh.

TITUS 3:2 Referans Kwoze

EPHESIA 4:31

Am kübü shahyakpü, lohpü hatü mongshih anpü, depülaopü, ühing itpü hatü lemphü ten dükpü yaktüktuh.

EPHESIA 4:2

Nenteiaokpü, inyainyempü hatü peü munenpai bampü kü hüki hük mü nenteituh,

1 TIMOTI 3:3

yiü yingpü am nevai, iy-aongmashapü am nevai shejao inyainyempü, nedenelaopü, hatü lop kü nebampü am vaihen vongbong.

1 PETER 3:10

Laihingi ha enyüke: “Üami yangnyu nanya, hatü nyihmei eehen lümnya, jomi laophülei yei ten epü kübü, hatü ühing itpü ju yepei tuhtuh;

1 PETER 3:8

Dohpülei, am peü kü, laangha kü mongjempü, shinshangteipü, hüki hük mü bamteipü, bampü mongdang jükpü, hatü nenteiaokpü chudeih nyutuh.

JAKOB 4:11

Jeihinaü nyahinaüthü, am hüki hük khüei ten te-etei. Üami lebü khüei ten ehen, nevaijü shahphenhen, shahkung khüei ten enyüke hatü hapa shahphennyüke. Shejao ammi shahkungi shahphenjema, amphongü shahkung bangpüthü nevai, shejao shahphenbüthü leinyüke.

GALATIA 5:22

Shejao Laangha betjükü bampü, mongongpü, chingmei, munenpü, phahjipü, nekaungi shuohpü, hingshangpü,

MATHI 11:29

Nüngi ngelei pang paituh, hatü ngei leipü nyinghahtuh; mehenangkü ngeiyü mongdangei nenteiaokpü hatü inyainyemi nyüpeih, hatü nüngei laangha shing nyiumei danghen.

1 PETER 2:1

Hanangkü am kübü ten dükpü, lueilempü, akhümmong-üm, mükhühpü, hatü ten epü lemphü tuhphongtuh,

JAKOB 3:17

Shejao shangphi leipü kihikonü shongpü kü daülangpü, hapheikü chingmei, bampü, inpünyaipü, deih-ei dangaokpü, phahji-i mapü, hatü betjük meipü, baong hanpü neshiüpü hatü akhümmong-üm neshiüpü nyüke.

GALATIA 6:10

Hanangkü hepak mei dangpü nangkü jeni peü kü doumei dükshah; anyei vaishi vaipü shemongshathü kü.

2 SAMUEL 22:36

Nüngi ngei kü nüngei aokpü inyüshung shuoh, ngei longpü leihühen ngei kü sheühpeih.

GALATIA 6:1

Jeihinaüthü, hanei ami mang dükei yepjema, am üami Laangha yah-ei nyu, inyainyempü laanghai hapa keipü shennyak müei leituh. Am laophü nyingi nedokhahhen lituh.

1 TIMOTI 3:11

Hapa keiha nyühathüao nyingnyoi meipü, mihla ne-epü, shejao shümei aokpü hatü dou peü kü mong shuohpü vaihen vongbong.

1 THESALONIKA 2:7

Khristalei phongshanthü vaipü nangkü hami am kü hanggovih vaihühen vaipeih, shejao nyü hüki laophülei hapeü kü deipümeipü keiha am touei ham nenteiaokei nyupeih.

PHILIPPI 4:5

Amphong inpünyaipü peü kü nyinghütuh. Shembüpa yopailei nyüke.

1 KORINT 9:19

Ngeiyü üpalei aayao nevai, bümei vaijao, jom nyeishi müei leihen shingvaishi ngei jom peülei aa leipeih.

MENVIH KESHO 140:11

Lueilempüthü hapa kahdok kü chongwongei tenyuhü; mangi nemeipüthü lomi mahtükhütuh.

2 KORINT 12:20

Mechem ngei peihenshang, ngei napükei am nenyuphahen, hatü ammi napükei ngei nenyukahen vaaishang shei yingei deihnyüke; Üpai nyingpa, depülaopü, mükhühteipü, mongshih anpü, laophü shing mon deihpü, yaüeilungpü, mihla epü, changmeipü hatü bukpüshaanpü nyuhen khih shei ngei yingei deihnyüke.

2 KORINT 10:1

Khrista nenteiaokpü hatü inpünyaipü homei ngei, Pauli am kü khümei enyeih– ngei am mü dhe dhe gongei thaijü veüpükei nyunyeih, shejao mechem yanei daihen am touei monglongshi nyunyeih.

PHONGSHANTHÜ DOU 23:5

Pauli, “Jeihinaüthü, büpayü ngongchong khih shei ngei nenyingangpih; ‘Ammei nanglak vanglem lembü kü ten te-e’ shei nyangei nyüpeih” shei e.

KANDOK 25:24

Depülaopü nyüha hük mü shem hük kü nyulei meyü shem adokei aongei dhetshi nyupü-üng meipüba.

KANDOK 6:19

Shahshem denpü shuohpü, hatü jeihinaü khongkü neshetnephen ngaihüpü nyüke.

JUD SHAHSHA APPÜ 1:10

Shejao ha shennyakthüi jomi nenyingaokpü peü kü yaünyüke, hatü jomphongü hathü doui-üng mahhünyüke; jomi sholi neshiüpü yemhathü kei nyingnyoi kü lepü mon nyingnyüke.

JUD SHAHSHA APPÜ 1:8

Hapa aihük mü hathü mangh manghteipüthüi laophülei büm sheihtüknyüke, Kahvangei wong kü ne-ienelemnyu, hatü vangsho leipüthü kü yaünyüke.

2 PETER 2:10

anyei vaishi üami laophülei phai iyjeiphailei mang kü mü, hatü Kahvang ngan yaktük hathü shingvaishi nyuhen. Jomphong mahmong longei changmeinyüke, hatü jomi müknyinshekhangpü vangsho shanthü kao yaüeilunghen nenyemnyu.

1 PETER 4:4

Jom mü hükkei beiyei nyeiyei nyupü yangnyu kü am ne-omjapü nangkü jom thamanyüke; hanangkü jomi am kü thaüvaünyüke.

1 KORINT 6:10

gühpü, hahnempü, chokpümokpü, yaüeilungpü, hatü peileipüthü– hathü üpayao Kahvang ongching mükjüp nedangpih.

ISAIAH 40:11

Mi yombü hük keiha büpai laophülei mi haümnyeih; büpai mi chehathü laophülei laki mongdang kukei deiyei paümnyeih; Büpai mi chenyüthü youngmü atei leinyüpeih.

KANDOK 19:19

Mongshih nemeipü shennyaki hanghi danghen; nüngi büpa yangei tuhjema, nüngi shao ha dükhen vongbong.